Тема. Xizmet hám motivaciya (2s.). Joba

Interiorizaciya – sırtqı predmetli háreketlerdiń ishki aqılıy ámellerge aylanıw procesi.
Eksteriorizaciya ishki psixikalıq xızmettiń sırtqı, predmetli xızmetine, janlı háreketke aylandırıw. SHaxs xızmetiniń sırtqı hám ishki sisteması bir – biri menen baylanıslı. Insan xızmetiniń sırtqı kórinisi onıń dógerek – átirapqa tásir kórsetiwine gózlengen háreketler psixikalıq qásiyetke iye boladı. Olardı motivlestiredi, biliwge baǵdarlaydı. Psixikalıq xızmet zatlar hám processler ózgesheliklerin ózinde kórsetedi. Olardı maqsetke muwapıq túrde qayta – qayta ózlestiriwin ámelge asıradı. Olardı úzliksiz túrde baǵdarlap qadaǵalap turadı. Usıǵan tiykarlana otırıp sırtqı, jeke xızmetti hám ishki xızmetti eksteriorizaciyalawshı dep aytıw maqsetke muwapıq boladı.
3. Kónlikpe, tájiriybe hám xızmet túrleri. Erkli aktivlik adamlardıń xızmetlerinde hár qıylı sıpatlardı payda etedi. Insan xızmeti adamlarǵa tán bolǵan hár qıylı zárúrlikler tiykarında júzege keledi. Xızmettiń ózi zárúrliklerdi qanaatlandıra alatuǵın jol hám qurallardı izlew hám sonıń menen birge, zárúrlikti qanaatlandıratuǵın háreketlerden ibarat boladı. Xızmettiń tiykarǵı túrleri – oyın, oqıw, hám miynet bolıp, adamda tiyisli kónlikpe hám tájiriybeler menen ámelge asırıladı.
Kónlikpe – aqılıy hám fizikalıq háreketler, usıllar hám jol – jobalardan ibarat, olardıń járdemi menen qanday da bir maqsetke erisiledi yamasa qanday da bir xızmet ámelge asırıladı. Mısalı, háriplerdi jazıw, kóbeytiw hám bóliw usılları, shókkishti uslaw yamasa shegeni qaǵıw hám t. b.
Kónlikpeni bilim menen aralastırıwǵa bolmaydı. Hár qanday kónlikpe bilim bolıwın talap etedi. Mısalı, tariyx, ana tili, ádebiyat hám t. b. Bilimler tiykarınan, waqıyalıq haqqında sáwlelendiriletuǵın húkim hám múnásibetlerde kórinedi. Al kónlikpeler kóbirek aqılıy yamasa fizikalıq háreketlerdi sáwlelendiredi. Kónlikpeler aldınnan belgilengen maqsetke say bolıwı, ayırım háreketlerdiń tolıq, anıq bolıwın talap etedi. Kónlikpe qanday dárejede ekenligin bir – birinen parqın biliw kerek. Sonıń ushın da kónlikpe tek bilim talap etip qoymastan, bálkim, qanday da bir maqsetti ámelge asıratuǵın óz – ara say háreketlerde de sáwlelenedi. Oqıwshılar kónlikpe menen baylanıslı bolmaǵan bilimlerge iye bolıwı múmkin. Mısalı, oqıwshı orfografiya qaǵıydaların bilgeni menen sawatlı jaza almawı múmkin. Kónlikpeler ámeliy xızmetke, bilimlerdi ámelde qollana alıwǵa baylanıslı.
Adam ómirinde kónlikpelerdiń barlıǵı tájiriybeler túrinde payda boladı. Hár qanday tájiriybe kónlikpe esaplanadı. Biraq hár qanday kónlikpeni tájiriybe dep bolmaydı. Tek avtomatlasqan kónlikpe ǵana tájiriybe dep ataladı. Tájiriybeler ádette, sanalı xızmetten, miynet xızmetinen ajıralǵan halda payda bolmaydı.