Tema: Quwırshaq-qolǵap Reje

6. Qolǵa kiyip oynatılatuǵın quwırshaqlardı jasaw.
Kerekli úskeneler: quwırshaqtı kiyindiriw ushın material, qayshı, hár qıylı qaǵazlar, juqa marlya, qaǵaz, ılay yaki plastilin, gips, alebastr, vazelin mayı, vatman qaǵaz, karton qaǵaz hám hár kıylı reńli boyawlar.
1-basqısh. Suwret salıw (eskiz).
Bunday quwırshaqlardı jasaw ushın eń dáslep, ápiwayı vatman qaǵaz yaki suwret dápter betlerine jasalatuǵın quwırshaqlardıń suwreti (eskizi) sızıladı. Quwırshaqtıń Kórinisi, onıń xarakteri hám qanday kiyimde bolıwı áne usı reńli suwrette sáwlelengen bolıwı kerek.
2-basqısh. Qálip (forma) tayarlaw.
Sızılǵan suwretke qarap ılaydan hám plastilinnen usı quwırshaqtıń bas bólimi háykeli jasaladı. Bas bólimi tayar bolǵannan keyin, jińishke polat sım alıp qulaq ornatılatuǵın jerinen teń ekige bólinedi hám qattı karton qaǵaz alıp oǵan jatqızıp qoyıladı. Soń eritpe jabısıp qalmawı ushın haykelsheniń bet bólimin vazelin menen maylap shıǵıladı hám alebastr yaki gipsten suyıq eritpe tayarlanıp maylanǵan jerge qoyıladı. Eritpe qatqannan soń onı qolǵa alıp ishindegi ılay yaki plastilindi oyıp shıǵarıp alınadı. Nátiyjede qálip (forma) tayar boladı.
3-basqısh. Kopiya Kóshiriw.
Jasalǵan qálipten kopiya Kóshiriw ushın eń dáslep, ápiwayı suwǵa bóktirilgen qaǵaz bólekleri jabıstırıp shıǵıladı. Sebebi kopiya tayar bolgannan keyin onı qálipten shıǵarıp alıw ańsat boladı. Ápiwayı onnan suwıq massa islenip, qoyıwlasqansha qaynatıladı. Usı tárizde kleyster tayalanadı.
Tayar kleyster qaǵaz bóleklerine surtip, onı qálip diywallarına jabıstırıp shıǵıladı. Jabıstırılǵan qabatlar 6-8 qabattan kem bolmawı lazım. Qabat qanshelli Kóp bolsa quwırshaq sonshelli jaqsı boladı. Jáne hám jaqsı bolıwı ushın hár 3 qabat artasına marlya xám jabıstırıladı. Qabatlardı jabıstırıp atırǵanda asıqpay jaqsılap jabıstırıw zárur. Egerde aralıqqa hawa kirip boslıq payda bolsa, quwırshaq sıpatsız shıǵadı.
Qabatlardı qálipke jabıstırıp bolǵannan keyin, onı qurıtıw ushın ıssı jerge qoyıladı hám qurıp bolǵannan keyin tayar bolǵan kopiyanı áste-aqırınlıq penen qáliptiń ishinen shıǵarıp alınadı.