Эътиборингиз учун раҳмат!
Йиғилиш раиси: Ибадуллаев Қаҳрамон Мадаминовичнинг маърузасини тингладик. Диссертантга саволлар бўлса, марҳамат!
Савол: А.А.Абдуллаев:
1. тадқиқотингизда, шу мавзуда илмий изланиш олиб борган хориж ва юртимиз олимларини келтириб ўтгансиз. Сизга яқиндан кўмакчи бўлган тадқиқотларни аниқ келтириб ўтсангиз. Сизни ишингиз уларни ишидан нимаси билан фарқ қилади? Жавоблар учун олдиндан раҳмат.
2. Ўқувчиларда ўзини бахолаш даражалари индикаторлари нимага асосида олинди?
Жавоб: Саволингиз учун раҳмат!
1-жавоб: тадқиқотимиз давомида айнан, Россиялик олим В.А. Сластенин тадқиқотларига кўпроқ таяндик. Уларни тадқиқотида ўқувчиларда ижодкорлик компетенцияларни ривожлантириш бўйича изланишлар олиб борганлар. Шунингдек, юртимиз олим У.Ходжамқуловнинг тадқиқотларида кўпроқ ёндашдик.
2-жавоб: ўқувчиларда билим даражаларини баҳоловчи индикаторларни аниқлашда халқаро баҳолаш дастурларига таянилди.
Савол: п.ф.н, доц, Г.Д.Пошохўжаева:
1.. Сиз яратган янгиликда тизимда бўлаётган ислоҳатлар нечоғлик акс этган?
2. Ўқув-билиш компетенциялари қайси баҳолаш дастури талаблари асосида шакллантирилди?
Жавоб: Саволингиз учун раҳмат
1-жавоб: тадқиқот натижалари асосида амалиётга татбиқ этилган тавсияларимизда ўқувчиларда билим даражаларини баҳоловчи вазифаларини интеграцион ёндашув ва шахсга йўналтирилган таълим орқали тизимлаштиришга эришдик.
2-жавоб: Ўқув-билиш компетенцияларини PIRLS баҳолаш дастури талаблари асосида шакллантиришга эришдик
Савол: катта ўқитувчи . О.М.Жабборова:
1.Хорижий тенденцияларнинг қайсиларини ишингизга киритгансиз?
Жавоб: Саволингиз учун раҳмат.
1-жавоб: тадқиқотимизда талабаларда касбий мотивацияни шакллантиришга оид Ғарб олимларининг илмий ғоялари таҳлил қилинди. Ишимизда шу ғоялар инобатга олинди.
Раис: Яна саволлар борми? Бошқа саволлар бўлмаса, сўзни биринчи тақризчига берамиз, марҳамат! Сўз Ўзбекистон Республикаси Қуролли Кучлари Академияси “Гуманитар фанлар” кафедраси профессори, педагогика фанлари доктори (DSc) Д.А.Абдураҳимовага берилади.
Do'stlaringiz bilan baham: |
