Тадбиркорликни қўллаб-қувватлаш

Мавзу: Давлатнинг иқтисодиётда хусусий тармоқ ва тадбиркорликни қўллаб қувватлаш сиёсати

Бажарди: МЕК -86/А гуруҳ талабаси

Mamarajabov husan

Текширди: Абиркулова Сохибжамол

МУСТАҚИЛ ИШ

Режа:

Кириш

1. Республикамизда кичик бизнес ва хусусий тадбиркорликка яратиб бериляётган шарт-шароитлар

2. Тадбиркорлик субъектини ташкил этишда “бир дарча” тамойилининг роли

3. Кичик бизнес ва хусусий тадбиркорликни қўллаб-қувватлаш йўлида

Хулоса

Фойдаланилган адабиётлар рўйхати

Кичик бизнес ва хусусий тадбиркорлик субъектлари иқтисодиётмизнинг таянч кучига айланмоқда. Айни пайтда республикамиз ялпи ички маҳсулотида мазкур соҳанинг ҳиссаси 56 фоиздан ортиқни, бандликдаги улуши эса 77,5 фоиздан зиёдни ташкил қилаётгани фикримиз тасдиғидир.
Бунда, табиийки, бизнес юритиш учун яратилаётган қулай ишбилармонлик муҳити, тадбиркорларга берилаётган қўшимча имтиёз ва имкониятлар муҳим аҳамият касб этаётир. Иқтисодиёт вазирлиги томонидан ташкил этилган матбуот анжуманида шулар хусусида батафсил сўз юритилди.
1. Республикамизда кичик бизнес ва хусусий тадбиркорликка яратиб бериляётган шарт-шароитлар
Таъкидланганидек, “2015 — 2019 йилларда иқтисодиётни янада ислоҳ қилиш, таркибий ўзгартириш ва диверсификациялаш дастури”да белгиланган еттита йўналишнинг учтаси жамиятда хусусий мулкнинг аҳамиятини ошириш, улар фаолиятини ташкил этишдаги тўсиқ ва чекловларни бартараф қилиш, иқтисодиётда давлат улушини қисқартиришга қаратилганлиги билан алоҳида ажралиб туради. Бу амалда ўз самарасини бераяпти.
Шунингдек, Президентимизнинг шу йил 15 майдаги Фармони асосида 33 та аниқ чора-тадбирни ўз ичига олган дастур ишлаб чиқилдики, бу билан ҳам тадбиркорларимизга бир қатор енгилликлар берилди.
Масалан, мазкур дастур асосида Ўзбекистон Республикаси Товар-хом ашё биржасида ўтказиладиган электрон савдоларда тадбиркорлик субъектларига бирламчи эҳтиёждаги товарлар бўйича давлат харидларини амалга ошириш учун соддалаштирилган тартиб жорий қилинди.
Экспорт-импорт амалиётларини бажаришда талаб этиладиган ҳужжатларнинг аниқ рўйхати тасдиқланиб, унда назарда тутилмаган ҳужжатларни талаб қилиш тақиқланди.