Тасдиқлайман” Бухоро электр билан таъминлаш

9.Изоляцияловчи дастакли чилангарлик йиғув асбоблари ҳақида маълумот? Жавоби:Изоляцияловчи дастакли асбоблар 1000 В кучланишгача бўлган электр ускуналарида кучланиш остида ишлаш учун асосий ҳимоя воситаси сифатида қўлланилади.Фақат ГОСТ 11516-79* талаблари асосида тайёрланган изоляцияловчи дастакли асбобларни ишлатишга рухсат этилади. Изоляцияловчи дастаклар ғилофлар шаклида ёки таянч билан махкамланган нам ўтказмайдиган, мой ва бензин таъсирига чидамли, мўрт бўлмаган, электр изоляцияловчи материалдан ясалган ечилмайдиган қоплама шаклида тайёрланади. Изоляция дастакни батамом қоплаши ва унинг ҳалқа-таянч ўртасигача бўлган узунлиги 100 мм дан кам бўлмаслиги керак. Отвёртка ўзагининг изоляцияси унинг учига 10 мм қолгунга қадар давом этиши лозим. Изолянияловчи дастаклар юзаси ва қалинлиги нуксонсиз бўлиши ҳамда ғоваклар, синган ва шишгаи жойлари бўлмаслиги шарт.
10.Хавфсизлик плакатлари турлари ва қўлланиилиши?
Жавоби: Огохлантирувчи, тақиқловчи, кўрсатмали, кўрсатувчи турлари мавжуд.
Огоҳлантирувчи белгилар ва плакатлар
Электр токидан шикастланиш хавфлилигини огоҳлантирувчи доимий белги. Эҳтиёт бўлинг! Электр кучланиши!!! Фони сариқ, гардиши ва стреласи қора. Электростанция ва подстанцияларнинг 1000 В дан паст ва юқори кучланишли электр ускуналарида. Тақсимлаш ускуналарига кирадиган эшикларнинг ташқи сиртига, унинг ичида жойлашган КРУ ва КТП эшиклари бундан мустасно; ўчиргич (выключатель) ва трансформатор хоналари эшикларининг ташқи сиртига; ишлаб чиқариш хоналарида жойлашган ток ўтказувчи қисмларнинг тўсиқларига; 1000 В кучланишгача бўлган шчит ва йиғма шчит эшикларига маҳкамланади. Аҳоли яшайдиган жойларда, 1000 В дан юқори кучланишли электр узатиш тармоқларининг устунларига ердан 2,5-3 м баландликда, устунларнинг оралиғи 100 м дан кам бўлганда ҳар икки устуннинг бирига, устунлар оралиғи 100 м дан кўп бўлганда ва йўлларнинг кесишган жойларида ҳар бир устунга маҳкамланади. Йўллар билан кесишган жойларда белгилар устуннинг йўл тарафига қаратилган бўлиши, қолган ҳолларда устунни навбатма-навбат ўнг ва чап томонларига маҳкамланади. Белгилар металл ва ёғоч устунларга маҳкамланади. Электр токидан шикастланиш хавфлилигини огоҳлантирувчи кўчма плакат Тўхта Кучланиш!!! Оқ фонда қора ҳарфлар. Гардиши 10 мм қалинликдаги қизил рангда чизилади. ГОСТ 12.4.027-76 га асосан стрела қизил рангда чизилади 280 — 210мм Электростанция ва подстанцияларнинг 1000 В дан паст ва юқори кучланишли электр ускуналарида. Ёпиқ тақсимловчи қурилмаларда доимий тўсиқлар олиниб, кучланиш остида қолган ток ўтказувчи қисмларни вақтинчалик ўрнатилган тўсиқларга; кириш мумкин бўлмаган, ўтиш жойларига ўрнатилган тўсиқларга; иш жойига қўшни камераларни доимий тўсиқларига. Очиқ тақсимловчи қурилмаларда ердан иш олиб борилаётганда иш жойини тўсиш арқонларига ва канопларига, иш жойига яқин йўлдан кучланиш остида бўлган ток ўтказувчи қисмни конструкциясига.
Юқори кучланиш билан синов ўтказилаётганда электр токидан шикастланиш хавфсизлигини огоҳлантирувчи кўчма плакат. Синов Ҳаёт учун хавфли Юқори кучланиш билан синов ўтказиш учун иш жойини тайёрлаш мобайнида ускуналар ва ток ўтказувчи қисмларнинг тўсиқларига плакатни ёзилган томонини ташқарига қаратган ҳолда осилади.
Конструкцияларга кўтарилганда кучланиш остида бўлган ток ўтказувчи қисмларга яқинлашиш натижасида хавф туғдирувчи омиллардан огоҳлантирувчи кўчма плакат. Чиқма Ўлдиради! Тақсимловчи қурилмаларда ходимнинг юқорига кўтарилиб ишлаши учун мўлжалланган конструкцияларга, қўшни ҳамма конструкцияларга осилади