Tema: Mektepke ha’m sabaqqa qoyilatug’in talaplar

Tema: Mektepke ha’m sabaqqa qoyilatug’in talaplar:

Respublikamizdin’ milliy social ekonomikaliq ha’m ruwxiy rawajlaniwi en’ da’slep mektepke baylanisli. Xaliq danishpanlari yag’niy analizdin’ ulli oyshillari Farabiy, Beruniy, Ulug’bek, Nawayi, Zavxiy, Furxat, Abdulla Avloniy tek g’ana ma’deniyat arqali insan ha’m ma’mlekettin’ keleshekte gullep jasnawin o’z da’wirinde ko’re aldi. Ulug’bektin’ taniqli medresesinde ilim aliw ha’r bir musilman ushin ha’m pariz ha’m qariz degen ga’pler jazip qoyilg’an edi. Xaliq ta’limi diziminde za’ru’r orindi iyelegen uliwma ta’lim mektepleri respublikamiz turmisi ushin bekkem baylanisqan bolip ma’mleketlerdin’ siyasiy ha’m ma’deniy waziypalarina xizmet etedi. O’zbekistan Respublikasi o’z g’arezsizligine eriskennen keyin ja’miyetimizdin’ barshe tarawlarinda bolg’an o’zgerisler siyaqli ta’lim tarawinda da bir qansha o’zgerisler boldi. Ma’mleket o’z siyasatin ta’lim sistemasi arqali ju’rgiziletug’ini sebepli ta’lim sistemasi ha’m oni basqariwdin’ huquqiy nizamliqlarin ma’mleket ta;lim standartlarin ekanomikaliq siyasatin ha’m ag’artiwshiliq tiykarlarin islep shiqti bul o’z gezeginde pedagogikaliq joqari oqiw orinlarinda mug’allimler qa’niygeligin jetilistiriw inistitutlarina ha’m mekteplerde isleytug’in pedagog kadrlarg’a bir qansha waziypalardi ju’kledi. O’zbekistannin’ uliwma ta’lim mektebi bul uzliksiz ta’lim dizimindegi tiykarg’i bo’lim bolip ol O’zbekistan aymag’inda jasawshi barliq balalarg’a o’z waqtinda orta uliwma ta’lim aliwg’a ha’r balanin’ qizig’iwshilig’i ha’m qa’biliyetine qaray ja’miyetlik talaplardi esapqa alg’an halda bilim aliwdi dawam ettiriw imkanin beriwshi ma’mleket ja’miyetlik mekemesi bolip esaplanadi.

Ja’miyetlik siyasiy basqariwdin’ aldina qoyilg’an maqseti bul ja’miyetimizdin’ olarg’a jat bolg’an illetlerden qorg’aw xalqimizdin’ baxitli turmis keshiriwi ha’m watanimizg’a milletimizge sadiq shaxslardi ta'ribiyalaw bolip tabiladi.

Ja’miyetlik basqariw sistemasi belgili da’rejeni basqariw waziypalarina tiykarlanip a’melge asiriladi. Basqariwdin’ waziypalari.
1.Jobalastiriw
2. SHo’lkemlestiriw
3.Muwapiqlastiriw
4.Tekseriw qadag’alaw
5.Esap kitap ha’m juwmaq
Jobalastiriw basqariwshi tarawdi rawajlandiriw maqsetinde ha’m usi maqsetke erisiw qurallarin jollarin belgili jumis jobasin du’ziw degendi an’latadi.
Sho’lkemlestiriw bul o’ndiris tarawinin’ du’zilisi ha’m basqariw usilin tan’lap aliw qa’liplestiriw mekemenin’ du’zilisi qurilisi ortasindag’i qatnasiqlardi ha’m olardin’ o’z-ara ha’reketlerin belgileydi.
Muwapiqlastiriw bul mekemenin’ turli a’meliyatlari ortasinda belgili isti jobalastiriw ha’m tapsirmalardan shetke shig’ip ketiwine jol qoymaw bolip esaplanadi.

Tekseriw qadag’alaw bul o’ndiris barisinan islep shig’ariwdag’i ha’r ta’repleme jobag’a qa’nshelli da’rejede muwapiqlig’in baqlap tekserip turiwdan ibarat.

