Koʻpchilik buyrakda tosh paydo boʻlishiga faqatgina organizmda modda almashinuvining buzilishi, tuzli ovqatlarni meʼyoridan ortiq isteʼmol qilish, deb oʻylaydi. Aslida ushbu kasallikka chalinishning boshqa bir qator omillari ham mavjud. Yetarli miqdorda suyuqlik qabul qilmaslik, siydik yoʻllaridagi infeksiyalar, peshob hajmi kamayishi yoki tarkibida tosh hosil qiluvchi moddalar koʻpayishidan ham buyrakda tosh yigʻilishi mumkin. - Koʻpchilik buyrakda tosh paydo boʻlishiga faqatgina organizmda modda almashinuvining buzilishi, tuzli ovqatlarni meʼyoridan ortiq isteʼmol qilish, deb oʻylaydi. Aslida ushbu kasallikka chalinishning boshqa bir qator omillari ham mavjud. Yetarli miqdorda suyuqlik qabul qilmaslik, siydik yoʻllaridagi infeksiyalar, peshob hajmi kamayishi yoki tarkibida tosh hosil qiluvchi moddalar koʻpayishidan ham buyrakda tosh yigʻilishi mumkin.
- Shuningdek, qandli diabet va gipertoniya bilan ogʻrigan bemorlarda ham ushbu xastalik koʻp kuzatiladi. Toshlar avvaliga kichik hajmda boʻlib, sogʻlom turmush tarziga rioya qiladigan insonlarda peshob ajralishi orqali chiqib ketadi. Aks holda kristallar oʻsishni boshlaydi va bir-biri bilan birlashib, toshga aylanadi.
- Bu xastalikning xavfli tomoni shundaki, buyrakda hosil boʻlgan toshlar yillar davomida hech qanday belgilarsiz kattalashishi mumkin. Choʻkindilar sogʻlom buyrakka emas, uning shamollashdan yalligʻlangan qismiga yopishadi.
- Isitma, ogʻriqli xurujlar bilan kechadigan turli oʻtkir kasalliklardan farqli, surunkali buyrak xastaliklari odamni koʻp ham bezovta qilmaydi, shuning uchun koʻpchilik bemorlar oʻtkinchi ogʻriq deb ushbu xastalikni eʼtiborsiz qoldirishadi. Toshlar kattalashib, kutilmaganda belda, qorinda qattiq ogʻriq berib qolganidan keyingina shifokorga murojaat qilishadi. Bu esa, davolanish jarayonining ogʻir va uzoq vaqt davom etishiga olib keladi.
Siydikning oz-ozdan, tez-tez, baʼzida esa, ogʻriq bilan kelishi kuzatilishi bu buyrakda tosh yigʻilganining ilk belgilaridir. Shuningdek, Peshob rangi qizgʻish, xiralashgan tusga kirishi mumkin. Tosh peshob ajralib chiqish yoʻlini toʻsib qoʻysa, bemorda buyrak sanchigʻi paydo boʻladi. Bu qorinning deyarli yarmini qamrab olgan oʻta kuchli ogʻriq koʻrinishida namoyon boʻladi. Ayni paytda bemorning harorati oshishi, qon bosimi koʻtarilishi, muzdek ter chiqishi, sovqotib qaltirashi, holsizlik, koʻngil aynishi, ayrim xollarda qayt qilishi xam mumkin. Buyrak ogʻrigʻi aksar hollarda ogʻir jismoniy zoʻriqish yoki uzluksiz spirtli ichimlik ichishdan keyin ham yuzaga chiqishi mumkin.
— Ayni paytda buyrakdagi toshdan jarrohlik amaliyotisiz ham qutulish mumkin. Buning bir qancha zamonaviy usullari bor.
Toshlar endourologik yoʻl bilan maydalanib yoki dorilar yordamida eritib tushiriladi. Katta toshlarda asosan anʼanaviy jarrohlik muolajasi qoʻllaniladi. Davolash usuli kasallik darajasi hamda bemorning umumiy ahvolidan kelib chiqib tanlanadi.
Gemodializ - Gemodializ
- 📌Bu buyrakdan tashqari qonni tozalashni o'z ichiga olgan protsedura. Gemodializ og'ir buyrak kasalligi bo'lgan odamlar uchun zarur va ko'pincha buyrak transplantatsiyasidan oldin vaqtinchalik yechim sifatida ishlatiladi.
- ☝️Shuning uchun gemodializ uchun qurilma "sun'iy buyrak" deb ataladi.
- 🩸Asbobning o'ziga qo'shimcha ravishda, muhim element fistula - tomir kesiladi va arteriya bilan bog'lanadi
- Qonni arteriyadan mashinaga olib keladigan tomirga igna kiritiladi. Venaning yuqori qismiga igna qo'yiladi, u qonni mashinadan qon oqimiga qaytaradi.
E’tiboringiz uchun rahmat!
Do'stlaringiz bilan baham: |
