Тарих факультети Тарих кафедраси битирув малакавий иш

Мавзунинг илмий ўрганилиш даражаси. Туркистон жадидчилик ҳаракати тарихида ўз ўрнига эга бўлган Бухоро жадидчилиги ва уларнинг ижтимоий-сиёсий ташкилотлари бўлган Ёш бухороликлар ташкилоти тарихи, унинг машҳур номояндаларининг фаолиятини ўрганиш ва уларнинг фаолиятига қизиқиш бевосита ўша даврда шаклланган жадидчилик ғоялари давридан бошланган. Ёш бухороликлар ташкилотининг вужудга келиш тарихи, уларнинг мақсад ва вазифалари ҳақида шу ташкилотнинг таниқли вакилларининг асарлари орқали ўрганиш бошланди десак, муболаға бўлмайди. Маъратпарвар адиб, С.Айний⁵, давлат арбоби Ф.Хўжаев⁶, А.Фитрат⁷ ўз тадқиқотларида Ёш бухороликлар ташкилотининг фаол аъзоларидан бири сифатида ўзларининг дастурлари, мақсад ва вазифалари ҳақида муҳим маълумотларни келтириб ўтган.
Ўзбекистон ўз мустақиллигини қўлга киритганидан кейин, тарих фанида катта ўзгаришлар бўлиб, ҳаққоний тарихмизни қайта тикладик. Фан фидойилари миллат қаҳрамонлари ва маърифатпарвар олимларнинг ҳаёт йўлларини янги илмий методология асосида холиса ўрганиш имконияти туғилди. Жумладан, Бухоро жадидчилик тарихи ва унинг ажралмас қисми бўлган Ёш бухороликлар ташкилоти тарихи ва намояндалари ҳақида, бир қатор асарлар ва тадқиқотлар яратилди. Тарих фанлари доктори, профессор Қ.Ражабов⁸, профессор, жадидшунос олима Д.Алимова⁹, жадидшунос олимлардан Б.Қосимов¹⁰, Ф.Қосимов¹¹, Н.Каримов¹² кабилар бу ҳақда етарлича маълумотларни келтириб ўтишган.
Шу билан бирга адабиётшунос олимлардан, Ҳ.Болтабоев¹³, У.Долимов¹⁴, Г.Маҳмудова¹⁵, Р Бойтўлаев, Г.Остонова¹⁶, кбилар ўз тадқиқотларида Бухорода жадидчилик ҳаракатининг шаклланиши тарихи ва унинг босқичлари, ислоҳотчилик ва маърифатпарварлик ҳаракати натижасида амирликда Ёш бухороликлар ташкилотининг вужудга келиш ҳақидаги айрим фикр-мулоҳазаларини билдириб ўтгалнлар. Шунингдек, мустақиллик йилларида яратилган катта тадқиқотларда¹⁷ ҳам мусалага атрофлича ёндашилган. Бироқ ҳалигача бу мавзу етарли даражада чуқур ўрганилмаганли учун битирув-малакавий ишининг мавзуси қилиб белгиланди.