Esap kitap bul jobani iske asiriwdin’ belgili bir basqishlarin qalay a’melge asirip atirg’anlig’ina juwmaq jasaw degendi an’latadi. Pedagogikaliq sistemani basqariwdin’ tiykarg’i derekleri O’zbekstan Respublikasi Oliy ma’jilis ha’m Qaraqalpaqstan Respublikasinin’ Joqari ken’esi sessiyalarinda qabil etilgen ta’lim haqqinda nizamlar.
Ta’lim tarawindag’i ta’lim ta’rbiya koncepsiyasi O’zbekstan ha’m Qaraqalpaqstan Respublikalarinin’ bilimlendiriw haqqindag’i nizamliqlar Kadrlar tayarlawdin’ milliy bag’darlamasi Ma’mleket ta’lim standartlari Basqariw haqqinda ilimiy Mektep jumisin sho’lkemlestiriw a’meliyati. Xaliq bilimlendiriwin basqariwdag’i alding’i is ta’jiriybeler.
Oqitiwshi o’zinin’ aniq sharayatlari ha’m imkaniyatlarina en’ ko’p mas keletug’in sabaq processin sanali ra’wishte tan’lap aliw ahmiyetli. Bul is sabaqtin’ ahmiyetli ta’replerin tan’lawdag’I ta’wekelshilikke, bilim,ko’nlikpe, ha’m sheberliklerdi o’zlestiriw processin basqariwg’a qanday dur ku’tilmegen jantasiwg’a jol qoymaydi.
Sabaqqa bolg’an talaplar. Sabaq joqarida aytip o’tilgendey, oqitiwdi sho’lkemlestiriwdin’ o’zgermes formasi emes. Oqiw a’meliyati ha’m pedagogikaliq sana ha’r dayim oni qa’liplestiriw jollarin izleydi, bul tarawda ha’r tu’rli ko’rik tan’lawlar, respublika ko’leminde o’tkerilip atirg’an pedagogikaliq oqiwlarda ortag’a taslanatug’in aldin’g’i oqitiwshilardin’ piker ha’m usinislari diqqatqa ilayiq.

H’ar tu’rli piker ha’m usinislardi esapqa alg’an halda sabaqqa to’mendegi uliwmaliq didaktikaliq talaplarg’a juwap beriwi lazim:

1. 
   Ha’r bir sabaq belgili bir maqsetti a’melge asiriwg’a qaratilg’an ha’m puxta rejelestirilgen boliwi lazim.
   
2. 
   Ha’r bir sabaq bekkem ideyaliq ha’m siyasiy jo’neliske iye boliwi lazim
   
3. 
   Ha’r bir sabaq turmis penen a’meliyat penen baylanisli boliwi kerek
   
4. 
   Ha’r bir sabaq ha’r tu’rli usil, qurallardan na’tiyjeli paydalang’an halda alip bariliwi lazim
   
5. 
   Sabaqqa ajiratilg’an ha’r bir saat ha’m minutti tejep, onnan na’tiyjeli ha’m sapali paydalaniw kerek
   

6.Ha’r bir sabaq oqitiwshi ha’m oqiwshilardin’ aktivlik birligin ta’minlewi sha’rt
7.Sabaqta oqiw materiallarinin’ mazmunina tiyisli ko’rsetpeli qurallar, texnologiyaliq qurallar ha’m kompyuterlardan paydalaniw imkaniyatin jaratiw lazim
8.Sabaq processin pu’tkil klass penen toliq alip bariw arqali ha’r bir oqiwshinion’ individual o’zgeshelikleri, olardin’ erkin pikirlewin asiriw esapqa aliniwi kerek
9.Ha’r bir sabaqta temanin’ xarakterinen kelip shig’ip, xalqimizdin’ bay pedagogikaliq miyrasina murajat etiw ha’m onnan paydalaniw imkaniyatin izlew lazim.

Klass-sabaq formasinda sabaq tu’rleri ha’m olardin’ du’zilisi.

Bir saatliq sabaqqa mo’ljellengen da’stu’r materiyallarinin’ mazmunin aship beriw ushin didaktikaliq maqset ha’m talaplarg’a muwapiq ra’wishte sho’lkemlestirilgen shinig’iw tu’ri sabaq tu’rleri dep ju’ritiledi.
Ta’lim sistemasinda en’ ko’p qollanilatug’in sabaq tu’rleri to’mendegiler:

