Tema. Sociabekonomikaliq sistemalar hám menshik qatnasiqlari

3-tema. Sociabekonomikaliq sistemalar hám menshik qatnasiqlari
1.Social-ekonomikalιq sistemalar haqqιnda túsinik. Social- ekonomikaliq sistemalardiń belgileri hám túrleri

2. 
   .Menshik qatnasiqlarinm mánisi. Menshik formalari hám túrleri
   
3. 
   .Menshiklestiriw hám múlkti mámleket iyeliginen bólip aliwdiń maqseti hám oniń Ózbekistandagi ózgeshelikleri
   

Social-ekonomikaliq sistema - bul ekonomikaliq rawajlamwdiń
uliwmaliq shárti.
Sistemalar bahalanganda túrli teoriyaliq agimlar oniń basli ólshemine túrlishe qatnas jasaydi. Olardan biri basli ólshem Sipatinda jámiyetlik-klassliq ózgesheliklerdi alsa, basqasi texnologiyaliq dárejesini yamasa tirishilik ónimlerin dóretiw usillarin, jáne basqasi basqariwdiń túrlishe boliwin tiykar etip aladi. Biraq kópshilik teoriyalarda sistemaniń belgilerine kompleks (bir pútinlikte) qaraw zárúrligi, biraq bul belgiler túrlishe boliwi keltiriledi. Joqarida keltirilip ótilgen belgiler tiykarinda aniq sistemalar bahalanganda olar úsh tipke ajiratiladi. Bul dástúriy sistema, bazar sistemasi hám totalitar- jobali sistema. Bulardiń arasinda birinshi bolip qáliplesken, eń áyyemgi sistema - bul dástúriy sistema.
Dástúriy sistema. Ìnsanniń ekonomikaliq xizmeti dáslep mine usi sistemada júz bergen. Oniń belgileri sarqit sipatinda uzaq saqlanip kelindi, hátteki házir de arasinda ushirasip turadi. Dástúriy sistema húkimlik etken dáwir ogada uzaq dáwir esaplanadi.
Dástúriy ekonomika - bul ogada tómen (hálsiz) óndiris faktorlarina tiykarlangan, kem ónimli natural óndiriske, dástúrler formasina kirgen social-ekonomikaliq qatnasiqlarga tiykarlangan ekonomika.
Dástúriy sistema óndiris faktorlariniń hálsizligi, ekonomikada tábiyiy resurslardiń birinshi dárejeli boliwi menen ajiralip turadi. Óndiris xizmeti tábiyattan tártipsiz hám hátteki jabayilarsha paydalaniwga tiykarlanadi.