Tarixi va faoliyatining huquqiy asoslari

SO‘NGI ILMIY TADQIQOTLAR NAZARIYASI 
respublika ilmiy-uslubiy jurnali 
206 
noharbiy (muqobil) xizmatni tuzish huquqiga ega», deb belgilandi. Bu amalda yosh 
respublikaga harbiy siyosatni amalga oshirish huquqini berdi.
O„zbekiston Respublikasi birinchi prezidenti I.Karimov «Milliy armiyamiz - 
mustaqilligimizning, tinch va osoyishta hayotimizning mustahkam kafolatidir» asarida 
ta‟kidlaganidek, 1991 yil 31 avgustda qabul qilingan «O„zbekiston Respublikasi davlat 
mustaqilligining asoslari to„g„risida»gi tarixiy Qonunning 6-moddasiga binoan 
davlatimiz, xalqaro huquq sub‟ekti sifatida, o„z Qurolli Kuchlarini tashkil etish 
huquqiga ega bo„lgani va bu huquqni izchil amalga oshira boshlaganidan dalolat berar 
edi. 
Mudofaa ishlari vazirligining tashkil etilishi bilan mamlakat hududidagi davlat 
harbiy mashinasi barbod bo„lishining oldi olindi, yangi vujudga kelgan davlat xavfsizligi 
himoyasi ta‟minlandi, turli millatga mansub bo„lgan harbiy xizmatchilarning fuqarolik 
huquqlari kafolatlandi. 
O„zbekiston Respublikasi o„z Qurolli Kuchlarini tuzishda Birlashgan Millatlar 
Tashkilotining huquqiy me‟yorlari, Yevropada xavfsizlik va hamkorlik bo„yicha 
Xelsinki yakunlovchi akti kabi xalqaro hujjatlarning barcha talablariga rioya qildi. 
Respublika tasarrufiga olingan harbiy tuzilmalarga rahbarlik qilish O„zbekiston 
Respublikasi birinchi Prezidentining 1992 yil 20 fevraldagi farmoniga binoan Mudofaa 
ishlari vazirligi zimmasiga yuklatildi. 
O„zbekiston Respublikasi Qurolli Kuchlarining mamlakat mustaqilligini hamda 
hududiy yaxlitligini, xalqimizning tinch hayotini va mustaqillikni mustahkamlash 
yo„lidagi bunyodkorlik mehnatini himoya qilishdagi, yosh avlodni vatanparvarlik 
ruhida tarbiyalashdagi ahamiyatini, shuningdek, O„zbekiston hududida joylashgan 
harbiy tuzilmalarning 1992 yil 14 yanvardan respublika yurisdiksiyasiga 
o„tkazilganligini inobatga olib, O„zbekiston Respublikasi Oliy Kengashining1993 yil 29 
yanvardagi «O„zbekiston Respublikasining Vatan himoyachilari kunini belgilash 
to„g„risida»gi Qonuniga binoan 14 yanvar - Vatan himoyachilari kuni, deb e‟lon qilindi.
O„zbekiston Respublikasi Qurolli Kuchlarini barpo etishning tashkiliy davri 
yakunlangach, oldindagi vazifa uni zamon talablari asosida isloh qilishdan iborat bo„ldi. 
Bunda avvalo e‟tibor qo„shinlarni qo„llanishining strategik va taktik jihatidan kelib 
chiqib, mamlakatni himoya qilishga qodir qo„shinlar turlarini tuzishga qaratildi hamda 
har bir qo„shin turining aniq vazifalari belgilandi. O„tgan davr mobaynida Qurolli 
Kuchlar tashkiliy - shtat tuzilishi takomillashtirildi va unga muvofiq harbiy qismlar, 
muassasalar va harbiy o„quv yurtlari isloh qilindi, harbiy bilim yurtlari tarmoqlarini 
kengaytirish va Qurolli Kuchlar Akademiyasini barpo etish hisobiga milliy harbiy 
kadrlar tayyorlashning mukammal tizimi yaratildi, Qurolli Kuchlar vazifalariga binoan 
harbiy xizmatchilar barcha toifasining ta‟lim jarayoni yaxshilandi, mintaqadagi 
geostrategik vaziyat va harbiy - siyosiy holat hisobga olinib, qo„shinlarni joylashtirish 
tizimi takomillashtirildi, qo„shinlarni barqaror boshqarishning zamon talabiga javob 
bera oladigan tizimi barpo etildi, harbiy xizmatni tashkil etishning infratuzilmasi 

---