Тайёрлаш ва уларнинг малакасини оширишни ташкил этиш бош илмий методик маркази

Модулнинг мақсади ва вазифалари 
“Креатив педагогика асослари” модулининг мақсади: педагог кадрларни 
қайта тайёрлаш ва малака ошириш курс тингловчиларини креатив 
педагогиканинг умумий асослари, тамойиллари, педагогларда креативлик 
сифатларини ривожлантирувчи метод, восита ва технологиялар билан 
таништириш орқали уларда ўқув ва маънавий-маърифий ишлар жараёнини, 
талабаларнинг илмий-тадқиқот фаолиятларини самарали ташкил этишга 
нисбатан креатив ёндашиш малакаларни ривожлантириш. 
“Креатив педагогика асослари”  модулининг вазифалари: 
- тингловчиларни креатив педагогиканинг умумий асослари, тамойиллари, 
педагогларда креативлик сифатларини ривожлантирувчи метод, восита ва 
технологиялар билан таништириш; 

---

6 
- тингловчиларда ўқув дастурларини яратиш; назарий ва амалий 
машғулотлар учун материалларни тўплаш ва уларни саралаш; ўқув ахборот 
(маълумот)ларини самарали излаш; назарий ва амалий машғулотлар учун 
дидактик ишланмалар тайёрлаш; назарий ва амалий машғулотлар учун ўқув 
топшириқлари турларини белгилаш; ўқув топшириқларини ишлаб чиқиш; ўқув 
топшириқлари учун иш қоғозларини ҳама ўқув фанлари бўйича жорий, оралиқ 
ва якуний назоратлар учун синов топшириқларини тайёрлашга креатив 
ёндашиш кўникмаларини шакллантириш; 
- тингловчиларнинг мавзу моҳиятидан келиб чиққан ҳолда тўлиқ, ғоявий 
мазмун ва илмий асосларга эга, амалий қийматга эга ўқув материалини 
тайёрлай олиш, маъруза машғулоти учун мўлжалланган матннинг визуал 
хусусият касб этиши (ўқув ахборотининг график (схема, жадвал, диаграмма, 
тасвир, гиперболик ва б.) кўринишда бўлиши)га эришиш, маъруза ва амалий 
машғулотлар, шунингдек, рейтинг назорати учун кейслар ва даражали тестлар 
тўпламини шакллантириш борасидаги кўникмаларининг малакага айланишини 
таъминлашдан иборат.