Таркибида терпеноидлар бўлган доривор ўсимликлар ва маҳсулотлар

 
Efir moyini tahlil qilish: 
 
1. Tekshirilayotgan efir moyini chinligini aniqlash. 
2. Efir moyini sifatini aniqlash. 
3. Efir moyini tozaligini, ya’ni boshqa efir moylari yoki begona moddalar 
aralashmasi bor yoki yo’qligini aniqlash. 

---

8 
Bu vazifalarni amalga oshirish uchun efir moylarini organoleptik, fizik va 
kimyoviy usullar yordamida tahlil qilinadi. 
Efir moylarini organoleptik tahlil qilish 
Efir moylarning xossalariga ularning tashqi ko’rinishi: rangi, tiniqligi, hidi va 
mazasi kiradi.
Efir moyining tashqi ko’rinishi, rangi va tiniqligi quyidagicha aniqlanadi 
(XI-DF bo’yicha): diametri 2-3 sm bo’lgan rangsiz, tiniq shisha silindrga 10 ml 
efir moyi solib, o’tuvchi nurda standart efir moyi bilan solishtirib ko’riladi. 
Standart efir moyi ham xuddi shunday idishga solingan bo’lishi kerak.
Efir moylarini hidini aniqlash (XI DF bo’yicha) uchun uzunligi 12 sm, 
kengligi 5 sm bo’lgan filtr qog’ozga (chetiga tegizmasdan) 0,1 ml (2 tomchi) moy 
tomiziladi. Xuddi shu usulda boshqa filtr qog’ozga ham standart efir moyi 
tomiziladi. So’ngra ikkalasining hidini 1 soat davomida har 15 daqiqada solishtirib 
turiladi.
Efir moyilarning mazasini moyni filtr qog’ozga tomizib va tilga tegizib 
ko’rib, standart moy mazasi bilan solishtirib, aniqlanadi. Bundan tashqari, bir 
tomchi tekshiriluvchi efir moyi 1g qand kukuni bilan aralashtiriladi. So’ngra 
tayyorlangan aralashma mazasini tatib ko’rib aniqlanadi va xuddi shu usul bilan 
tayyorlangan standart moy mazasi bilan taqqoslanadi. 
 
Aldegid va ketonlar miqdorini aniqlash 
 
Efir moylaridagi aldegid va ketonlar miqdorini aniqlash, ular tarkibidagi 
karbonil guruhining ba’zi reaktivlar bilan suvda eriydigan birikmalar hosil 
qilishiga asoslangan.