T. I. Umarov s. I. Xudoyberdiyev iqtisodiy matematik usullar va

1-mavzu: Iqtisodiyotni boshqarishda iqtisodiy-matematik modellar va usullarni qo’llash samaradorligi. Fanning maqsadi, vazifalari va boshqa fanlar bilan aloqasi.

Reja: 1.1. Model va modellashtirish tushunchalari va bosqichlari

2. Modellarning sinflari va bosqichlari

   
   

3. Iqtisodiy matematik modellarni klassfikatsiyasi

   
   

Hammamizga ma’lumki tabiat va jamiyat xossalari kuzatilayotganda ular to’g’risida dastlabki tushunchalar hosil bo’ladi. Bu tushunchalar oddiy so’zlashuv tilida, turli rasmlar, sxemalar, belgilar orqali ifodalanishi mumkin.

Xuddi ana shunday tushunchalarga model deyiladi.

Model so’zi lotincha modulus so’zidan olingan bo’lib, o’lchov, me’yor degan ma’noni anglatadi.

Keng ma’noda esa model biror ob’ekt yoki ob’ektlar sistemasining namunasidir. Yoki boshqacha qilib aytganda model bu shunday bir moddiy yoki hayoliy-g’oyaviy tasavvur qilinadigan ob’ekt bo’lib uni bevosita tekshirish, o’rganish jarayonida kuzatilayotgan ob’ekt haqida yangidan-yangi ma’lumotlar- tafsilotlarni aniqlash mumkin bo’ladi.

Masalan yerning moduli globus, yoki pasportdagi suratni-uning egasini modeli deyish mumkin.

Ifodalangan modellar yordamida kuzatilayotgan ob’ektni bilish esa modellashtirish deyiladi. Yoki boshqacha qilib aytganda modellashtirish deganda ob’ektni bevosita emas balki model deyiladigan yordamchi ob’ektni tahlil qilish asosida chetdan o’rganish, bilish tushuniladi.

Modellashtirish usulini foydalanishning zaruriyati va ahamiyati shundaki u juda ko’p ob’ektlar yoki shu ob’ektga doir muammolarni bevosita yoki umuman (qachonki ob’ektga tushish, uni ko’rish, bilish mumkin emas, masalan yerni yadrosi, koinotni tubi, yoki amaliyotda mavjud bo’lmagan: iqtisodni kelgusi holati, jamiyatni kelgusidagi talabi va h.k.) tekshirish yoki o’rganish umuman mumkin emas.

Odatda modellashtirish quydagi elementlarni saqlovchi jarayondan iborat bo’ladi:

• sub’ekt (tekshiruvchi);

  
  

• tekshiriladigan ob’ekt;

  
  

• o’rganilayetgan ob’ekt bilan o’rganayotgan sub’ekt munosabatlari orasida vositachi bo’lgan model.

  
  

Modellashtirish jarayonini ma’nosini eng sodda holda sxema tarzida qo’yidagicha ifodalash mumkin:

2. Modellarni klassifikatsiyasi

   
   

Odatda modellarni ularning qo’llanish sohasi, modellashtirilayotgan ob’ektni harakteri, modellashtirish vositalari, modellarni tafsilotligi darajasi va boshqa ko’pgina belgilariga ko’ra sinflarga ajratiladi.

Umuman barcha modellar to’plami ikkita katta sinfga bo’linadi:

-moddiy (predmetli, ko’rgazmali) modellarga;

-g’oyaviy (abstrakt) modellarga.

Birinchi turdagi moddiy modellar odatda tabiiy yoki suniy kelib chiqish xususiyatlariga ko’ra biror-bir moddiy ob’ektlarda ifodalanadi.

Ikkinchi turdagi modellar esa - odatda inson ongining - fikrining mahsuli bo’lib bunday modellar ustida amallar inson ongida bajariladi.

O’z navbatida moddiy modellar ham: fizik, geometrik va predmetli matematik modellarga bo’linadi.

Fizik modellarda originalni tashqi o’xshashligi saqlanadi, hamda o’rganishimiz kerak bo’lgan predmetdagi kerakli hususiyatlari va muhim alohida tomonlarini ma’lum fizik jarayon va holatlarini o’rganish uchun aks ettiriladi.

Geometrik modellarda asosan o’rganishimiz, tekshirishimiz kerak bo’lgan predmetni ichki holatlarini (rasmlar, chizmalar, sxemalar va boshqa) o’xshashligini aks ettiradi.

Matematik modellar yordamida tekshirilayotigan ob’ektlar va jarayonlarni xossalari, hususiyatdari, tafsilotlari-tavsiflari tenglamalar, tengsizliklar va funksiyalar ko’rinishida yoziladi. Yechiladigan masalani matematik shartlarida belgilar, ya’ni harflar, raqamlar va ulardan tuziladigan formulalar aks ettiriladi, qaysiki ularda o’rganilayotgan voqea va holatlarni turli parametrlari, noma’lumlari ham hisobga olingan bo’ladi.

