Тадбиркорлик ва шаҳарсозлик фаолиятини амалга ошириш учун бўш турган ер участкаларини бериш тартиб-таомилларини янада такомиллаштириш чора-тадбирлари тўғрисида

III. Аукцион ўтказишда савдо майдончаси орқали электрон шаклда амалга ошириладиган тартиб-таомиллари

8-босқич		Оператор		Савдо майдончасида аукцион ўтказилиши бўйича хабарнома жойлаштиради.		1 иш куни ичида
9-босқич		Жисмоний ва юридик шахслар		1. Электрон рақамли имзо билан тасдиқланган электрон аризани юборади ва закалат киритади.		15 кун ичида
				2. Аукционда иштирок этади.		Аукцион ўтказиладиган куни соат 9:00 дан 18:00 гача, айрим ҳолларда 21:00 гача
10-босқич		Аукцион ғолиби		1. Агар ер участкасининг қиймати базавий ҳисоблаш миқдорининг беш минг баробаридан ошмаса тўлов тўлиқ амалга оширилади. 2. Агар ер участкасининг қиймати базавий ҳисоблаш миқдорининг беш минг баробаридан ошса:		5 иш кун ичида
				а) аукцион давомида белгиланган кийматнинг эллик фоизи миқдорида аванс тўловини амалга оширади;		5 банк иш куни ичида
				б) қийматнинг қолган қисмини тўлиқ тўлайди.		30 календарь кун ичида
11-босқич		Оператор		1. QR-кодини қўллаш орқали аукцион натижалари тўғрисидаги электрон баённомани расмийлаштиради. 2. Баённомани ғолибнинг шахсий кабинетига «YERELEKTRON» ААТ орқали туман (шаҳар) ҳокимлиги ва туман (шаҳар)даги ер тузиш ва кўчмас мулк кадастри давлат корхонасининг тегишли филиалига ҳамда туман (шаҳар) ҳокимлигига юборади. 3. Аукцион натижалари тўғрисида хабар эълон қилади. 4. Келиб тушган пул маблағларини тақсимлайди.		1 кун ичида
12-босқич		«Давергеодезкадастр» қўмитаси органлари		Ер участкасига бўлган ҳуқуқни давлат рўйхатидан ўтказади ва аукцион ғолибига Давлат реестридан электрон кўчирма юборади.		2 иш куни ичида
		Туман (шаҳар) ҳокимлиги		Инвестиция мажбуриятларини бажариш учун тармоқ жадвалини тайёрлайди ва уни аукцион ғолибига беради.		5 иш куни ичида

Изоҳ. Ушбу муддатлар материалларни келишиш муддатларига кирмайди.
Вазирлар Маҳкамасининг 2019 йил 20 декабрдаги 1023-сон қарорига
2-ИЛОВА
«YERELEKTRON» автоматлаштирилган ахборот тизимига уланадиган вазирликлар, идоралар ва ташкилотлар
РЎЙХАТИ
1. Ўзбекистон Республикаси Вазирлар Маҳкамаси.
2. Қорақалпоғистон Республикаси Вазирлар Кенгаши, вилоятлар, Тошкент шаҳри ва туманлар (шаҳарлар) ҳокимликлари.
3. Ўзбекистон Республикаси Қурилиш вазирлиги ва унинг ҳудудий бўлинмалари.
4. Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлиги ва унинг ҳудудий бўлинмалари.
5. Ўзбекистон Республикаси Ер ресурслари, геодезия, картография ва давлат кадастри давлат қўмитаси ва унинг ҳудудий бўлинмалари.
6. Ўзбекистон Республикаси Давлат геология ва минерал ресурслар қўмитаси ва унинг ҳудудий бўлинмалари.
7. Ўзбекистон Республикаси Экология ва атроф муҳитни муҳофаза қилиш давлат қўмитаси ва унинг ҳудудий бўлинмалари.
8. Ўзбекистон Республикаси Давлат активларини бошқариш агентлиги ва Давлат активларини бошқариш агентлиги қошидаги «Электрон онлайн-аукционларни ташкил этиш маркази» ДУК.
9. Ўзбекистон Республикаси Маданият вазирлиги Маданий мерос объектларини муҳофаза қилиш ва улардан фойдаланиш илмий ишлаб чиқариш бош бошқармасининг ҳудудлараро (ҳудудий) давлат инспекциялари.
10. Ўзбекистон Республикаси Бош прокуратураси ва Қорақалпоғистон Республикаси, вилоятлар, Тошкент шаҳар ва туманлар (шаҳарлар) прокуратуралари.
11. Ўзбекистон Республикаси Адлия вазирлиги, Қорақалпоғистон Республикаси Адлия вазирлиги, вилоятлар, Тошкент шаҳар адлия бошқармалари ва туманлар (шаҳарлар) адлия бўлимлари.
12. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва давлат хизматлари марказлари.
13. Ўзбекистон Республикаси Савдо-саноат палатаси ва унинг ҳудудий бўлинмалари.
14. Ўзбекистон Республикаси Вазирлар Маҳкамасининг тегишли қарорларига асосан «YERELEKTRON» автоматлаштирилган ахборот тизимига уланиши белгиланган бошқа ташкилотлар.
Эслатма. Давлат органлари тизимга электрон ҳукуматнинг идоралараро маълумотлар узатиш тармоғи орқали белгиланган тартибда уланади.
Вазирлар Маҳкамасининг 2019 йил 20 декабрдаги 1023-сон қарорига
3-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари
РЎЙХАТИ
1. Вазирлар Маҳкамасининг «Тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга беришнинг замонавий ва шаффоф механизмларини жорий этиш чора-тадбирлари тўғрисида» 2018 йил 30 июндаги 493-сон қарори (Ўзбекистон Республикаси ҚҲТ, 2018 й., 6-сон, 158-модда).
2. Вазирлар Маҳкамасининг «Ўзбекистон Республикаси Ҳукуматининг айрим қарорларига қўшимчалар киритиш тўғрисида (Ўзбекистон Республикаси Президентининг «Ўзбекистон Республикаси инвестиция дастурини шакллантириш ва амалга оширишнинг сифат жиҳатидан янги тизимига ўтиш чора-тадбирлари тўғрисида» 2019 йил 14 майдаги ПФ-5717-сон Фармони)» 2019 йил 9 августдаги 653-сон қарорига илованинг 1-банди.
3. Вазирлар Маҳкамасининг «Ер участкалари бериш ва якка тартибдаги уй-жой қуриш учун ер участкаларига мерос қилиб қолдириладиган умрбод эгалик қилиш ҳуқуқини реализация қилишнинг замонавий ва шаффоф механизмларини жорий этиш бўйича қўшимча чора-тадбирлар тўғрисида» 2019 йил 28 январдаги 63-сон қарорининг 3-банди ва қарорга 3-илова.
4. Вазирлар Маҳкамасининг «Ўзбекистон Республикаси Маданият вазирлиги ҳузуридаги Маданий мерос департаменти фаолиятини ташкил этиш ҳамда моддий маданий мерос объектларини муҳофаза қилиш ва улардан фойдаланишга оид айрим норматив-ҳуқуқий ҳужжатларни тасдиқлаш тўғрисида» 2019 йил 30 мартдаги 265-сон қарорига 13-илованинг 9-банди.
(Қонун ҳужжатлари маълумотлари миллий базаси, 21.12.2019 й., 09/19/1023/4182-сон)