Tema: Multimedia baylanis tarmaqlarin basqariw Joba

1. Basqariwda xızmet túrleri hám onı shólkemlestiriw tárepleri
Xızmetler klassifikatsiyasınıń principleri. Házirde baylanıs operatorlarınıń xızmetlerin kóbinese bir dárejeli princip boyınsha klassifikatsiyalanadi hám házirde bunday xızmetlerdiń dizimlerin IP, VPN, DSL, telefon baylanısların kóriw múmkin. Xızmetlerdiń anıq bolmaǵan klassifikatsiyasi kommerciya siyasatındaǵı hám marketińdegi mashqalalarǵa alıp keledi, bul jaratılǵan infrastruktura hám kapital ǵárejetler natiyjeliliginde hám múddetlerinde kórinetuǵın boladı.
Sol sebepli baylanıs operatorı xızmetlerin kóp ólshemli strukturanı isletgen halda, klassifikatorlar sistemalarına tıykarlanıp, klassifikatsiyalaw maqsetke muwapıq boladı.
Olardıń túpkiliklileri kereklilik dárejesi boyınsha tómende keltirilgen:
- uzatılıp atırǵan informaciya túri tártibi boyınsha xızmetler klassifikatsiyasi (kontenti);
- klienttiń xızmetke jalǵanıwın támiyinlew usılı boyınsha xızmetlerdiń klassifikatsiyasi;
- klient túri boyınsha xızmet klassifikatsiyasi;
- informaciya almasıw túri boyınsha xızmetler klassifikatsiyasi.
Bunnan tısqarı, joqarıda keltirip ótilgen klassifikatsiyalardan tısqarı, xızmettiń hár bir túri ushın olardı tómendegi belgiler boyınsha bólip shıǵıw múmkin:
- nátiyjeni ámelde qollanıw hám kereklilik dárejesi boyınsha – bazalıq (tiykarǵı ) xızmetler hám qosımsha (qosımshalar qosılǵan xızmetler), bunda kórsetilgen qosımsha xızmetler tek ǵana tiykarǵı xızmetler ámeldegi bolǵanda ǵana ámeldegi boladı ;
- marketiń funktsiyası boyınsha – payda alıw ushın qaratılǵan xızmetler hám klientlerdiń itibarın ózine tartıwǵa qaratılǵan xızmetler (bunda klientlerdi itibarın qaratıw usılı menen klientlerdi xızmetlerden paydalanıwı esabına payda alınadı ).
Uzatılıp atırǵan informaciya túrine qaray xızmetlerdi klassifikatsiyasi tiykarǵı esaplanadı. Biraq klassifikatsiyanıń basqa usılları da kerekli esaplanadı. Sebebi usınılıp atırǵan xızmetlerdiń qásiyetlerin ajıratıp beredi. Bunda ol onıń qollanılıw tarawların anıq kórsetip beredi.