Tema: Mádeniyat hám kórkem óner mákemeleri finansı Joba

Finanslıq rejelestiriw
Hár qanday social-ekonomikaliq processlerdi basqarıw sistemasınıń tiykarǵı basqıshlarınan biri rejelestiriw. Rejelestiriw ámelde rejelilikti ámelge asırıwdı, yaǵnıy teńsalmaqlılıq hám say keliwge erisiw boyınsha ańlı iskerlikti bildiredi. Sol mániste finanslıq resurslardıń teńsalmaqlılıq hám say keliwin táminlewge qaratılǵan iskerlik finanslıq rejelestiriw dep ataladı.
Finanslıq rejege, onı islep shıǵıw, jaratıw, dúziw kibi finansliq kórsetkishlerdi analiz qılıw, ulıwmalastırıw hám ózara baylanıs sisteması sıpatında qaraw kerek.
Finanslıq rejelestiriw túsinigi óz ishine tómendegilerdi aladı:
Rawajlanıwdıń tiykarǵı tendenciyaların anıqlaw hám finanslıq analizlew;
Toplanǵan hám waqtınsha bos turǵan qarjılardı jaylastırıw menejmenti;
Karxana ishindegi finanslıq rejeler hám pullardı rejelestiriw, esapqa alıw hám qadaǵalaw texnologiyası;
Investicion menejment;
Kapitallar menejmenti;
Iskerliktiń basqa kórinisleri.

• 
  Óndiris, investicion hám finanslıq iskerliklerdi kerekli bolǵan finanslıq resurslar menen táminlew;
  
• 
  Pul qarjıların ekonomlaw, tejep paydalanıw esabınan karxananıń paydasın asırıw boyınsha ishki imkaniyatlardı qıdırıp tabıw;
  
• 
  Kapitaldı nátiyjeli jaylastırıw jolların anıqlaw, onan aqılga say hám nátiyjeli paydalanıwdı bahalaw;
  
• 
  Kontragentler menen optimal finanslıq qatnasıqlardı ornatıw;
  
• 
  Mákemeniń finanslıq jaǵdayı, tólewge qábiliyetliligi ustinen qadaǵalaw ornatıw.
  

Finanslıq rejelestiriw ámeliyatında tómendegi tiykarǵı metodlardan paydalanıladı:

• 
  Ekonomikalıq analiz;
  
• 
  Normative metod;
  
• 
  Balanslı esap-kitap;
  
• 
  Kop variantlılıq;
  
• 
  Ekonomika-matematikalıq modellestiriw.
  

Finanslıq rejelestiriwdiń tiykarǵı basqıshları:

• 
  Karxana iskerliginiń finanslıq nátiyjelerin izzertlew;
  
• 
  Operativ rejelestiriwdiń ózgeriwi tiykarında finanslıq esabatlardıń boljaw variantların islep shıǵıw;
  
• 
  Bolimlerdiń finansliq resurslarǵa mutájligin anıqlaw;
  
• 
  Finanslastırıw derekleri hám olardiń duzilisin boljaw;
  
• 
  Finanstı basqarıw sistemasın jaratıw;
  
• 
  Qáliplestirilgen rejelerdi operativ ózgertiw tártibin islep shıǵıw.
  

Finansliq rejelestiriw eki turde boladı: Strategiyalıq; Taktik.
Finanslıq rejelestiriwdıń bas obyekti rejede óziniń muǵdarlıq ańlatpasın alatuǵın finanstıń buwınları (finanslıq munasábetler) esaplanadı. Konkret pul fondları qarjılarınıń háreketi birden-bir sistemaǵa birlestirilgen tiyisli finanslıq rejelerde ańlatıladı hám bekkemlenedi.
Finanslıq rejeler sistemasınıń orayın byudjet jobası iyeleydi, bunday jaǵdayda byudjet fondınıń háreketi, dáramatlar hám qárejetlerdi qáliplestiriw hám olardan paydalanıwdıń formaları hám metodları, dáramat hám qárejetlerdiń strukturalıq dúzilisi hám strukturası óziniń muǵdarlıq túsinigin tabadı.