Tasdiqlayman” O‘quv ishlari bo‘yicha direktor o‘rinbosari

Pedagogika, psixologiya va texnologik ta’lim kafedrasi mudiri:

“_____” _____________ 2021 yil __________________ G.V.Izbullayeva

^(imzo)


Pedagogik ta’lim fakulteti dekani:

“_____” _____________ 2021 yil ________________ A.R.Jo’rayev

^(imzo)

	MUNDARIJA
	KIRISH	4
	MA’RUZA MASHG‘ULOTLARI MAZMUNI	4
	SEMINAR MASHG‘ULOTLARI MAZMUNI	254
	MUSTAQIL TA’LIM MAZMUNI	259
	GLOSSARIY	261
	TARQATMA MATERIALLAR	272
	TEST	279
	FAN DASTURI

KIRISH


Fanni o‘qitishdan maqsad-bo‘lajak o‘qituvchilarni zamonaviy psixologiya fanlarining nazariy va tarixiy asoslariga doir bilimlar bilan qurollantirish. Ilmiy-nazariy asoslari, umumiy psixologiya fani, psixika, shaxs, faoliyat, muloqot, bilish jarayonlari, irodaviy sifatlar, hissiy holatlar, individual xususiyatlarga doir bilim, ko‘nikma va malakalarni shakllantirishdir hamda bo‘lajak pedagog mutaxassislar tomonidan psixik taraqqiyot qonuniyatlari, davrlari, mexanizmlari, omillari va shart-sharoitlari haqidagi zamonaviy ilmiy bilimning o‘zgartirishini tashkil etish va amaliyotda tadbiq etish ko‘nikmasini hosil qilishdan iborat.
Fanning vazifasi- talabalarga umumiy psixologiyaning mohiyati, psixika va ong tushunchalari, psixik jarayonlar, holatlar, xususiyatlar, psixik riojlanish va uning o‘zga xos xususiyatlari, yosh davrlari tasnifi, psixik taraqqiyotning turli bosqichlari uchun xos psixofiziologik va psixologik xususiyatlar haqidagi bilimlar bilan qurollantirishdan iborat.


MA’RUZA MASHG’ULOTLARI MAZMUNI
1-mavzu: Psixologiya fanining predmeti va rivojlanish tarixi. Psixologiyaning tadqiqot metodlari
Mavzu rejasi:
1.Umumiy psixologiya predmeti va vazifalari.
2.Psixologiyaning falsafa doirasidagi rivojlanishi.
3.Umumiy psixologiyaning tarmoqlari.
4.Umumiy psixologiyaning tadqiqot metodlari.
5. Xulq-atvorning psixofiziologik asosi.


Tayanch iboralar: Psixologiya, psixika, ruhiyat, miya, ong, sezgi, idrok, xotira, hayol, fantaziya holat, xususiyat, jarayon, motivatsiya.
Umumiy psixologiya predmeti va vazifalari.
Psixologiya – grekcha «psyche» - jon, ruh va «logos» - ta’limot, ilm so‘zlaridan iborat bo‘lib, inson ruhiy dunyosiga aloqador barcha hodisalar va jarayonlar uning predmetini tashkil qiladi. Biroq hozirgi davrda “jon” tushunchasi o‘rniga “psixika”ni qo‘llashda davom etmoqdamiz. Lingvistik nuqtai nazardan jon, psixika tushunchalari aynan bir xil ma’noni bildiradi. Lekin psixika tushunchasi bugungi kunda jondan kengroq ko‘lamga ega bo‘lib ham ko‘zga ko‘rinuvchi ham ko‘zga ko‘rinmovchi tomonlarini o‘zida aks ettiradi. Demak, qisqa qilib, psixologiyaning predmeti konkret shaxs, uning jamiyatdagi xulq-atvori va turli faoliyatlarining o‘ziga xos tomonlaridir, deb ta’riflash mumkin.