Сувости мамлакатида (Қисса) Акутагава Рюноске library ziyonet uz

СУВОСТИ МАМЛАКАТИДА
(ҚИССА) 
Акутагава Рюноске 
library.ziyonet.uz/ 
Савол: Шопенгауер саломатми? 
Жавоб: Айни пайтда у ўзининг янги шогирдининг орқасидан елиб-югуриб, пессимистик 
руҳда умрни ўз жонига ҳаѐт ато этиш билан тугатиш яхшими ѐки ѐмонлигини 
аниқлаштириб юрибди. 
Кейин биз, ҳайъат аъзолари, Наполеон, Конфуций, Достоевский, Дарвин, Клеопатра, 
Шакя Муни, Данте ва бошқа буюк шахслар руҳлари ҳақида саволлар бердик. Бироқ Токк 
улар ҳақида, афсуски, ҳеч қанақа қизиқарли маълумот бермади, ўз навбатида бизга ўзи 
ҳақида саволлар бера бошлади. 
Савол: Ўлимимдан кейин мен тўғримда нима дейишяпти? 
Жавоб: Қанақадир бир танқидчи сени «ўртамиѐна шоирлардан бири» деб атабди. 
Савол: Бу мен шеърий тўпламимни совға қилмаганим учун хафа бўлиб юрганлардан бири. 
Асарларимнинг тўлиқ тўплами нашрдан чиқдими? 
Жавоб: Нашр этилган, айтишларича, деярли олишмаяпти. 
Савол: Уч юз йилдан сўнг муаллифлик ҳуқуқи тушунчаси йўқолганда менинг 
асарларимни миллионлаб одамлар сотиб ола бошлайди. Айтгандай, модам ва маъшуқамга 
нима бўлди? 
Жавоб: У китоб дўкони хўжайини жаноб Ракка турмушга чиқди. Савол: Бечорагина, у 
ҳали Раккнинг кўзи ясама эканини билмаса керак. 
Болаларим-чи, яхши юришибдими? 
Жавоб: Улар болалар уйида бўлса керак. 
Токк бир қанча вақт жим қолди-да, кейин навбатдаги саволини берди. Савол: Уйимга 
нима бўлди? 
Жавоб: Ҳозир у ерда қайсидир бир фотографнинг студияси жойлашган. Савол: Иш столим 
қаерда? 
Жавоб: Биз билмаймиз. 
Савол: Стол ғаладонида мен айрим хатларни яшириб қўйганман… 
Аммо, жаноблар, бахтимга жуда банд инсонларсиз, сизларга бунинг ҳеч алоқаси йўқ. 
Энди эса бизнинг оламда кун ботяпти, мен сизлар билан хайрлашишга мажбурман. 
Алвидо, жаноблар, алвидо! Алвидо, менинг азиз жанобларим! 
Мана шу охирги сўзлар айтилган пайтида Xопп хонимнинг карахтлиги тарқаб, ўзига 
келди. Биз, барчамиз, ўн еттита ҳайъат аъзолари Xудони ўртага қўйиб, юқорида бўлиб 
ўтган суҳбатнинг ҳақиқатдан ҳам ростлигини тасдиқлаймиз. ( Илова: бизнинг ҳар қандай 
ишончимизга лойиқ Xопп хоним аввал кун давомида актрисалик қилиб топган пулини 

---