1. 
   Jan’a bilimlerdi bayan etiw sabag’i.
   
2. 
   O’tilgen materiyallardi bekkemlew sabag’i.
   
3. 
   Oqiwshilardin’ bilim, sheberlik ha’m ko’nlikpelerin tekseriw ha’m bahalaw sabag’i.
   
4. 
   Qaytalaw-uliwmalastiriwshi ha’m kirisiw sabaqlari.
   
5. 
   Aralas sabaq (joqaridag’i sabaq tu’rlerinin’ bir neshesin birge qollaw)
   

Ha’r bir sabaq tu’rinin’ belgili du’zilisi ha’m qa’siyetleri bar, bul na’rse oqitiwshinin’ oqiw materiallarin tuwri ha’m na’tiyjeli tu’sintiriwge, bekkem este qaldiriwg’a, ta’krarlawg’a ha’m onin’ o’zlestiriwin qadag’alap bariwg’a ja’rdem beredi.
Sabaq – ta’limdi sho’lkemlestiriwdin’ tiykarg’i formasi. Sabaq ta’lim processinin’ ko’z qarasinan ta’limnin’ tiykarg’i sho’lkemlestiriwshi usili sanaladi. Onda klass-sabaq sistemasinin’ qa’siyetleri o’z ko’rinisin tabadi, onda oqiwshilardi g’alabaliq qamrab aliw, sho’lkemlestiriwshi ta’rtip ha’m oqiw jumislarinin’ turaqlilig’i ta’minlenedi. Sabaq ekonomikaliq ta’repten paydali.
Oqiwshilar da klass toparinin’ individual o’zgesheliklerin biliw oqitiwshi ushin ha’r bir oqiwshi xizmetine xoshametlewshi ta’sir ko’rsetiwge imkan beredi. Sabaq shen’berinde g’alabaliq, toparli ha’m individual ta’lim formalarin birlestiriw imkaniyati onin’ qaytarip bolmaytug’in u’stinligi esaplanadi.
Sabaq tikkeley oqitiwshi basshilig’inda aniq belgilengen waqit dawaminda belgili oqiwshilar topari menen alip barilatug’in ta’lim processinin’ tiykarg’i formasi sanaladi. Sabaqta ha’r bir oqiwshi o’zgesheliklerin esapqa aliw, barliq oqiwshilardin’ sabaq processinde u’yrenilip atirg’an pa’n tiykarlarin u’yrenip aliwlari, olardin’ qabil etiw qa’biletleri ha’m manawiy a’dep-ikramliq sipatlarin ta’rbiyalaw ha’m rawajlandiriw ushin qolayli sharayatlar jaratadi.
Sabaq ta’limnin’ basqa formalarinan pariq qiliwshi o’zine ta’n belgilerine iye, sebebi: oqiwshilardin’ turaqli topari, oqiwshilar xizmetine olardin’ ha’r bir o’zgesheliklerin esapqa aliw menen basshiliq etiw, u’yrenilip atirg’an pa’n tiykarlarin tikkeley sabaqta iyelep aliw (bul belgiler sabaqtin’ tek mazmunin emes, ba’lki o’z o’zgesheliklerin sa’wlelendiredi).
Sabaqtin’ du’zilisi a’piwayi ha’m ju’da’ quramali boliwi mu’mkin. Bul oqiw materiallarinin’ mazmuni, sabaqtin’ didaktikaliq maqseti, oqiwshilar ha’m topar sipatinda klasstin’ o’zgesheliklerine baylanisli.
Za’manago’y didaktikada sabaq to’mendegi tu’rlerin ajiratip ko’rsetedi:

1. 
   Aralas sabaqlar.
   
2. 
   Jan’a mag’liwmatlar, aniq ha’diyseler menen tanisiw boyinsha ya’ki uliwmalastiriwlardi an’lap jetiw ha’m o’zlestiriw maqsetine iye sabaqlar.
   
3. 
   Bilimlerdi bekkemlew ha’m ta’krarlaw sabaqlari.
   
4. 
   U’yrengenlerdi uliwmalastiriw ha’m sistemalastiriw tiykarg’i maqsetke iye sabaqlar.
   
5. 
   Sheberlik ha’m ko’nlikpelerdi islep shig’iw ha’m bekkemlew sabaqlari.
   
6. 
   Bilimlerdi tekseriw ha’m tekseriw jumislardi u’yreniw sabag’i.
   
7. 
   O’z du’zilisi boyinsha a’piwayi bolg’an yag’niy bir tiykarli didaktikaliq maqsetke iye bolg’an sabaq tu’rleri (orta ha’m u’lken klasslarda qollaw ushin mas keledi.)
   

