«старость и настоящее время: текущая ситуация, тенденции развития и предстоящие проблемы»

“Keksalik va hozirgi zamon: mavjud holat, rivojlanish tendensiyalari va istiqboldagi muammolar” 
mavzusidagi respublika ilmiy-amaliy konferensiya materiallari to‘plami
25
Nuroniyni qadrlagan yurt
Aynan shu jihatlar inobatga olinib, O‘zbekistonda oktabr oyining birinchi haftasi 
“Keksalar haftaligi” etib belgilangan va har yili “Keksalarni e’zozlash, ularga hurmat-
ehtirom ko‘rsatish xalkimizga xos ezgu fazilat” degan bosh g‘oyani o‘zida mujassam 
etgan “Keksalar haftaligi” o‘tkazib kelinmoqda. Bu kabi keng qamrovli tadbirlarning 
o‘tkazilishi yoshlar tarbiyasi uchun ham ahamiyatli va manfaatli, desak mubolag‘a 
bo‘lmas.
Xususan, hafatlikda nuroniylarimiz mamlakatimizning tarixiy shahar, ziyoratgohlari 
va dam olish maskanlarida bo‘lib, ma’naviy xordiq chiqaradi. Misol uchun, o‘tgan 
yili “Keksalar sayohat oyi” munosabati bilan “Nuroniy” jamg‘armasi hamda Kasaba 
uyushmalari Federatsiyasi tomonidan 70 nafardan ortiq nuroniylarimiz uchun 
Samarqand shahriga sayohat va ziyorat tadbirlari uyushtirildi. Shu bilan birga, 
Imom Buxoriy nomidagi xalqaro ilmiy-tadqiqot markazi bilan hamkorlikda markaz 
anjumanlar saroyida “O‘zbekiston – keksalarni e’zozlagan yurt” mavzusida ilmiy-
amaliy konferensiya tashkil etilgandi. 
Bundan tashqari, Prezidentimizning “O‘zbekiston faxriylarni ijtimoiy qo‘llab-
quvvatlash “Nuroniy” jamg‘armasi faoliyatini yanada takomillashtirish chora-
tadbirlari to‘g‘risida”gi farmoni hamda “Mehnat faxriysi” ko‘krak nishonini ta’sis 
etish to‘g‘risida”gi qarori asosida joriy 2022-yilda 1200 nafarga yaqin faol nuroniylar 
ko‘krak nishon bilan taqdirlandi. Bunday xayrli tadbirlarning davomi sifatida fidoyi 
onalarga bag‘ishlangan “Yurtning sharafli onalari” nomli kitob-albom Respublika 
“Nuroniy” jamg‘armasi tashabbusi bilan chop etishga tayyorlanmoqda.
Shuningdek, “Keksalar maslahati” guruhlarining izchil va samarali faoliyati sabab 
quyidagi yo‘nalishlarda ham samarali ishlar amalga oshirilmoqda. Jumladan, 
– keksa avlod vakillarining davlat va jamiyat hayotidagi ijtimoiy faolligini oshirish, 
mahalladagi muammolarni hal etish, milliy urf-odat, an’ana va marosimlarni tashkil 
etish va o‘tkazishda yo‘l-yo‘riq ko‘rsatish;
– mahallalarda ijtimoiy ma’naviy-muhit barqarorligini ta’minlash, jinoyatchilik 
va huquqbuzarliklarning oldini olishda va aholining ayniqsa yoshlarning huquqiy 
savodxonligini yuksaltirishda faollik ko‘rsatish;
– mahallalarda aholiga xizmat ko‘rsatuvchi tashkilot va idoralar, davlat hokimiyati 
va boshqaruvi organlari faoliyati ustidan qonunda belgilangan tartibda jamoatchilik 
nazoratini o‘rnatish;
– mahallalarda aholining huquqiy ongi va huquqiy madaniyatini oshirish, aholining, 
ayniqsa, yoshlarning huquqiy savodxonligini yuksaltirishga ko‘maklashish;

---