Tabiiyot-geografiya fakulteti

Hasharotlarning  urchish  usullari.  Hasharotlar  har  xil  usulda  urchiydi. 

Ko’pchiligi  tuxum  qo’yadigan  mavjudot  hisoblanib,  qo’yilgan  tuxumlaridan 

lichinkalar  chiqadi.  Ayrim  hasharotlar  boshqacha  usullarda:  tirik  tug’ish, 

partenogenez, pedogenez va poliembrioniya yo’li bilan ham ko’paya oladi.  

Tirik  tuqanida  murtakning  embrional  rivojlanishi  ona  tanasi  ichida 

tugallanadi,  shu  boisdan  tuxum  o’rniga  lichinka  yoki  g’umbak  qo’yadi.  Tirik 

tug’ish  o’simlik  shirlari,  ba’zi  suvaraklar,  koksidlar,  tripslar,  qo’ng’izlar  va 

pashshalarga xosdir. 

Partenogenez    yoki  erkak  zotisiz  urchish.  Bu  turdagi  urchish  tuxum 

qo’yadigan,  tirik  tug’adigan  yoki  pedogenez  shaklida  uchraydigan  hasharotlar 

orasida bo’lishi mumkin. Bunday urchish ninachi va qandalalardan tashqari barcha 

turkumga  xos  hasharotlar  orasida  topilgan.  Partenogenez  turli  shakllarda 

ifodalaniladi. Ayrim hasharotlarda otalanmagan tuxumlardan faqat erkak zot (buni 

arrenotokiya deyiladi), ayrimlarda esa – urg’ochi zot (telitokiya) yoki ikkalasi ham 

(amfitokiya)  paydo  bo’lishi  mumkin.  Partenogenez  shartli,  doimiy  va  davriy 

bo’lishi mumkin. Ayrim hasharotlarga partenogenezning muayyan shakllari xosdir. 

Masalan,  asalari,  ayrim  pardaqanotli  hasharotlar,  koksid  va  tripslarda 

partenogenezning  arrenotokiya  ko’rinishi  kuzatiladi,  ya’ni  otalanmagan 

tuxumlaridan  faqat  erkak  zot  uchib  chiqadi.  Shiralarda  esa  dayriv  partenogenez 

mavjud,  ya’ni  mavsum  mobaynida  u  faqat  urg’ochi  zot  tug’adi,  kuzda  esa 

---

15 

 

arrenotokiya yoki amfitokiya sodir bo’lib, erkak va urg’ochi zotlar paydo bo’ladi. 

Urchish  oqibatida  qo’yilgan  tuxumlar  qishlab  keyingi  yil  bo’g’inini  boshlab 

berishadi. 

Hozirgi  kunda  joriy  etilayotgan  sun’iy  partenogenez  usullari  qishloq 

xo’jaligik  amaliyotida  katta ahamiyat  kesb  etmoqda.  Bunda foydali hasharotlar  – 

entomofaglar  (urg’ochilari)  hamda  ipak  qurtining  erkak  zot  kapalaklarini 

ko’paytirish imkoni yaratiladi (erkak kapalakning pillasi urg’ochisinikiga nisbatan 

yirik va qimmatli bo’ladi). Shuningdek zararli turlarga qarshi genetik usul asosida 

ham kurash olib borish mumkin.