Tema: Kasperskiy, Doctor Web, NortonAntivirus programmaları hám olardıń viruslardan tazalawdaǵı imkaniyatları. Reje

Antiviruslardı, qollanıw usılına kóre, tómendegilerge ajıratıwımız múmkin:detektorlar, faglar, vakcinalar, privivkalar, revizorlar, monıtorlar.
Detektorlar — virustıń signaturası (virusqa tiyisli bayıtlar izbe-izligi) boyınsha operativ yad hám fayllardı kóriw nátiyjesinde málim viruslardı tabadı hám xabar beredi. Jańa viruslardı anıqlap almawı detektorlardıń kemshiligi esaplanadı.
Faglar — yamasa doktorlar, detektorlarǵa tán bolǵan jumıstı atqarǵan halda zıyanlanǵan fayldan viruslardı shıǵarıp taslaydı hám fayldı aldınǵı jaǵdayına qaytaradı.
Vakcinalar — joqarıdagılardan ayrıqsha túrde qorǵanıp atırǵan programmaǵa umtıladı. Nátiyjede programma zıyanlanǵan dep esaplanıp, virus tárepinen ózgertirilmeydi. Tek ǵana málim viruslarǵa salıstırǵanda waqtınsha etiliwi onıń kemshiligi esaplanadı. Sol sebepli de, bul antivirus programmaları keń tarqalmaǵan.
Privivka — fayllarda tap virus zıyanlansa ız qaldıradı. Bunıń nátiyjesinde viruslar «privivka etilgen» faylǵa jabıspaydı.
Filtrler — qorıqlawshı programmalar kórinisinde bolıp, rezident jaǵdayda islep turadı hám viruslarǵa tán processler orınlanǵanda, bul haqqında paydalanıwshıǵa xabar beredi.
Revizorlar — eń isenimli qorǵawlaytuǵın qural bolıp, disktıń birinshi jaǵdayın yadında saqlap, odaǵı keyingi ózgerislerdi turaqlı túrde qadaǵalaw etip baradı.
Detektor programmalar kompyuter yadınan, fayllardan viruslardı izleydi hám anıqlanǵan viruslar haqqında xabar beredi. Doktor programmaları tek ǵana virus menen kesellengen fayllardı tabadı, bálkim olardı dawalap, dáslepki jaǵdayına qaytaradı. Bunday programmalarǵa Aidstest, Doctor Web programmaların mısal keltirip ótiw múmkin. Jańa viruslardıń toqtawsız payda bolıp turıwın esapqa alıp, doktor programmaların da jańa versiyaları menen almastırıp turıw kerek.
Filtr programmalar kompyuter islew processinde viruslarǵa tán bolǵan gúmanlı háreketlerdi tabıw ushın isletiledi.
Bul háreketler tómendegishe bolıwı múmkin:
• fayllar atributlarınıń ózgeriwi;
• disklarǵa turaqlı mánzillerde maǵlıwmatlardı jazıw ;
• disktıń jumısqa jukleytuǵın sektorlarına maǵlıwmatlardı jazıp jiberiw.
Tekseriwshi (revizor) programmaları virustan qorǵawdıń eń isenimli quralı bolıp, kompyuter zıyanlanbaǵan jaǵdayındaǵı programmalar, kataloglar hám diskdıń sistema maydanı jaǵdayın yadta saqlap, turaqlı túrde yamasa paydalanıwshı qálewi menen kompyuterdiń ámeldegi hám baslanǵanan keyin jaǵdayların bir-biri menen salıstıradı. Buǵan ADINF programmasın mısal etip keltiriw múmkin.