Suvli issiqlik ta’minoti Bug‘li issiqlik ta’minoti tizimlari

V.-rasm. Halqasimon issiqlik tarmoqlari.

Halqasimon issiqlik tarmoqlari (II.2-rasm) eng qimmatli hisoblanadi, shuning uchun ushbu tarmoqlar katta shaharlarda foydalaniladi. Xalqasimon quvurlar bir nechta issiqlik manbalarini birlashtirishda hamda issiqlik stansiyalarga yuklamalarni optimal taqsimlashda qulaydir.
Katta sanoat markazlarining issiqlik ta’minotining zamonaviy rivojlanish sur’ati issiqlik manbasini shahar tashqarisiga ko‘chirishni talab qiladi. Bu holda issiqlik tashuvchining bosimini oshirishga tug‘ri keladi.
Uzoq masofali markazlashgan issiqlik ta’minoti tizimlarining ishonchliligini oshirish uchun magistral tarmoqlar va taqsimlovchi tarmoqlar orasida nazorattaqsimlovchi punktlari (NTP) o‘rnatiladi(II.10-rasm). Bunday tarmoqlarda NTP va tutashtiruvchi quvurlar xar 1-3 km.da bir tekis joylashtirlishi orqali issiqlik zahirasi amalga oshiriladi

VI.-rasm Ikki pog‘onali issiqlik tarmog‘ining sxemasi:

1.Magistral tarmoq; 2.Taqsimlovchi tarmoq; 3.Kvartal tarmoq; 4.NTP;
5. Markaziy issiqlik punkti (MIP); 6. Taqsimlovchi tarmoqlarning asosiy zadvijkasi;
7. Seksiya zadvijkasi; 8. Tutashtiruvchi quvur
Seksiya zadvijkalari suvni sizib chiqishini kamaytirish va avariya bartaraf qilinganda quvurlarni suv bilan to‘lish vaqtini qisqartirish maqsadida tarmoq uchastkasini ikki tomonlama o‘chirish qulayligi uchun ishlatiladi. Bunday tarmoqlarni afzalligi o‘chirilgan uchastkada avariya ishlarini olib borish vaqtida qolgan uchastkalarda issiqlik ta’minoti to‘xtatilmaydi.
Tarmoqdagi tutashtiruvchi quvurlarning diametri avariy xolatidagi suv sarfining o‘tkazish qobiliyatiga qarab tanlanadi. Avariya xolatidagi suv sarfi xisobiy suv sarfining 70 % deb qabul qilinadi.