Tema: Mektepke shekemgi pedagogikanin pán sipatinda qollaniwi Reje

Tábiyiy pánler– shaxstiń fiziologik-anatomik jaqtan duris rawajlaniwin támiyinlew, oniń organizminde payda bolip atirǵan ayrim nuqsanlardi joq etiwge ámeliy jandasiw, soniń menen, nusanli balalardi oqitiw hámde tárbiyalaw mashqalalarin úyreniwde kómeklesedi.

Mektepke shekemgi pedagogika páni rawajlaniwi belgili pedagogikaliq mashqalalardi izertlew maqsetinde alip barilǵan izertlew jumislariniń ideyasi, mazmuni hámde nátiyjeleri esabina támiyinlenedi. Sotsialliq hám islep shiǵariw protsessiniń keskin rawajlaniwi shaxsti hár tárepleme kamal taptiriw imkanin beriwshi faktor hámde pedagogikaliq shárt-sharayatlardi aniqlaw, jámiyet hám shaxs mánáwiyatina ziyan jetkiziwshi faktorlardi joq etiwdi talap etedi. Táriya protsessleriniń mazmunin aniqlaw olardi keń yaki tar sheńberdse úyreniw, zárúr is-ilajlardi belgilew ilimiy izertlewlerdi shólkemlestiriw zárúrligin júzege keltiredi. Pedagogikaliq izleniwlerdiń nátiyjeli keshiwi bir qatar obiektiv hám subiektiv faktorlarǵa baylanisli. Bul protsesste maqsetke muwapiq keliwshi, maqul, áyne waqitta nátiyjeli bolǵan usillardi tańlay aliwida zárúr.

Pedagogikaliq ilimiy-izertlewler usillari shaxsti tárbiyalawi oǵan muwapiq baǵdarlarda tereń, puqta ilimiy bilimlerdi beriw printsipleri, obiektiv hám subiektiv faktorlardi aniqlawshi pedagogikaliq protsesstiń ishki mazmuni, baylanis hám nizamliqlardi arnawli tekseriw hám hám biliw usillari.

Áyne waqitta, Ózbekstan Respublikasinda pedagogikaliq baǵdarda alip barilip atirǵan ilimiy izleniwler sistemali-metodologiyaliq jandasiwǵa tiykarlanadi. Pedagogikaliq hádiyse, waqiya hám olardiń nizamliqlarin aniqlawǵa bunday jandasiw pedagogikaliq hádiyse hám protsesslerdiń uliwma baylanisi, olardiń izshil, úzliksiz rawajlaniwi balaniń fiziologiyaliq rawajlaniwi oniń psixologiyaliq, aqiliy jaqtan rawajlantirilip bariwin táminlew qarama-qarsiliqlardiń shaxs kamalatin támiyinlewdegi orni hám róli, soniń menen, dialektika kategoriyalariniń áhmiyetin bildiredi.

Pedagogikaliq ilimiy izertlewlerdi ámelge asiriw quramali, belgili múddetti talap etiwshi, izshillik, úzliksizlik, sistemaliliq hámde aniq maqset siyaqli ózgesheliklerge iye bolǵan protsess bolip, oniń nátiyjeli boliwi ushin bir qatar shártlerge ámel qiliw záúr. Olar tómendegiler:

1) mashqalaniń aktualliǵi hám temaniń aniq belgilengenligi;

2) ilmiy gipotezalardiń duris qáliplestirilgenligi;

3) waziypalardiń izertlewdiń maqseti tiykarinda duris belgilengenligi;

4) izertlew usillari sistemasina qarata obiektiv jandasiw;

5) tájriybe-sinaw jumislari protsessine shaqiriliwshi respodentlerdiń jas, psixologiyaliq hám shaxsiy ózgeshelikleri, soniń menen, shaxs rawajlaniwshi nizamliqlardiń duris esapqa alinǵanliǵi;

6) izertlew nátiyjelerin aldinan analizlew hám oniń nátiyjelerin aytip ótiw;

7) izertlew nátiyjeleriniń kepillengenligi.

Zamagóy sharayatta, mektepke shekemgi pedagogika baǵdarinda, izertlewlerdi alip bariwda tómendegi usliblardan paydalanbaqta:

1. Pedagogikaliq baqlaw usili.

2. Sáwbet usili.

3. Anketa usili.

4. Intervyu usili.

5. Bilimlendiriw mekemeleri hujjetlerin analiz qiliw usili.

6. Test usili.

7. Pedagogikaliq analiz usili.

8. Balalar dóretiwshiligin úyreniw usili.

9. Pedagogikaliq tájriybe usili.

10. Matematik-statistik usili.

Pedagogi