Baslawish klasslarda oqiwshilardin’ jaslarin esapqa alip oqiw jumislarinin’ ha’r tu’rlisinen paydalaniwg’a, jan’a bilimlerdi beriwdi aldin aldin u’yrenilgenlerdi bekkemlew, takrarlaw menen birge alip bariwg’a tuwri keledi.

Ha’tte tekseriw sabaqlari da bul jerde ko’binese jumislar basqa tu’rlerin o’z ishine aladi: Materiallardi awizeki jetkeriw. Qiziqli gu’rrin’lerdi oqiw. Sabaqtin’ mine usi tu’ri aralas (kombinatsiyalasqan), ya’ki quramali du’zilisi dep ataladi. Kombinatsiyalasqan sabaqtin’ shamali du’zilisi: u’y jumislarin tekseriw ha’m oqiwshilar menen soraw-juwap, jan’a materiallardi u’yreniw, o’zlestiriwdi da’slepki tekseriw, shinig’iwlar misallar dawaminda jan’a bilimlerdi bekkemlew, aldin u’yrenilgenlerdi sa’wbet ko’rinisinde takrarlaw, oqiwshilar bilimlerin tekseriw ha’m bahalaw, u’yge tapsirma beriw.
Oqiwshilardin’ jan’a materiallar menen tanisiw sabag’i ya’ki jan’a bilimlerdi beriw (u’yreniw) sabag’i sipatinda ken’ shen’berindegi sorawlardi o’z ishine alg’an ha’m oni u’yreniwge ko’p waqit talap qiliwshi, oqiwshilarg’a tanis bolmag’an jan’a material onin’ mazmuni bolg’an ta’lim processi.
Bunday sabaqlarda onin’ mazmuni, aniq maqseti de oqiwshilardin’ o’z betinshe jumis orinlawg’a tayarlig’ina qarap ayrim jag’daylarda jan’a materialdi o’zi bayan etedi. Basqa jag’daylarda bolsa oqitiwshi basshilig’i astinda oqiwshilardin’ o’z betinshe jumislari alip bariladi, u’shinshi jag’dayda bolsa eki jag’daydan da paydalaniladi.
Jan’a material ha’m mag’liwmat penen tanisiw sabag’inin’ du’zilisi to’mendegishe boliwi kerek: jan’a materialdi u’yreniw ushin tiykar bolg’an aldin’g’i materiallardi ta’krarlaw. Oqitiwshinin’ jan’a materialdi ha’m sabaqliq penen islesiwdi tu’sindiriw, bilimlerdi tu’siniwlerin tekseriw ha’m da’slepki bekkemlew ha’m u’yge tapsirma beriw.

Bilimlerdi bekkemlew sabaqlarinda oqiw jumislarin tiykarg’I mazmuni aldin o’zlestirilgen bilimlerdi bekkemlew o’zlestiriw maqsetinde olardi ekinshi ma’rte tu’sinip aliw esaplanadi.Oqiwshilar o’z bilimlerin jan’a derekler bo’yinsha u’yrenip aladi ha’m teren’lestiredi ya’ki olarg’a belgili bolg’an qag’iydag’a jan’a ma’seleler sheshedi, aldin aling’an bilimlerdi awizeki ha’m jazba tu’rde takirarlaydi ya’ki aldin u’yrenilgenlerdi ja’nede teren’rek ha’m bekkem o’zlestiriw maqsetinde olardan ayriqsha ma’seleler bo’yinsha xabar beredi. Duzilisi bo’yinsha bunday sabaqlar to’mendegi basqishlardan o’tiwdi na’zerde tutadi: u’y jumislarin tekseriw, awizeki ha’m jazba shinig’iwlardi orinlaw, tapsirmalardi orinlaw tekseriw, u’yge tapsirma beriw.

Ko’nlikpe ha’m sheberliklerdi islep shig’iw ha’m bekkemlew sabaqlari bilimlerdi bekkemkew sabaqlari menen baylanisli.
Bul process bir neshe arnawli sabaqlar procesinde a’melge asiriladi. Basqa sabaqlarda jan’a temalardi u’yreniw dawam ettiriledi. Sonin’ menen birge alding’i shinig’iwdi orinlaw jumislari balalar ta’repinen oqitiwshi ja’rdeminde ha’m olar tapsirmani qanday tusingenligin da’slep aniq tekseriw na’tiyjesinde orinlasa,keyinsheli bolsa qay jerde qanday qag’iyda qollaniwdi oqiwshilardin’ o’zleri belgileydi.
Olar tu’rli jag’daylarda sheberlik ha’m ko’nlikpelerdi qollaw, solar qatarinda, turmisliq a’meliyatda qollawdi o’zlestirip aliw kerek.
Uliwmalastiriwshi sabaqlar(bilimlerdi uliwmalastiriw ha’m sistemalastiriw). Aldin o’tilgen materiallardan en’ a’hmiyetli sorawlar qayta takirarlanatug’in ha’m sistemalastirilatug’in, oqiwshilar bilimlerinde bar bolg’an kemshiliklerdi toltiratug’in ha’m u’yrenilip atirg’an kurstin’ a’hmiyetli idealarin aship beretug’in sabaqlar esaplanadi.

