Tema: Investsitsiya funksiyasi hám faktorları. Mazmuni: kirisiw

Investitsion analizdiń ulıwma principlerı Kárxana kapitalı bahası hám iskerligi kórsetkishlerin názerde tutılǵan joybardıń kutilgen paydalılıq hám rentabellik kórsetkishleri menen salıstırıw jáne bul joybar investitsiya obiekti retinde qaralıwı mumkimi yamasa joq ekenligi maydanınan maqul túsetuǵın qarar qabıllawdı názerde tutadı.
Investitsiyalardıń ekonomikalıq natiyjeliligin bahalawda investitsion joybardıń kiritilgen investitsiyalardıń satıp alınǵan zat ma`nisin saqlap qalıw hám olardıń jetkilikshe ósiw pátlerin támiyinley alıw potensial múmkinshiliklerine pát beriledi. Analiz investitsion joybar natiyjeliliginiń integral kórsetkishlerin anıqlaw tiykarına qurıladı.
Nátiyjelililikti niqlawda joybar esap-kitap dáwirdiń bólek qádemi bolǵan qárejetler hám nátiyjeler ústinde operatsiyalar atqarıladı. Ekonomikanıń tiykarǵı principlerıne kóre túrli waqıtlardaǵı qárejetler erisilgen nátiyjeler sıyaqlı waqıtqa baylanıslı túrde parıq etedi. Basqasha etip aytqanda, búgingi bir swm bir jıldan keyin qolǵa kiritilgen yamasa qarjı etilgeninen kóre bahaliraq bolıp tabıladı. Bul fakt tek inflyatsiya menen ǵana baylanıslı bolıp qalmastan, bálki xojalıq oborotına tartılǵan pul qarjları stabil ekonomika sharayatında málim muǵdardaǵı dáramat keltiriwin de ózinde sáwlelendiredi. Bul haqiyqattanda tastıyıqlanıwın talap etpeydi, hám hár qanday investitsiya joybarların ekonomikalıq analiz etiwiniń tiykarı bolıp tabıladı. Usınıń sebepinen, málim waqıttaǵı real pul qarjları aǵısları jıyındısınan esaplaw olar salıstırsa bolatuǵın formaǵa yaǵnıy birdey waqıt aǵımına keltiriliwi kerek. esap dáwirdiń bası yaki aqırı keltriw dáwirleri bolıwı múmkin. Investitsiyalardıń maqsetke muwapıqlıǵın bahalawda tórtew tiykarǵı usıldan paydalanıladı :
1 - usıl : qaplanıw múddeti boyınsha
2 - usıl : sap keltirilgen baha boyınsha
3 - usıl : rentabelliktiń ishki norması boyınsha
4 - usıl : paydalılıq indeksi
Investitsion joybarlardı bahalaw tómendegishe ámelge asırıladı :
- Pul aǵısların diskontlaw arqalı bahalaw ( 2- hám 3 - usıllar )
- Pulning waqıtqa salıstırǵanda qadrsizleniwin esapqa almay bahalaw ( 1- hám 4 - usıllar )
Tómendegi jaǵdaylarda kárxanada investitsiyalardıń maqsetke muwapıqlıǵın bahalawǵa mútajlik tuwıladı:
- gónergen úskenelerdi jańasına almastırıwǵa tuwrı kelip;
- ımaratlardı ijaraǵa alıw, satıp alıw yamasa qurıw esabına islep shıǵarıw quwatın asırıw joybarlastırılǵanda
- basqa kárxanalar menen qosılıw múmkinshiliginen paydalanıwda ;
- jańa ónimlerdi islep shıǵarıwdı joybarlawda ;
- reklama ilajların ámelge asırıwdı joybarlaw hám basqa jaǵdaylarda ; Paydalılıq indeksi. Sap dáramat hám sap ámeldegi dáramatlardı esaplawda paydalanilatuǵın dáslepki investitsiya qárejetleri taǵı bir járdemshi kórsetkish - paydalılıq indeksin dúziwde de isletiledi. Bul kórsetkish joybar qárejetlerine salıstırǵanda qaytimın ańlatadı. Názerde tutılǵan qárejetler quramına qaray investitsiyalar paydalılıq indeksi yamasa qárejetler paydalılıq indeksin dúziw múmkin. Óz gezeginde, olardıń hár birin eki qıylı kóriniste: real hám diskontlanǵan pul aǵımı boyınsha súwretlew múmkin.
Muwapıq kórsetkishlerdiń bir-birinen parıqlanıwı anıq jaǵday. Usınıń nátiyjesinde, joybar natiyjeliligin paydalılıq indeksi jardeminde xarakteristikalaǵanda, álbette, ol qaysı metod boyınsha bahalanǵanın aytıp ótiw kerek. Bul kórsetkishler túrli joybarlar boyınsha salıstırıw bolsa birdey usıldan paydalanıwǵa alıp keledi.