Тема. Xizmet hám motivaciya (2s.). Joba

Motivaciya – insannıń minez – qulqı, onıń baylanısı, baǵdarlanıwı hám aktivligin túsindirip beriwshi sebepler jıyındısınan ibarat.
SHaxstıń adamlar arasındaǵı minez – qulqı hám ózin tutıwı sebeplerin úyreniw tárbiyalıq áhmiyetke iye bolıp, máseleni ashıp beriwdiń eki tárepi ózgeshelenedi.
1. Ishki sebepler, is – háreket iyesiniń subektiv psixologiyalıq ózgeshelikleri názerde tutıladı.
2. Sırtqı sebepler, xızmettiń sırtqı sharayatlardı hám jaǵdaylardıń kelip shıǵıwına sebep bolatuǵın sırtqı stimullar.
Insan xızmetiniń nátiyjeliligin asırıw haqqındaǵı psixologiyalıq usıldı L. Slavina óz tájiriybesi menen dáliyllep berdi. Alımnıń aytıwına qaraǵanda minez – qulıq belgili maqsetke boysındırılıwı kishi mektep jasınan baslap ámelge asırılıp barılsa, bul basqıshta ıqtıyarlı minez – qulıq qáliplesiwiniń baslanıw dáwiri esaplanadı.
Hár qanday xızmet belgili motivler tásirinde payda boladı hám jeterli sharayatlar jaratılǵanda ǵana ámelge asadı. Sonıń ushın da oqıw procesinde ózlestiriw, iyelew hám úyreniwdi ámelge asırıwdı támiyinlew ushın oqıwshılarda oqıw motivleri payda bolıwı shárt.