Tema: Muzıka mádeniyatı sabaqlarınıń ózgeshelikleri hám dúzilisi Reje

Muzıka sawatı tómendegi basqıshlar boyınsha úyretiledi.
1. Balalar dıqqatın muzıkanı ańlatıw quralları - nama, registr, temp, ritm, dinamikalıq belgilerdi úyretiw.
2. Dawıs sazlaw hám qosıq jırlaw qaǵıydalarına tiyisli bilimler, shappat hám asbap ásbaplar shertiw qaǵıydalarına ámel etiwge úyretiw.
3. Muzıka dóretiwshileri: «kompozitor», «atqarıwshı», «tıńlawshı» temanıń mazmunı hám úyreniletuǵın miynettiń avtorları haqqındaǵı maǵlıwmatlar, muzıka sawatı arqalı ámelge asırıladı.
Muzıkaǵa say háreketlerdi orınlaw.
Baslawısh klaslarda ritmikalıq háreketlerdi orınlaw, oqıwshılardı fizikalıq rawajlandırıw ushın zárúrli áhmiyetke iye boladı. Baslawısh klass oqıwshıları, dawıs apparatları názik, dıqqat itibarı turaqsız, háreketsheń, oyınǵa berilgen, yadı, sóylewi, tolıq rawajlanbaǵan bolǵanlıǵı sebepli muzıka sabaǵında iskerlik túrleri tez-tez almasıp turıwı kerek. Muzıkaǵa say oyın, oyın háreketlerin orınlaw, oqıwshılardı dıqqatın jıynashda, yadın bekkemlewde hám fizikalıq tásir kósiwge járdem beredi. Sabaq dawamında tómendegi háreket túrlerinen paydalanıw usınıs etiledi: marsh muzıkalarına qádem taslaw, juwırıw, oyın elementlerin orınlaw, biyǵárez oyınlar ótkeriw, muzıkanıń xarakterine say, túrli qol hám dene háreketleri menen túsindiriliwin aytıw kerek, milliy muzıkamız mádeniyatında oyın zárúrli orın tutadı hám oǵan hárbir bala qızıǵadı.
Oyın háreketleri muzıka sabaǵında oqıwshılar aktivlesiwin asıradı. Eń áhmiyetlisi sonda, oyın hám ritmikalıq háreketler jardeminde balalardıń muzıkalıq qızıǵıwı, ritmikalıq sezimi aktiv rawajlanadı. Hár bir háreket túrin oqıtıwshı aldınan belgileydi hám ózi onı anıq, gózzal hám túsinikli etip kórsetip beredi. Hár bir háreketti orınlawdan aldın, oǵan tiyisli muzıkanı mazmunın aldın sanalı túrde tıńlap yamasa atqarıp, keyininen háreketler orınlaw jaqsı nátiyje beredi. Balalar muzıkalı oyınlarǵa da júdá qızıǵadı. Kóp muzıkalıq dóretpeler mazmunında oyın metodlarınan paydalanıw múmkin. Sabaq procesi orınlanǵan hárbir muzıkalıq háreket túri, muzıkalı oyınlar, oqıwshılardıń yadın bekkemleydi, sóylewin ósiredi, fizikalıq tárepten salamat bolıwına kómeklesedi hám olardı ruwxlandırıp, muzıka sabaǵına qızıǵıwshılıǵın asıradı. Sebebi, baslawısh klass oqıwshıların dıqqat itibarın turaqlı dawıs apparatları, kúshsiz, muzıkalıq oqıw qábiletleri tolıq qáliplespegen, háreketsheń, oyınǵa beyim boladı. Bunda sabaqtıń dúzilisi pedagogikalıq maqsetlerge qaray sabaqtı qálelegen sabaq iskerliginen baslaw múmkin. Bunnan maqset, oqıwshılardı muzıkaǵa qızıqtıra alıw, muzıkalıq qábiletlerin ósiriw, sabaq xızmetlerin bir-biri menen bekkem baylanıstırıp mazmun tárepten logikalıq bir pútinlikke erisedi. Solay eken, jańa baǵdarlam mazmunında sabaq ótiw ushın, muzıka oqıtıwshı dóretiwshi bolıwı, muzıkadan zárúr bilimlerge hám de qosıqshılıq ilimiy tájriybelerin iyelewi kerek.