Tema: Multimedia baylanis tarmaqlarin basqariw Joba

Uzatılıp atırǵan maǵlıwmat túrine qaray xızmetler klassifikatsiyasi (Kontent). Bul usıl menen uyqas túrde xızmetler klassifikatsiyası tómendegilerge bólinedi:
- telefon (hám videotelefon) xızmetlerin;
- maǵlıwmat uzatıw xızmetlerin;
- keń esittiriwli xızmetler;
-ajıratılǵan kanallardıń xızmetlerin (uzatılıp atırǵan maǵlıwmatlar túrine ulıwma baylanıslı bolmaǵan xızmetler);
- infrastrukturali xızmetler.
Telefon xızmetlerin degende dawıs uzatıwdı túsiniw múmkin. Bunda aqırǵı paydalanıwshı retinde basqa tap sonday klientler menen ınteraktiv rejimde óz-ara múnásebette bolatuǵın individual klient klientler bolıwı múmkin. Bul xızmetler óz gezeginde belgilengen hám uyalı telefon baylanısı xızmetlerine bóliniwi múmkin. Bunnan tısqarı, házirde bul túrdegi xızmet túrlerinen basqıshpa-basqısh video uzatıw xizmet túri ajralıp shıǵıp atır. Bunda bul xızmetlerdiń tiykarǵı túrlerinen biri bul videokonferents baylanıs esaplanadı. Bálkim waqıt ótiwi menen bul túrdegi xızmet túri sol tárzde rawajlanbaqta, bul bólek xızmet túri retinde ajralıp shıǵıwı múmkin.
Házirde júz berip atırǵan tarmaqlardıń konvergentsiyasi telefon hám basqa túrdegi xızmet túrleri arasındaǵı shegara onsha ajratılmaydı. Biraq házirgi kúnde telefon xızmet túrlerin basqa xızmet túrlerinen ajıratıwımızdıń tiykarǵı sebeplerinen biri, bul abonent tárepinen shaqırılatuǵın mánziller analizi tiykarında kanallardı kommutatsiyasi menen baylanıslı.
Maǵlıwmatlar jetkiziw xızmeti óz gezeginde IP, ATM, FR, X.25 hám basqa sol sıyaqlı xızmetlerge bólinedi. Bular abonentti kommutatsiya menen baylanıstırıp beretuǵın paketler basın analiz qılıw tiykarındaǵı protokollarǵa baylanıslılıǵı menen parıq etedi. Esap kitaplar uzatılatuǵın trafikdan kelip shıqqan túrde, tikkeley bolmaǵan yamasa tikkeley xizmet kórsetiw dárejesi boyınsha muwapıqlıq tiykarında yamasa kanal sıyımlılıǵı jáne onı isletiw waqıtılarǵa baylanıslı uzatılıp atırǵan trafikdan kelip shıqqan túrde ámelge asıriladı. Eger xizmet kórsetiwde kóp protokollı maǵlıwmat uzatıwdan paydalanılǵanda hám tarmaqta kóp túrdegi trafik ámeldegi bolǵanda xızmet túrin anıqlaw ańsat bolmaydı, yaǵnıy olardan ótip atırǵan trafik bólegin belgilew ańsat bolmaydı. Bulardıń IP – paketleri, ATM – yacheykalari, FR hám X. 25 kadrlar tiykarında esaplaw ańsat boladı. Bul esaplawlardıń nátiyjelerin paydalanıwshıǵa isletgen pul kólemi retinde uzatıladı. Kóp protokollı tarmaqta trafiktiń trafikatsiyası ámeldegi bolmaǵan jaǵdayında xızmet túrin ajıratılǵan kanal xızmet túrine kirgiziwimiz múmkin.
Keń esittiriwli xızmetler bir waqıtta kóp sanlı klientlerge maǵlıwmat jetkezip beriwi múmkin. Oǵan birinshi náwbette tele hám radio esittiriwler kiredi. Házirde bul xızmet túrlerin keńeytiw jumısları alıp barılmaqta. Bul say háreketler sebepli ınteraktiv televidine payda boldı.
Ajıratılǵan kanal arqalı maǵlıwmat jetkizip beriw siyasatına iye boladı. Bul siyasatda trafiktiń túri, ma`nisi hám kanaldı isletiw dárejesi esapqa alınbaydı. Hár qıylı tariflarda kanaldıń túri jáne onıń ótkizgishlik qábileti boyınsha ajıratıw múmkin.
Klientlerge maǵlıwmat jetkezilip beriw menen baylanıslı bolmaǵan xızmetlerdi infrastrukturalı xızmetler dep ataw múmkin. Bul xızmet túrlerine misal retinde infrastruktura (apparat yamasa jay) dı kireyge beriwdi hám hár qıylı konsultacion xızmetlerin alıw múmkin. Bunnan tısqarı bir túrdegi jumıs da bolıwı múmkin. Mısalı, basqa operator yamasa korporativ klienttiń telekommunikacion tarmaǵın proektlew yamasa qurıw.