Таълим вазирлиги тошкент давлат иқтисодиёт университети

9.5. Фирмаларнинг асосий турлари 
Корхоналар ривожланиши траекторияларининг ўзига хос хусусияти 
корхоналар ташкилий тузилишидаги миллий фарқларни белгилаб беради. 
Бугунги кунда исталган мамлакатдаги йирик корхоналарнинг аксарияти жаҳон 
бозорида юзага келган тенденцияларни ҳисобга олган ҳолда ҳаракат қилишига 
қарамай, уларнинг ташкилий тузилишлари ва улар томонидан амалга 
ошириладиган стратегияларнинг хилма-хиллиги кузатилади. Чунки ташкилий 
ривожланиш траекториясини танлашга таъсир этган омиллар йиғиндиси турли 
мамлакатларда турлича.
Ташкилий ривожланиш траекториясини белгилаб берувчи омиллар 
жумласига қуйидагилар киради: 
- институционал муҳит, шу жумладан институционал ривожланиш 
траекторияси; 
- активларнинг 
ўзига 
хослик 
даражаси 
(рақобот 
бозорининг 
ривожланганлик даражаси); 
- ташқи муҳитнинг ноаниқлик даражаси (бозорнинг барқарорлик 
даражаси); 
- хатарга мойиллик даражаси (мамлакат аҳолисининг умумий сонида 
хатарга нисбатан бетараф бўлган инсонлар улуши); 
- ижтимоий-иқтисодий ривожланишнинг умумий даражасига боғлиқ 
битимларнинг мураккаблик даражаси; 
- қонундан фойдаланиш баҳоси ва хуфиёналик баҳосининг нисбати. 
Ташкилий ривожланиш миллий траекториясининг фарқлари нафақат 
тузилмаларга – унитар, холдинг ёки мультидивизионал, балки уларнинг 
мақсадли вазифасига, корхонанинг етказиб берувчилар, истеъмолчилар ва 
ёлланма ходимлар билан муносабатлардаги хатти-ҳаракати, шунингдек, 
корхона фаолиятининг кўплаб бошқа кўрсаткичларига тааллуқли. Энди 
корхоналарнинг бир неча бенуқсон турларини ёритишга ҳаракат қиламиз. Улар 
буйруқбозлик иқтисодиётида фаолият юритувчи корхона (Б корхона); Америка 
фирмаси (А фирма); Япония фирмаси (J фирма) ва ўтиш туридаги корхона (Ў 
корхона)лари. 
1.Буйруқбозлик иқтисодиётида ҳаракат қилувчи корхона. Корхонанинг 
ушбу турига нисбатан қизиқиш асосан шу билан боғлиқки, Россия ва Шарқий 
Европа корхоналари катта қисмининг илдизи буйруқбозлик иқтисодиётига 

---

130 
бориб тақалади. Буйруқбозлик иқтисодиётида ҳаракат қилувчи корхона 
фойдани кўпайтиришга эмас, балки бир меъёрдаги ишлаб чиқариш режасини 
бажаришга йўналтирилган. «Принципал» (режа органи)нинг фармойиши 
мутлақ хусусиятга эга эмас, балки муҳокама ёки режали савдонинг предмети 
ҳисобланади. Ушбу савдода корхонанинг овози рухсатнинг юқори чегараси, 
нормадан юқорига чиқиш ҳақида огоҳлантиради, юқори турувчи органнинг 
овози эса рухсатнинг қуйи чегараси, нормадан қуйига оғиш ҳақида эслатади. 
Бу ерда «принципал» қандай мақомга эгалиги алоҳида таҳлилни талаб 
этади. Коммунистик мафкурага мувофиқ социализмда ўз манфаатлари вакили – 
режа органи орқали Б корхона фаолиятини назорат қилиш ҳуқуқини амалга 
оширувчи барча меҳнаткашлар «принципал» ҳисобланарди. Лекин назоратнинг 
самарали механизмлари фақат режа органи билан корхона дирекцияси ўртасида 
ҳамда корхона дирекцияси билан унинг ходимлари ўртасидаги муносабатларда 
юзага келар эди.
Ишлаб чиқариш топшириқларини бажаришдаги қатъий интизомга 
назоратнинг учта механизми – партия (партия ташкилотлари орқали), хўжалик 
(вазирликлар ва идоралар орқали) ва кенгаш (Халқ депутатлари кенгашининг 
ижроия органлари орқали) механизмлари орқали эришилди. Режа 
органларининг меҳнаткашлар томонидан назорат қилиниши механизмлари эса 
мавжуд эмас эди, натижада меҳнаткашлар «принципал» сифатида ўз 
манфаатларини амалга ошира олмас эди. Шунинг учун режа органи амалда 
«агент»дан ягона «принципал»га айланди: назоратсиз бюрократик аппарат ўз 
манфаатларини умуман жамият манфаатлари билан мослаштириш имкониятига 
эга бўлди. Келтирилган далилларга асосланган ҳолда Б корхонани унитар 
ташкилот, яъни вазирлик ёки идоранинг бўлинмаси сифатида таърифлаш 
мумкин. 
Б корхона ишлаб чиқариш ва сотиш алоқаларининг таркиби унинг унитар 
ташкилот бўлинмаси сифатидаги ҳолати туфайли унга «принципал» томонидан 
белгилаб берилган. Б корхоналар ўртасидаги барча горизонтал алоқалар 
вертикал алоқалар - «принципал»га мурожаат этиш орқали амалга оширилади. 
Таъминот-сотиш алоқаларининг таркиби ресурслар тақсимотининг ажратиш 
ёки фондлаш сингари механизмидан ҳосил бўлган. Ажратиш вазирлик ёки 
идора томонидан Б корхона маҳсулотининг асосий истеъмолчилари ва етказиб 
берувчилари белгиланишидан иборат. Б корхонанинг таъминот ва сотиш 
таркибини мустақил ўзгартиришга уринишларига «принципал» кескин 
тўсқинлик қилди.
Б корхонада меҳнат муносабатларининг тизими ҳам ўзига хос. Унда банд 
бўлганлар сонининг қуйи чегараси режа топшириқлари, юқори чегараси эса – 
ишчи кучининг кутилаётган тақчиллиги билан белгиланади. Ресурслар 
чекланган иқтисодиётдаги бошқа ҳар қандай ресурс сингари ишчи кучи ҳам 
тақчил. Шунинг учун корхона ўзининг ресурс, шу жумладан ортиқча бандлик 
шаклида - ишчи кучи заҳирасини барпо этишга уринади. Бунда таббийки, Б 
корхона барча ходимларини иш билан таъминлашга қодир эмас ва уларга 
тенглаштирувчилар амалда ишлаб топилмаган иш ҳақини тўлайди. Ишчидан 

---

131 
эгалик вазифасини олиб, уни ишлаб чиқариш натижаларига реал таъсир этиш 
имкониятидан маҳрум этган ҳолда, қоғозбозлик тизими ушбу имкониятнинг 
ўрнини ишлаб топилмаган иш ҳақини олиш имконияти билан қоплайди.