Sáne Jigirma tórtinshi fevral Klass: 2 Páni: Ana tili Tema: Zattıń háreketin bildiretuǵın sózler Sabaqtıń maqseti: Bilim beriwshilik

Qanlıkól rayonı XXB ne qaraslı 2-sanlı mekteptiń baslawısh klass oqıtıwshısı Tayrova Jarqınaydıń ana tli páninen ótkerilgen ashıq

sabaǵınıń is rejesi
Sáne Jigirma tórtinshi fevral

Klass: 2

Páni: Ana tili

Tema: Zattıń háreketin bildiretuǵın sózler

Sabaqtıń maqseti:

Bilim beriwshilik: Oqıwshılarǵa zattıń háreketin bildiretuǵın sózler, olardıń gáptegi xızmeti haqqında túsinık beriw arqalı olarda oylaw, pikirlew, sóylew mádeniyatın iyelewdiń usıl hám jolları, olardan orınlı paydalana alıw, durıs jazıw sıyaqlı lingivistikalıq kompetenciya elementlerin qáliplestiriw.

Tárbiyalıq maqseti: Temaǵa baylanıslı shınıǵıwlar orınlaw barısında tekst mazmunları menen islesıwı arqalı oqıwshılardı watan súyiwshilikke, bir-birine doslıqqa, pidayılıqqa hám ana-tilinde mádeniyatlı sóylewge tárbiyalaw.

Rawajlandırıwshılıq maqseti: jańa bilim beriw, ilim úyretiw tiykarında oqıwshılardıń oy-órisin, erkin pikirlew kónlikpesin, pánge qızıǵıwshılıǵın awızsha hám jazba til baylıǵın rawajlandırıw, ana tilinde sulıw hám qátesiz jazıw kónlikpresin rawajlandırıw

Wazıypalar:

-oqıwshılardıń temaǵa qızıǵıwshılıǵın oyatıw

-jańa maǵlıwmatlardı ańsat ózlestirip alıwına imkaniyat jaratıw

- interaktiv oyınlardan nátiyjeli paydalanıw, kishi toparda islesiw.

Sabaq túri: Jańa bilim beriw.

Sabaq metodı: aqıliy hújim, ziyrekler gúldástesi, “Sanlardı tuwrı jaylastır”, “Háriplerden sóz tap” oyın shınıǵıwları

Sabaqtı qurallandırıw: sabaqlıq, is jobalar,video proektor, slaydlar, súwretli jitonlar, tarqatpalar, plakat, marker, A 4 qaǵazı.

Rawajlandırıwshılıq kompetenciyalar:

Kommunikativlik kompetenciya: Tıńlap túsiniw awızeki bayan ete alıw, úyrenilgen materialdı anıq awızeki hám jazba túrde ádebiy til normasına sáykes bayan ete alıw. Tema mazmunı boyınsha sáwbetlesinıń pikirin húrmet etedi, sóylew hám basqalar menen múnásibet mádeniyatına ámel qılǵan halda óz pikirin bayan ete alıw hám tuwrı sheshim qabıl ete alıwı.

Óz-ara rawajlandırıwshı kompetenciya:

Berilgen tapsırmalardı orınlaw barısında óz ústinde izlenedi. Oqıp úyrenilgen bilimlerine tayanǵan halda erkin pikirley alıw, juwmaq shıǵarıw, klasta ózin-ózi tuta biliw arqalı hadallıq, tuwrı sózlilik sıyaqlı insanıylıq paziyletlerge iye bolıw.

Milliy hám ulıwma mádeniy kompetenciyalar:

Watanǵa sadıqlıq, kiyiniw mádeniyatına itibar beriw, klasta ádep-ikramlılıq qaǵıydalarına ámel qılıw, doslarınıń pikirlerin húrmet etiw, ortalıqta ózin-ózi tuta biliw.

Pánge tiyisli kompetenciya:

Lingvistikalıq kompetenciya:Óz ana tilinde seslerdi tuwrı qollay alıw, buwınlardan durıs paydalanıw, temaǵa baylanıslı sózlerdi awızeki hám jazba túrde qollana biliw;
Sabaq basqıshı:

Q/s	Sabaq basqıshı	Sabaqtıń metodı	Paydalanǵan kompetenciyalar	waqtı
1	Shólkemlestiriw	Aqılıy hújim	Shaxs sıpatında ózin –ózı rawajlandırıw	3 min
2	Úyge tapsırma soraw hám bekkemlew	Bekkemlew metodı	Kommunikativ kompetenciya	12 min
3	Taza tema túsindiriw	Túsindiriw	Kommunikativ kompetenciya Awızeki hám jazba túrde bayan ete alıw	10 min
4	Taza temanı bekkemlew	Bekkemlew, analiz	Lingvistikalıq kompetenciya:Óz ana tilinde seslerdi tuwrı qollay alıw, buwınlardan durıs paydalanıw, temaǵa baylanıslı sózlerdi awızeki hám jazba túrde qollana biliw	15 min
5	Juwmaqlaw	Xoshametlew	Milliy hám ulıwma mádeniy kompetenciyalar: Klasta ádep-ikramlılıq qaǵıydalarına ámel qılıw, doslarınıń pikirlerin húrmet etiw, ortalıqta ózin-ózi tuta biliw.	3 min
6	Úyge tapsırma soraw	Túsindiriw	Shaxs sıpatında ózin –ózı rawajlandırıw	2 min

Sabaqtıń barısı:

I. Shólkemlestiriw: (3 minut)

-Sálemlesiw,

-qatnastı anıqlaw,

- sabaqtıń tártibin túsindiriw

-Toparlarǵa bóliw .Toparlarǵa bóliw barısında oqıwshılarǵa 1,2,3,4 sanlarına tiyisli súwretler beriledi. Oqıwshılar qollarındaǵı súwretlerdegi zattıń sanına qarap , sol orınǵa barıp otıradı.

Bahalaw kartoshkası “ 5” bahası qızıl alma stikeri, “4”kókalmalı stiker,”3” sarı reńli stiker.

Altın qaǵıydalar menen tanıstırıw

Altın qaǵıydalar:

1.Tártip-intizam 4. Shaqqanlıq

2. Dıqqat penen tıńlaw 5. Bir-birewge húrmet

3. Ziyreklilik 6. Sabaqqa belsene qatnasıw

II.Úyge tapsırmanı soraw.(12 minut)

Ótilgen temalar boyınsha oqıwshılardıń bilimlerin tekseriw ushın úy jumısı 174-shınıǵıw hár bir topardan bir oqıwshıdan soraladı, dápterleri tekserilip,oqıwshılar tárepinen sorawlar beriledi.Bahalaw ushın almalı reńlı stikerler beriledi.

Ótilgen temanı bekkemlew ushın «Ziyrekler gúldástesi» metodı “Sanlardı tuwrı jaylastır ” oyın shınıǵıwı paydalanıladı. Toparlarǵa sanlıqqa baylanıslı súwretler beriledi. Bunda oqıwshılar súwretlerdi ósiw tártibinde qıstıradı. Oqıwshılar tapsırmanı durıs orınlasa gúller artında jasırınǵan sózdi de tapqan boladı. Shártti orınlaw ushın klastan qálewshi oqıwshılardı izbe-iz taxtaǵa shıǵarıp, gúldásteden gúl alıwı aytıladı .