Tema: Kasperskiy, Doctor Web, NortonAntivirus programmaları hám olardıń viruslardan tazalawdaǵı imkaniyatları. Reje

TEMA: Kasperskiy, Doctor Web , NortonAntivirus programmaları hám olardıń viruslardan tazalawdaǵı imkaniyatları.
Reje:

1. 
   Kompyuter virusı ózi ne?
   
2. 
   Kompyuterdegi maǵlıwmatlardı viruslardan qorǵaw ushın antivirus programmalar
   
3. 
   Kasperskiy, Doctor Web , NortonAntivirus programmaları
   
4. 
   Viruslarǵa qarsı ilajlar
   

Virus programması kompyuterdegi maǵlıwmatlar pútkilligin buzıwǵa yamasa olardı óshiriwge mólsherlengen boladı. Dáslepki bar virus programmaları AQShda islep shıǵarılǵan, sebebi áyne bul mámlekette jeke kompyuterler keń tarqalǵan edi. Dáslepki bar islep shıǵarılǵan virus programmaları paydalanıwshınıń tınıshlıǵın buzıwǵa hám ǵázeplentiriwge qaratılǵan edi. Lekin keyinirek olar zıyan jetkiziwdi óziniń maqseti retinde qabıl etip aldı. Házirgi waqıtta dúnya boyınsha 200000 den artıq virus programmaları bar. Olar kompyuter virusları bolıp, kompyuterdegi maǵlıwmatlarǵa zıyan jetkizedi yamasa kompyuterdiń islew natiyjeliligin túsirip jiberedi.

Kompyuter virusı ózi ne? Olar ruwxıy jarlı, turmıstan hám basqalardan óshpenli programmistler tárepinen nápsiqaw maqsetlerde jazılǵan programma. Olar ádetde, kóp nusqalanadı hám atqarıwshı fayllarǵa " jabısıp aladı". Olardıń " jumısqa túsiwi" áqibetinde geyde displeyde túrli jat jazıwlar payda bolıwı, geyde diskdaǵı jazıwlar (fayllar ) ni óshirip jiberiwi múmkin.
Ádetde paydalanıwshına virus programmalarınıń atı ǵana málim bolıwı múmkin. Mısalı, Black Hole (qara tesik), Black Friday (qara juma ), Friday 13 (on úshinshi juma ), " aste tásir etiwshi virus" hám taǵı basqa. Usı viruslar ekrandıń shep múyeshinen qara tesik ashıwı yamasa 13 sáne juma kúnleri islep atirǵan fayllardı joytıwı, bunnan tısqarı hár 5 minutda kompyuter jumısın bir neshe júz martelep jasalma páseytirip jiberiwi múmkin.
Ádetde TR-viruslar dep atalıwshı viruslar toparı ájayıp qasiyetke iye. Zıyanlanǵan programmanı kóriw sıyaqlında virus programması dúzetilgan programma ishine " suǵılıp " kirip aladı hám ózin kórinetuǵın etpeydi. Soǵan uqsas Pakistansha viruslar (Brain Ashet) da zıyanlanǵan kompyuterlerde óz " iskerligin" ayyarlarsha júrgizedi.
Keń tarqalǵan viruslardı eki gruppaǵa bolıw múmkin:
-fayllar ushın (SOM, YeXE hám DLL ni zıyanlaydı);
-Boot-viruslar (disketlerdi baslanǵısh jukleytuǵın sektorları yamasa MBR (Master Boot Record) qattı disktıń jukleytuǵın salasın zıyanlaydı.
Tarmaqqa zıyan keltiretuǵın bólek viruslar da bar. Olar replikatorlar dep atalıp, tarmaqtaǵı barlıq yamasa ayırım abonentlerdi zıyanlaydı. Olardan eń " belgilisi" Morrisa atlısı bolıp tabıladı. 1988-jılda bul virus Internet tarmaǵındaǵı 30000 kompyuterden 6000na zıyan keltirip, " káramat" kórsetken.