Uliwmalastiriwshi sabaqlar tema, bo’lim ha’m oqiw kurslarinin’ juwmag’inda o’tkeriledi.

Kirisiw ha’m juwmaqlaw sabag’inin’ quramli elementi esaplanadi.
Ta’kirarlaw ha’m uliwmalastiriwdin’ o’zi gurrin’, qisqa xabarlar, sabaqliqti oqip beriw ya’ki oqitiwshinin’ oqiwshilar menen sa’wbetlesiwi formasinda o’tkeriliwi mu’mkin.
Tekseriw (qadag’alaw) sabaqlari oqitiwshig’a oqiwshilardin’ belgili bir tarawdag’i bilim, sheberlik ha’m ko’nlikpelerdin’ qalipleskenlik da’rejesi, oqiw materialin o’zlestiriwdegi kemshiliklerdi aniqlaw, sonday-aq, na’wbettegi tapsirmalardin’ orinlaw jollarin belgilep aliwg’a ja’rdem beredi.
Tekseriw sabaqlari oqiwshidan usi tema bo’yinsha onin’ ha’mme bilim, ko’nlikpe ha’m sheberliklerin qollawdi talap etedi.Tekseriw jumislari awizeki ya’ki jazba formada a’melge asiriliwi mu’mkin.
Joqardag’i sa’wlelengen barliq sabaqlardin’ majburiy elementi sho’lkemlestiriw ha’m juwmaqlaw basqishi esaplanadi.
Sho’lkemlestiriw basqishi maqsetlerdi qoyiw ha’m olardi oqiwshilar ta’repinen qabil etiw sharayatlarin ta’miyinlew, jaqsi sharayat jaratiw, oqiw xizmeti motivlerinin’ a’hmiyetlestiriw ha’m materiallardi qabil etiw, an’law, este saqlap qaliw barisindag’i beriletug’in ko’rsetpelerdi qaliplestiriwdi na’zerde tutadi.
Sabaqqa juwmaq jasaw basqishinda maqsetlerge erisiw tiykarg’i bag’dar boladi, olarg’a erisiwde ba’rshe oqiwshilar ya’ki jeke oqiwshilardin’ ayriqsha qatnasiwi belgilenedi, jumislari bahalanadi ha’m bahalari qoyiladi.

Ta’limnin’ sho’lkemlestiriwshilik formasi sipatinda sabaq dinamikaliq ha’diysedur. Ol pedagogikaliq procestin’ turaqlilig’in ta’miyinleydi ha’m ta’lim-ta’rbiyaliq-rawajlandiriw wa’ziypalarinin’ unamli sheshimin tabiwg’a imkan beredi.

