Tadqiqotlari

2.2-rasm. Tadqiqot ketma-ketligi 
 
Har qanday model belgilangan tamoyillarga tayanadi, xususan, marketing 
tadqiqotida quyidagi tamoyillarga amal qilish zarur: 
- ilmiylik, ya’ni o‘rganilayotgan bozor jarayonlari va hodisalarini ilmiy qoidalar 
va ob’ektiv olingan ma’lumotlar asosida ushuntirish va oldindan aytib berish, 
shuningdek, bu hodisa va jarayonlarning rivojlanish qonuniyatlarini aniqlash; 
- tizimlilik, ya’ni hodisani tashkil qiluvchi alohida tarkibiy elementlarni 
ajratish, iyerarxik aloqalarni aniqlash; 
- komplekslilik, ya’ni hodisa va jarayonlari to‘liqligicha, ularning o‘zaro 
aloqalari va rivojlanishini o‘rganish; 
- ishonchlilik, ya’ni ma’lumot to‘plash va qayta ishlashning ilmiy 
tamoyillarini ta’minlash hisobiga to‘g‘ri keladigan ma’lumotlar olish, baholarda 
tarafkashlikka yo‘l qo‘ymaslik, puxta nazorat, EHMdan foydalanish; 
- ob’ektivlik, ya’ni u yoki bu hodisaning uchrashi mumkin bo‘lgan 
xatoliklarini hisobga olish, dalillarni oldindan belgilangan sxemaga moslashtirmaslik, 
dalillarni sharhlashda ehtiyot bo‘lish talabi; 
- tashabbuskorlik, ya’ni ijodiy yondashuvni amalga oshirish, tashabbus 
ko‘rsatish, yangi, noan’anaviy tadqiqot yo‘llarini izlab topish: marketing 
tadqiqotlariga to‘g‘ri kelmayd; 
- samaradorlik, ya’ni qo‘yilgan maqsadlarga erishish, natijalarni xarajatlar 
bilan taqqoslash. 

---

48 
Agarda marketing ko‘p hollarda intuitiv yondashuvdan muvaffaqiyat bilan 
foydalaniladigan bo‘lsa, marketing tadqiqoti ilmiy asoslangan faoliyat usullariga 
tayanadi. Marketing tadqiqoti fan sohasi sifatida o‘z predmeti va usuliga ega. 
Marketing tadqiqotining predmeti deb korxonaning bozordagi faoliyatini o‘rganishni, 
shuningdek, u bilan bog‘liq bo‘lgan bozor jarayonlari va hodisalarining har qanday 
baho va tahlilini hisoblash lozim.