Тема. Xizmet hám motivaciya (2s.). Joba

ТЕМА. XIZMET HÁM MOTIVACIYA (2s.)
.
Joba:

1. Xızmet psixologiyası haqqında túsinik.

2. Xızmettiń interiorizaciyası hám eksteriorizaciyası.
3. Kónlikpe, tájiriybe hám xızmet túrleri.
4. Motiv hám motivaciya.

Adam aktivligi «háreket», «iskerlik», «minez – qulıq» túsinikleri menen tıǵız baylnıslı bolıp shaxs hám onıń sanası menen tıǵız hárekette boladı.

Xızmet – insanǵa ǵana tiyisli bolıp, sana menen basqarılatuǵın zárúrlikler tiykarında payda bolatuǵın hám sırtqı álem menen adamnıń ózin – ózi biliwge, onı qayta qurıwǵa qaratılǵan aktivligi. Insan óz zárúrliklerin qanaatlandırıw ushın aktivlik kórsetedi. Adamda tábiyiy zárúrlikleri esaplanǵan awqatlanıw hám adamzat tárepinen islep shıǵılǵan sociallıq tájiriybe tiykarında qanaatlandırıladı. Mısalı, bala stulǵa otırǵannan baslap qasıqtı aladı, ol awqatlanıw zárúrligin qanaatlandıra baslaydı. Awqattı qasıqsızda jewi múmkin biraq oǵan qasıq penen jewdi anası úyretedi. Tárbiya bala xızmetiniń qáliplesiwinde úlken rol oynaydı hám zárúrliklerin qanaatlandırıwda aktivlik kórsete baslaydı.
Adamnıń zárúrliklerin qanaatlandırıwǵa qaratılǵan aktiv háreketler xızmet dep ataladı. Haywanlar tárepinen ámelge asırılatuǵın háreketlerdi xızmet dep bolmaydı, insan xızmetiniń haywanlardan parqı sonda, haywan tábiyatqa boysınadı, insan bolsa óz zárúrliklerin qanaatlandırıw ushın óz xızmeti procesinde dógerek – átiraptı, barlıqtı aktiv túrde ózgertedi. Adamnıń sociallıq hám sanalı xarakterge iye bolıw xızmeti nátiyjesinde qanday da bir ónim jaratıladı. Bul bolsa, insan sanasınıń qay dárejede rawajlanǵanlıǵın kórsetedi.
Sana hám xızmettiń birligi dep atalǵan psixologiyanıń principine tiykarlanıp sana xızmet dawamında payda boladı, qáliplesedi hám kórinedi. Psixikanı sáwlelendiriw procesi sıpatında túsiniw onıń ekilemshi xarakterin yamasa obektiv waqıyalıqtıń obrazı ekenligin bildiredi.
2. Xızmettiń interiorizaciyası hám eksteriorizaciyası. Insan miyiniń haywanlar miyinen parqı waqıyalıqtı sáwlelendiredi hám keleshekti kóre aladı. Sırtqı dúnyadaǵı hádiyseler bir – birine baylanıslı, olar belgili sharayatda bekkem ózgeshelik hám dúziliske iye. Sırtqı real jumıstan ishki ideal jumısqa ótiw procesi interiorizaciya (ishki jumısqa aylanıw) dep ataladı. Insan xızmetinde shaxstıń sırtqı (fizikalıq) ishki (psixikalıq) tárepleri bir – birine júdá baylanıslı. Adam xızmetiniń ishki tárepi álemge tásir kórsetedi. Bunday háreketler motiv, biliw hám basqarıw sıyaqlı ishki xızmet arqalı anıqlanadı. Ishki xızmet sırtqı tárepten basqarıladı.