Бажарилмоқда.
Хоразм вилоятидаги “Жайхун Хоразм савдо” МЧЖ томонидан Урганч тумани “Чолиш” шаҳарчаси ҳудудида аҳолидан ҳосил бўлган баклажка, пластмасса, сарафан ва қоп чиқиндиларини қайта ишлаб ярим тайёр хом ашё ишлаб чиқариш билан шуғулланиб келмоқда ҳамда корхонада 65 нафар ишчи ходимлар ишламоқда.
Корхонада чиқиндиларни қайта ишлашни янада ривожлантириш мақсадида Хитой Республикасининг “YONGXING” компанияси билан иккиламчи баклажка чиқиндисидан ПЭТ тола (синтефон) ишлаб чиқаришни йўлга қўйиш режалаштирилган.
ПЭТ тола ишлаб чиқаришга мўлжалланган ускунасининг ишлаб чиқариш қуввати кунига 10 тонна ПЭТ толаси ишлаб чиқаришга мўлжалланган бўлиб, йиллик қуввати 3600 тоннани ташкил қилади. Ушбу лойиҳанинг ишга тушиши натижасида қўшимча 40 нафар янги ишчи ўрин яратилади. Ҳозирда Хитой Республикасининг “YONGXING” компанияси билан ПЭТ толаси ускунаси олиб келиш ишлари бўйича музокаралар олиб борилмоқда.
Шунингдек, ПЭТ толаси ишлаб чиқариш ускунасига қўшимча равишда “BEIER” компанияси билан баклажка чиқиндиларини ювиб майдалаб синтетик тола ишлаб чиқариш учун ярим тайёр ҳолатга келтирадиган асбоб-ускуналарни ҳам олиб келиш режалаштирилган.
|