G’oyaviy (abstrakt - mavhum ravishda fikr yuritiladigan) modellarga: konsepsiyalar (qarashlar tizimi), tushunchalar, gipotezalar misol bo’la oladi. Odatda iqtisodiy tekshirishlarda asosan abstrakt modellashtirish qo’llaniladi.

O’z navbatida g’oyaviy modellar ham:

1. hayoliy, fikirlangan, norasmiy-shakliga e’tibor berilmaydigan modellarga va b) rasmiylashtirilgan (formallashtirilgan muayyan shaklga

   
   

keltirilgan) mantiqiy - matematik, belgili-matematik modellarga bo’linadi. Mantiqiy-matematik modellar tekshirilayotgan ob’ektni muhim xossalarini aks ettiruvchi matematik munosabatlar va mantiqiy ifodalar tizimini ifodalaydi (funksiyalar, tengsizliklar, algoritmlar va h.k.).

Matematik modellar guruhida iqtisodiy matematik modellar (IMM) alohida ahamiyat kasb etadi. IMM bu iqtisodiy jarayon va holatlarni aks ettiradi. Iqtisodiy jarayonlarni modeli o’rganilayotgan va umumlashtirilayotgan holatni qonuniyatlarini miqdor va sifat jihatdan tekshirishning eng samarali vositalaridan biridir. Shuningdek IMM ni qurish mantiqiy amallarni kompyuterga o’tkazishning zarur shartlaridan biridir. Aynan IMMlar yordamida masalalar yechimini tez topish, aniqlash va olingan natijalarni chuqur asoslash mumkin bo’ladi.

MODELLARNI KLASSIFIKATSIYASI

2. Iqtisodiy -matematik modellarni sinflari/

   
   

Iqtisodiy-matematik modellarni (IMM) juda ko’p belgilarga ko’ra sinflarga bo’lish mumkin.

Iqtisodiy-matematik modellar mo’ljaliga ko’ra nazariy-analitik hamda amaliy iqtisodiy matematik modellarga bo’linadi.

Nazariy-analitik, iqtisodiy-matematik modellar iqtisodiy jarayonlarni eng umumiy qonuniyatlarini tekshirishlarda qo’llaniladi.

Amaliy iqtisodiy-matematik modellar esa aniq iqtisodiy tahlil, rejalashlirish, taxminlashtirish (istiqbolni belgilash), boshqarish kabi masalalarni yechishda foydalaniladi.

Tashqi muhit bilan aloqasini, hamda ichki parametrlarini va harakteristikalarini aks ettirishiga qarab iqtisodiy matematik modellar strukturali va funksional modellarga bo’linadi. Strukturali IMMlar tizimni ichki tashkiliy qismini aks ettiradi: ya’ni tarkibiy elementlarini, ularni o’zaro aloqalarini,

shuningdek tizimga kirish va chiqishlarni ifodalaydi. Bunday modellar murakkab tizimlarni tashkil etish jarayonlarini modellashtirishda qo’llaniladi.

Strukturali iqtisodiy-matematik modellarga tarmoqlararo aloqalar modeli misol bo’lishi mumkin.

Funksional iqtisodiy matematik modellarni eng muhim mo’ljali ob’ektni mazmunini bilish - aks ettirishdir. Bunday modellarga pul-tovar munosabatlari sharoitida iste’molchilarni xulqi modellari misol bo’la oladi.

O’z navbatida hodisalar orasidagi aloqalarni aks ettirish harakteriga ko’ra determenlashgan va stoxostik iqtisodiy matematik modellar bir-biridan farq qiladi. Determenli modellar tarkibida tasodifiy xodisalar - voqealar ishtirok ettirilmaydi. Stoxostik modellarda esa iqtisodiy jarayonlarni rivojlanishiga tasodifiy holatlar, hodisalarni ta’siri o’rganiladi.

O’z navbatida vaqt omili-faktorini aks ettirish holatiga ko’ra dinamik iqtisodiy - matematik modellar sinfi va faqat ma’lum bir oraliq davrdan bog’liqlik holatini ifodalovchi statistik IMM sinfi bir - biridan farq qiladi.

Bog’lanishlar-aloqalarni aks ettirish shakliga ko’ra modellar chiziqli va chiziqsiz iqtisodiy matematik modellarga bo’linadi. Ammo amaliyotda - iqtisodiyotda juda ko’pchilik bog’lanishlar chiziqsiz bog’lanish harakteriga mos keladi. Shuning uchun bunday holatlarda hamma vaqt ham iqtisodiyotda miqdoriy tahlilni chiziqsiz bog’lanishini chiziqli bog’lanish bilan almashtirish qo’l kelavermaydi, balki har bir holat chuqur va har tomonlama asoslanishi kerak.

