Tayyorlash va malakasini oshirish markazi r. Qarshiyev, O. Shernayev, M. Sharipova

 
Taqrizchilar:
NavDPI Tarix o’qitish metodikasi kafedrasi dotsenti, PhD. U.Narzullayev 
Navoiy shahar 15-umumta’lim maktabi tarix fani o’qituvchisi M.Bozorova
 
 
 
 
 

---

KIRISH
Mazkur ish daftari darslik kitobingizda berilgan har bir mavzu uchun 
mo’ljallangan turli xil topshiriqlarni o’z ichiga olgan. Topshiriqlarni ham 
darslarda, ham mustaqil ravishda uyga vazifani tayyorlash vaqtida ham bajarish 
mumkin. E’tibor qaratsangiz, topshiriqlar murakkablik darajasiga ko’ra bir-
biridan farq qiladi. Agar siz darslik kitobingizni diqqat bilan o’qisangiz 
topshiriqlarning asosiy qismini o’zingiz mustaqil ravishda bajara olasiz.
Bir qator topshiriq turlarini esa qo’shimcha manbalar orqaligina 
bajarishingiz mumkin. Gap birinchi navbatda internet materiallari, shuningdek 
ensiklopediyalar, turli tarix kitoblari, ilmiy-badiiy adabiyotlar haqida ketmoqda. 
Ba’zi topshiriqlarni bir yoki bir nechta sinfdoshlaringiz bilan hamkorlikda 
bajarish tavsiya etiladi. Ma’lum topshiriqlarni bajarganda esa nafaqat 
qo’shimcha manbalardan foydalanish lozim, balki mustaqil tadqiqot olib 
borishingizga, turli tarixchi olimlarning xulosalarini o’rganishingizga, u yoki bu 
tarixiy muammo-masalaga o’z mustaqil fikringizni bildirishingizga tog’ri keladi. 
Bunday topshiriqlar birinchi o’rinda tarixga qiziquvchi o’quvchilarga 
mo’ljallangan. Ko’pchilik topshiriqlar yozma bajarilishi lozim, jadval, sxema, 
matn, qoldirilgan so’zlarni to’ldirish kerak bo’ladi. Bunday vaqtlarda daftarga 
aniq, tushunarli qilib yozishga harakat qiling. Shuningdek ba’zi topshiriqlar 
borki, ularni bajarish davomida sizdan insho, ma’lumotnoma, eslatma va 
o’tmishda yashagan insonlar nomidan maktub yozishni talab etiladi. Ma’lum 
xaritalar bir necha paragraflar bilan ishlashda foydalaniladi. Topshiriqlarni 
bajarayotganingizda ularni shunchaki mexanik to’ldirmaslikka harakat qiling, 
zero tarix sizlarni insonlar uzoq o’tmishda qanday hayot kechirishgani bilan 
tanishtiradi.