Термиз-2017 шарафутдинова хадичахон

10-машғулот. 
«Муқобил далиллар»
Мақсад: Инсоннинг ўзини намоён этиш шароитларини яратиш, ўзига
бўлган ишончни шакллантириш. 
Иштирокчилар доира бўлиб ўтирадилар. Ҳар бир гуруҳ аъзоси ўзидан 
қониқмаган бўш жиҳатларини айтиб беради. Қолган аъзолар унинг бу жиҳати 
маълум вазиятларда ижобий фазилат эканлигини тушунтиришга ҳаракат 
қиладилар. Бунда ҳар бир иштирокчи бир-бирини такрорламаган ҳолда ушбу 
ҳолатнинг бирон бир ижобий тарафини санайди. 
11-машғулот.
«Ўзига ўзи хат ёзиш »
Мақсад: Ўзини-ўзини конструктив баҳолашни шакллантириш, ўзига 
адекват муносабатни таркиб топтириш. 
Иштирокчи ўзига-ўзи хат ёзади. Унда ўзидаги мавжуд ижобий 
хислатларни, ўзидаги ноёб фазилатларни акс эттириши лозим. Ҳар бир 
иштирокчи гуруҳ аъзоларига ўзининг хатини ўқиб эшиттиради. Гуруҳ аъзолари 
бунда бир-бирларининг фикрларини эътирозсиз қабул қилишлари ва бир- 
бирларининг ижобий фазилатларини қўллаб-қувватлашлари лозим. Сўнг 
гуруҳий муҳокама бўлиб ўтади. 
12-машғулот. 
«Ролли ўйинлар баҳси »
Мақсад: Мулоқотмандлик установкаларини таркиб топтириш, ўз ҳолатини 
бошқариш кўникмаларини шакллантириш. 

---

70 
Иштирокчилар уч гуруҳга бўлиниб: 
1) Мен доимо сенга ачинаман. Ушбу ҳисдан қандай қутулсам экан? 
2) Ўзимдан-ўзим нафратланаман. Нима қилсам экан? 
3) Менда кўпинча, айниқса, ҳозир тушкунлик ҳолати хукмронлик қилади. 
Уни қандай ўзгартирсам экан? - деган саволларга жавоб излайдилар. 
Сўнг гуруҳий мушоҳада давом этади. 
13-машғулот. 
«Ўзимнинг афзаллик декларациям»
Мақсад: Ўзида ижобий установкаларни шакллантириш, ҳаётий қувватни 
ошириш. 
Барча гуруҳ аъзоларига бир варақдан қоғоз тарқатилади. Ҳар бир 
иштирокчи унга ўзининг декларациясини тузиши лозим. Бунда қатнашчилар 10 
дақиқа вақт ичида ўзларининг бошқалардан фарқ қилувчи хислатларини 
ёзишлари лозим. Вақт тугагач, иштирокчилар ўзгалардан фарқ қилувчи 
афзалликлари 
битилган 
декларацияни 
овозларини 
чиқариб 
ўқиб 
эшиттирадилар. Сўнгра гуруҳ аъзоларининг ҳар бири «Мен- бу мен», «Мен- 
ажойибман» - деган сўзларни баланд овозда қайтарадилар.