Tema: Investsitsiya funksiyasi hám faktorları. Mazmuni: kirisiw

2. Ekonomikanıń modernizaciyalaw sharayatında investitsion aktivlikti asırıwda investitsiya funksiyaları hám faktorlarınan nátiyjeli paydalanıw.
Investitsiyalar hár qanday mámlekettiń sociallıq-ekonomikalıq rawajlanıwın háreketlendiriwshi kúsh bolıp, olardıń járdeminde ekonomikanıń innovatsiyalar hám joqarı texnologiyalar tiykarında rawajlanıwı qollap -quwatlanadı, import ornın basıw hám kirisbap ónimlerdi islep shıǵarıw siyasatı tabıslı ámelge asıriladı, zamanagóy infrasistemalar rawajlandırıladı, tazadan -jańa jumıs orınları ajaratılıp, jumıssızlıq mashqalasınıń aldı alınadı, eń tiykarǵısı, erkin báseki hám isbilermenlik munasábetlerine tiykarlanǵan zamanagóy ekonomikalıq sistema rawajlandırıladı. Investitsiyalardıń taǵı bir zárúrli áhmiyeti sonda, olar hár qanday mámlekettiń jaqın hám uzaq keleshekte rawajlanıw kelesheklerin belgilep beredi. Óziniń finanslıq formasına kóre, olar payda alıw maqsetinde xojalıq iskerligine qoyılǵan aktivler esaplansa, ekonomikalıq mánisine kóre investitsiyalar jańa kárxanalar qurıw, uzaq múddet xızmet kórsetiwshi mashina hám ásbap -úskenelerdi juwmaqlawshı satıp alıwǵa hám de usınıń menen baylanıslı bolǵan aylanba kapitaldıń ózgeriwine ketken qárejetler bolıp tabıladı. Sonıń menen birge investitsilar quramına turaq-jay qurılısına ketken ǵárejetler de kiritiledi. Investitsiyalardı túrlishe gruppalaw múmkin. Makroekonomikalıq analizde eń kóp dus kelinetuǵın gruppalawda investitsiyalar investitsiyalaw obektine kóre úsh túrge bólinedi.
1. Islep shıǵarıw investitsiyaları ;
2. Tovar -materiallıq rezervlerine investitsiya ;
3. Turaq-jay qurılısına investitsiya.
Makroekonomikalıq analizde investitsiyalar dinamikasın belgileytuǵın faktor retinde real payız stavkası qaraladı. Real payız stavkası artıqshalıǵı menen investitsiyalar kólemi azayıwın baqlawımız múmkin. Sebebi investorlar ushın qarız bahası artıp, olar kórsetetuǵın payda normasın tómenletip qoyadı. Avtonom Investitsiyalardıń grafigi investitsiyalar kólemi payız stavkası dinamikasına teris proporsional tárzde ózgeriwin kórsetedi.
Avtonom invstitsiya funksiyası tómendegi kóriniske iye:
I = e - dR
Bul jerde: I - avtonom investitsiya qárejetleri;
e - payız stavkası 0 ge teń tolǵandaǵı investitsiya ǵárejetleriniń maksimal kólemi. Ol sırtqı ekonomikalıq faktorlar, resurs múmkinshilikleri, jer, paydalı qazilma baylıqları hám basqalar menen belgilenedi;
R - real procent stavkası ;
d - investitsiyalardıń real procent stavkası dinamikası ózgeriwge tásirliligin muǵdarlıq belgileytuǵın empirik koefficiyent.