Tema: Kasperskiy, Doctor Web, NortonAntivirus programmaları hám olardıń viruslardan tazalawdaǵı imkaniyatları. Reje

Viruslarǵa qarsı ilajlar
Kompyuterdi viruslar menen zıyanlanıwınan saqlaw hám informaciyalardı isenimli saqlaw ushın tómendegi qaǵıydalarǵa ámel qılıw kerek:
- kompyuterdi zamanagóy antivirus programmalar menen támiyinlew;
- disketalardı isletiwden aldın mudamı virusqa qarsı tekseriw;
- qımbatlı informaciyalardıń nusqasın mudamı arxiv fayl kórinisinde saqlaw.
Kompyuter viruslarına qarsı gúrestiń tómendegi túrleri ámeldegi:
- viruslar kompyuterge kirip buzǵan fayllardı óz holına qaytarıwshı programmalardıń bar ekenligi;
- kompyuterge parol menen kirisiw, disk jurgiziwshilerdiń jabıq turıwı ;
- disklardı jazıwdan qorǵaw ;
- litsenzion programmalıq támiynatlardan paydalanıw hám urlıq programmalardı qollamaw ;
- kompyuterge kiritilip atırǵan programmalardıń viruslardıń bar ekenligin tekseriw;
- antivirus programmalarınan keń paydalanıw ;
- dáwirli túrde kompyuterlerdi antivirus programmaları járdeminde viruslarǵa qarsı tekseriw.
Antivirus programmalarınan DrWeb, Adinf, AvP, vootCHK hám Norton Antivirus, Kaspersky Security sıyaqlılar keń paylalanıladı. Filtr programmalar kompyuter islew processinde viruslarǵa tán bolǵan gúmanlı háreketlerdi tabıw ushın isletiledi.
Viruslardan qorǵawdıń tiykarǵı quralları
Eń jaqsı qorǵaw túri - viruslardı qaysı tárizde tásir etiwin biliw bolıp tabıladı.Viruslar ápiwayı programmalar bolıp, qandayda bir ózgeshe kúshke iye emesler. Kompyuter viruslar menen zıyanlanıwı ushın ondaǵı qandayda bir-bir zıyanlanǵan programma islewdi talap etiledi. Sol sebepli kompyuterdiń baslanǵısh zıyanlanıwı tómendegi jaǵdaylarda júz beredi:
• kompyuter degi virus menen zıyanlanǵan programmalar júkleniwi (COM, BAT yamasa EXE fayllar ) yamasa modulı zıyanlanǵan programmanıń isletiliwi;
• kompyuterge viruslı diskettiń júkleniwi;
• kompyuterge zıyanlanǵan OS yamasa qurılmalardıń zıyanlanǵan drayverleriniń ornatılıwı.
Viruslardan tómendegi usıllar menen qorǵawlanıw múmkin:
• oqılıp atırǵanda disketanı, álbette, virus bar ekenligine tekseriw;
• informaciya nusqaların kóshiriw, sonıń menen birge disklar hám informaciyanı saqlaw ushın isletiletuǵın ulıwma qaǵıydalardan paydalanıw, disklardı fizikalıq zıyanlanıwdan, programmalardı bolsa buzılıwdan saqlaw ;
• informaciyadan nızamǵa qarsı paydalanıwdı sheklew, atap aytqanda, programma hám maǵlıwmatlardıń viruslar tásirinde ózgeriwinen, nadurıs islep atirǵan programmalar hám paydalanıwshılardıń nadurıs háreketlerinen qorǵaw ;
• viruslar menen zıyanlanıw múmkinshiligın kemeytiriwshi ilajlar ;
• viruslar menen gúresiwshi arnawlı programmalardan paydalanıw.