Iqtisodiy matematik modellar hisobga olinadigan ekzogen (modeldan tashqarida aniqlanadigan) va endogen (model yordamida aniqlanadigan) o’zgaruvchilar bo’yicha ochiq yoki yopiq modellarga bo’linadi. Biroq ekzogen o’zgaruvchilar hisobga olinmaydigan yopiq IMM juda kam onda

• sonda uchraydi. Ko’pchilik IMM ochiq yoki juda kam hollarda yopiq modellarga xos bo’ladi.

  
  

Axborotlarni agregatlanganligi (bir necha turlari, qismlaridan iboratligi) murakkabligi darajasiga ko’ra murakkab va batafsil IMMga bo’linadi, ya’ni yuqori darajali batafsillashgan jarayonlarni aks ettiruvchi IMMga “Mikromodel” va xalq xo’jaligini murakkab modellarini «Makromodel»lar deb ataladi.

Modellashtirish ob’ektiga yondashish bo’yicha normativ va diskret IMMlar bir - biridan farq qiladi. Normativ IMM maqsadli jarayonlarni tartibli boshqarishni aks ettiradi. Diskret modellar esa faqat kuzatilayotgan omillar - faktorlarni ta’sirini aks ettiradi, ifodalaydi.

Normativ modellarga xalq xo’jaligi tarmoqlarini rivojlanishi imkoniyatlari va vositalarini aks ettiruvchi modellar misol bo’la oladi.

Diskret modellarga misol sifatida harid funksiyasi, ishlab chiqarish funksiyalarini misol keltirish mumkin.

Umuman yakun qilib aytganda matematik usullar bilan iqtisodiy tekshirishlar o’tkazish jarayonida IMMni yangi turlari va ularni sinflarga bo’lish va integratsiyalashni yangi belgilari paydo bo’lishi muqarrardir.

Tayanch so’z va iboralar:

Model, moddiy (fizik, geometrik, matematik) va g’oyaviy (rasmiylashgan, rasmiylashmagan) modellar. Nazariy-analitik, amaliy iqtisodiy-matematik, strukturali, funksional, determenlashgan, stoxostik, dinamik, statistik, chiziqli, chiqizsiz, ekzogen, endogen, ochiq, yopiq, mikro, makro, normativ, diskret modellar va iqtisodiy matematik usullar, modellashtirish, sub’ekt, ob’ekt.

Takrorlash uchun savollar:

1. Iqtisodiy matematik usullar va modellar fanini predmeti.

   
   

2. Iqtisodiy matematik usullarni amaliyotga qo’llanishning zaruriyati va ahamiyati.

   
   

3. Modellashtirish usulini qo’llashning zaruriyati va ahamiyati nima?

   
   

4. Modellashtirish jarayonini mazmuni va bosqichlari deganda nimani tushunasiz?

   
   

5. Modellarni va iqtisodiy-matematik modellarni klassifikatsiyasini bilasizmi?

   
   

6. Iqtisodiy-matematik modellarni klassifikatsiyasini bilasizmi?

   
   

Foydalanilgan adabiyotlar

1. G.N. Nasretdinov “Matematik ekonomika elementlari”, T.: “O’qituvchi”, 1984 y.

   
   

2. O. Abdullayev, T. Shodiyev “Iqtisodiy kibernetika”, T.: “O’qituvchi”, 1988

   
   

3. A.A. Spirin, G.P. Fomin “Ekonomiko-matematicheskiye metodi i modeli v torgovle”, uchebnoye posobiye, M.: “Ekonomika”, 1988 y.

   
   

4. N.I. Shedrin, A.N. Karxov “Ekonomiko-matematicheskiye metodi v torgovle”, M.: “Ekonomika”, 1980 y.

   
   

2. mavzu: Iqtisodiy jarayonlarda optimallashtirish usullarini qo’llash. Chiziqli dasturlash masalasini umumiy qo’yilishi va iqtisodiy talqini. Reja: 1. Chiziqli dasturlash (CHD) masalasining qo’yilishi va uning turli formalarda ifodalanishi. Asosiy tushunchalar.

   
   

2. Chiziqli dasturlash masalasining geometrik talqini va uni grafik usulda yechish.

   
   

1. Ma’lumki, chiziqli dasturlash matematik dasturlashning tarkibiy qismi bo’lib hisoblanadi. Chiziqli dasturlash masalasini umumiy holda qaraymiz.

   
   

^f = ^C1^X1 + ^C2 ^X2 + ... + ^Cn^Xn (1)

chiziqli funksiya va

^a11 ^X1 + ^a12 ^X2 + ... + ^a1n^Xn = К


(2)
^a21 ^X1 + ^a22 ^X2 + ... + ^a2n^Xn = ^Ь2 ^,