Sulaymonova m. X

§2. Yer tuzish xizmatida mehnatni tashkil
qilish shakllari va uslublari 
"Yergeodezkadastr" Davlat qo‘mitasiga qonun hujjatlarida belgilangan 
tartibda lavozimga tayinlanadigan va lavozimidan ozod qilinadigan rais boshchilik 
qiladi. Qo‘mita raisi ayni bir vaqtda yerlardan foydalanishni va ularni muhofaza 
qilinishini nazorat qilish bo‘yicha O‘zbekiston Respublikasining bosh davlat 
inspektori hisoblanadi. Raisning uch nafar o‘rinbosari, shu jumladan bir nafari 

---

34 
birinchi o‘rinbosari hisoblanadi. Raisning birinchi o‘rinbosari ayni bir vaqtda 
Geodeziya va kartografiya bosh boshqarmasining boshlig‘i hisoblanadi. Raisning 
o‘rinbosarlari ham ayni paytda bosh davlat inspektorining o‘rinbosarlari 
hisoblanadilar. Qo‘mita raisi qo‘mita faoliyatiga rahbarlik qiladi, o‘z vakolatlari 
doirasida buyruqlar chiqaradi, yo‘riqnomalarni, qoidalarni va boshqa normativ 
hujjatlarni tasdiqlaydi, ko‘rsatmalar beradi va ularning bajarilishi ustidan nazoratni 
olib boradi. Bundan tashqari, xodimlarning belgilangan soni doirasida qo‘mitaning 
apparati, unga qarashli Qoraqalpog‘iston Respublikasi Yer resurslari va davlat 
kadastri boshqarmasi, viloyat boshqarmalari, tuman xizmatlari shtat jadvalini 
tasdiqlaydi. Markaziy apparat hodimlarini belgilangan tartibda lavozimga 
tayinlaydi va lavozimdan ozod qiladi. 
Qo‘mita raisi o‘z o‘rinbosarlarining vakolatlarini belgilaydi, ular o‘rtasida 
vazifalarni taqsimlaydi. Qo‘mitaning tarkibiy va hududiy bo‘linmalari to‘g‘risidagi 
nizomlarni, idoraviy mansub boshqa organlarning hamda qo‘mita tizimiga kiruvchi 
muassasalarning “Nizom” larini belgilangan tartibda tasdiqlaydi. 
Qo‘mita raisi qo‘mitani boshqaradi, xodimlarning operativ ishlarini 
bajarishini tashkil qiladi va shu bilan birga, jamoada ijtimoiy-siyosiy va tarbiyaviy 
ishlarni olib boradi. Qo‘mita xodimlarining intizomi hamda mehnat qilishlari va 
dam olishlari asosan ichki qoidalar bilan tartibga solinadi. 
Boshqarish va tashkil qilishning bosh bo‘g‘ini qo‘mita boshqarmalari va 
bo‘linmalarining yillik bajaradigan ishlarni rejalashtirish hisoblanadi. Rejada 
malum davrda bajariladigan ishlar hamda uni bajarish yo‘llari ko‘rsatiladi. Qo‘mita 
o‘z nazorat funksiyasini ikki xil shaklda olib boradi, yani huquqiy meyorlarni 
qo‘llash va o‘rnatish.
Qo‘mita tomonidan seminarlar o‘tkazish, statistik malumotlar to‘plash, 
instrukstajlar o‘tkazish, bo‘limlarga amaliy yordam berish kabi ishlar olib boriladi. 
Qo‘mita o‘z apparati doirasida ishlarni tashkil etish va uni amalga oshirishda 
iqtisodiy hamda huquqiy usullarni qo‘llaydi. Huquqiy usul asosan ikkiga, yani 
ishontirish va majburlashga bo‘linadi, huquqiy usulni qo‘llash yerlardan 

---

35 
foydalanish va muhofaza qilish bo‘yicha jamoa inspektorlar to‘g‘risidagi 
"Nizom"ga ko‘ra amalga oshiriladi. 
Qo‘mita loyiha tashkilotlari bilan birgalikda yer tuzish, yer kadastri, yer 
monitoringi ishlarini bajarilish texnologiyalari bo‘yicha vaqt meyorlarini va boshqa 
ko‘rsatmaviy hujjatlar, yo‘riqnomalar ishlab chiqadilar.
Yer tuzish xizmatidagi mutaxassislarning malakalarini oshirish borasida 
tadbirlar olib boradilar.