Sabaq rawajlaniwdin’ tiykarg’i tendensiyalari sabaqqa bolg’an talaplarda o’zinin’ aniq sa’wleleniwin tabadi.
Zamanago’y sabaqlar to’mendegi talaplarg’a juwap bere aliwi lazim:
1.Pa’nnin’ alding’i jetiskenlikleri, pedagogikaliq texnologiyalardan paydalaniw, sabaqtin’ oqiw-ta’rbiyaliq process nizamliqlari tiykarinda sho’lkemlestiriw.
2.Sabaqda barliq didaktikaliq ko’z qaras ha’m qag’iydalardin’ optimal ko’rinislerin ta’miyinlew.
3.Oqiwshilardin’ qizig’iwshiliqlari uqip ha’m talaplarin esapqa aliw tiykarinda olar ta’repinen bilimlerdin’ puqta o’zlestiriw ushin za’ru’r sharayatlardi jaratiw.
4.Oqiwshilar an’lap jetetug’in pa’nler ara baylanislardi u’yretiw.
5.Aldin u’yrenilgen bilim ha’m sheberlikleri, sonday-aq, oqiwshilardin’ rawajlaniw da’rejesine tayaniw.
6.Shaxsti ha’r ta’repleme rawajlantiriwshi motivaciyalaw ha’m aktivlestiriw.
7.Oqiw-ta’rbiyaliq xizmettin’ barliq basqishlarinin’ logikalilig’i ha’m emocionallig’i.
8.Pedagogikaliq qurallardan na’tiyjeli paydalaniw.
9.Za’ru’r bilim, ko’nlikpe ha’m sheberlikler, pikirlew ha’m xizmet racional usillarin qaliplestiriw.
10.Bar bolg’an bilimlerdi turaqli bayitip bariw muta’jliklerin ju’zege keltiriw.
11.Ha’r bir sabaqti puqta jobalastiriw, rejelestiriw ha’m diagnoz qoyiw.
Ha’r bir sabaq to’mendegi u’sh tiykarg’i maqsetge erisiwge jo’neltiriledi: oqitiw, ta’rbiyalaw, rawajlantiriw.
Mine usilardi esapqa alip sabaqqa uliwmaliq talaplar didaktikaliq, ta’rbiyaliq ha’m rawajlantiriwshi talaplarda aniq sa’wlelenedi.
Didaktikaliq(ya’ki ta’lim)iy talaplarg’a ha’r bir sabaqtin’ ta’lim waziypalarin aniq belgilew, sabaqti axborotlar menen bayitiw, social ha’m shaxsiy muta’jliklerdi esapqa aliw menen ma’zmunin optimallastiriw, qabil etiw en’ son’g’i texnologiyalar kiritiw, ha’r tu’rli formali, metodlari ko’rinislerinen mas ra’wishte paydalaniw, sabaq duzilisin qa’liplestiriwge do’retiwshilik jantasiw, toparliq xizmet usillari menen birge oqiwshilar g’a’rezsiz xizmetleri tu’ri formalarinan birge paydalaniw, operativ qayta baylanisti ta’miyinlew, a’meliy qadag’alaw ha’m basqariwdi a’melge asiriw, ilimiy ha’m sabaqlardi sheberlik penen o’tkeriwdi ta’miyinlew siyaqlilar kiredi.
Sabaqqa qoyilatug’in talaplar oqiw materiallarinin’ ta’rbiyaliq imkaniyatlarin aniqlaw, sabaqtag’i xizmet, aniq erisiw mu’mkin bolg’an ta’rbiyaliq maqsetlerdi qa’liplestiriw ha’m qoyiw, tek oqiw jumislari maqsetleri ha’m ma’zmuninan ta’biyiy ra’wishte kelip shig’atug’in ta’rbiyaliq ma’selelerdi belgilew, oqiwshilardi uliwma insaniyliq qa’diryatlar tiykarinda ta’rbiyalaw, turmisliq a’hmiyetli sipatlar(tirisqaqliq, ta’rtiplilik, juwapkershilik, intizamliliq, erkinlik, jumis orinlawg’a qa’bilyetlilik, itibarliliq, hadalliq ha’m basqalar) di qa’liplestiriw, oqiwshilarg’a diqqat-itibarli mu’na’sibetde bolip, pedagogikaliq

a’dep-ikramliliq talaplarina a’mel qiliw, oqiwshilar menen sheriklik ha’m olardin’ jetiskenlikge erisiwinen ma’ptar boliwdan ibarat.

Barliq sabaqlarda turaqli a’melge asirilip baratug’in rawajlantiriwshi talaplarg’a oqiwshilarda oqiw, u’yreniw xizmeti unamli sipatlari, qizig’iw do’retiwshilik baslamashiliq ha’m belsendilikti qa’liplestiriw ha’m rawajlantiriw, oqiwshilardin’ qabil etiw imkaniyatlari da’rejesin u’yreniw, esapqa aliw, “rawajlaniwdin’ jaqin zonasin rejelestiriw”,
“ozip ketiw” da’rejesindegi oqiw shinig’iwlarin sho’lkemlestiriw, rawajlaniwdag’i jan’a o’zgerislerdi xoshametlew , oqiwshilardin’ intelektual, emocional, social rawajlaniwindag’i “sekiriw”lerin aldinnan ko’re biliw, baslanip atirg’an o’zgerislerdi esapqa aliw tiykarinda oqiw shinig’iwlarin operativ qayta quriw siyaqlilar kiredi.

Paydalang’an adebiyatlar:

1. 
   M.Mirqosimov “Maktabni boshqarishning nazariy va pedagogik asoslari”
   
2. 
   I.Karimov “Joqari manawiyat jen’ilmes ku’sh”