Tibbiyot xodimlari kasbiy malakasini rivojlantirish markazi gigiyena va radiatsion xavfsizlik kafedrasi mavzu: aholi yashash joylarida fizikaviy faktorlarni monitoring qilish

Shovqin vibratsiya va elektomagnitdan himoyalanish vositalari va usullari.
Shovqindan himoyalash vositalari va usullari. Shovqindan himoyalash usullari turlicha bo`lib, u birinchi navbatda shovqin manbasiga hamda shovqin darajasiga bog’liq holda tanlanadi. SHovqinni inson sog’ligiga va ish qobiliyatiga salbiy ta’sirini bir usul orqali bartaraf etish mushkul bo`lganligi sababli, amalda kompleks usullardan foydalaniladi. Bunday kompleks usul o`z ichiga quyidagi tadbirlarni birlashtiradi:
-shovqinni uning manbasida kamaytirish;
-shovqinning tarqalish yo`nalishini o`zgartirish;
-binoning akustik holatini yaxshilash;
-ishlab chiqarish binolari va uchastkalarini joylashishini oqilona rejalashtirish;
-shovqinni tarqalish yo`lida kamaytirish.
Ushbu usullar ichida shovqinni uning manbaida kamaytirish eng samarali yo`l hisoblanadi. Shovqinning kelib chiqishiga asosiy sabab mashina va mexanizm yoki uning ayrim qismlari harakati natijasida havoda elastik to`lqinlar harakatini vujudga keltiradi. Bunday to`lqinlarning hosil bo`lishiga olib keladigan harakatlanuvchi qismlarni o`z navbatida mexanik, aerodinamik, gidrodinamik va elektrodinamik turlarga bo`lib qarash maqsadga muvofiqdir.
AHOLI YASHASH JOYLARIDA FIZIKAVIY FAKTORLARNI MONITORING QILISH (SHOVQIN, VIBRATSIYA, ELEKTROMAGNIT) YUZASIDAN OLIB BORILGAN TADQIQOTLAR VA NATIJALARI.
Shovqin, tebranish va ultratovush o‘zining fizikaviy tabiati bo‘yicha qattiq jismlar, gazlar va suyuqliklarning mexanik tebranishlaridir. Keyingi o‘n yillikda ishlaydiganlarga ham va aholining boshqa tabaqalariga ham ularning zararli ta’sir etish imkoniyatlari keskin ortdi. Buning sababi texnika progressining ishlab chiqarish protsesslarini mexanizatsiyalashga, asbob – uskunalar quvvatining va qo‘zg‘alish tezligining ortishiga, transportga, mexanik tebranishlarning ancha intensiv yuzaga kelishi bilan kuzatiladigan yangi texnologik usullarni joriy etishga asoslangan.
Shovqinning eshitish a’zosiga zararli ta’siri qadimdan ma’lum; keyingi vaqtlarda uning organizmga ta’siri har tomonlama o‘rganilmoqda. Mashhur gigiyenist prof. Ye. S. Andreyeva – Galanina tomonidan “shovqin kasalligining” alohida nozologik shaklini ajaratish taklif etilgan. 40-50 yillarda tebranish ta’siri natijasida rivojlanadigan kasallik uning tomonidan batafsil o‘rganilgan va uni tebranish kasalligi bilan yuzaga keladigan simptomokopleks deb atash taklif etilgan.
Muhit fizikaviy omillarining, ayniqsa shovqinni ishchilar va butun aholi sog‘lig‘iga zararli ta’sirining olidini olish hozirgi vaqtda ulkanijtimoiy muammodir.
XULOSA
Xulosa qilib aytganda, inson hayot faoliyati jarayonida nafaqat tabiiy muhit bilan balki, ijtimoiy muhit deb ataluvchi odamlar ommasi bilan ham uzluksiz aloqada bo`ladi. Insonni ijtimoiy muhit bilan aloqasi tug’ilishni davom ettirishda, bilim va tajribalar almashishda, ma`naviy ehtiyojlarini qondirishda, intellektual qobiliyatlarni oshirishda foydalaniladi va shakllanadi.
Zamonaviy industrial jamiyatda inson atrof-muhit komponentlari (biosfera, texnosfera va ijtimoiy muhit) bilan o`zaro ta`sirda bo`ladi. Ya`ni, inson tabiiy atrof-muhitga uzluksiz ta`sir etsa, o`z navbatida biosfera va insonning ehtiyojlaridan kelib chiqib uning uzluksiz jismoniy va aqliy faoliyatining mahsuli bo`lgan texnosfera va ijtimoiy muhit ham insonga to`g’ridan to`g’ri yoki sirtdan doimiy ta`sir etadi. Yuqorida qayd etilganlar asosida quyidagicha xulosa chiqarish mumkin:
1. Zamonaviy inson uni o`rab turgan atrof-muhitning tashkil etuvchilari ya`ni, tabiiy, texnogen (texnosfera) va ijtimoiy muhit bilan uzluksiz o`zaro ta`sirda bo`ladi;
2. XIX asr oxiridan boshlab XX asr davomida va hozirgi davrda ham texnosfera va ijtimoiy muhit uzluksiz rivojlanmoqda, bunga ushbu sohada inson faoliyati orqali o`zlashtirilgan ulushlarni oshib borayotganligi isbotdir;
3. Texnosferani rivojlanishi tabiiy muhitni o`zgartirish hisobiga amalga oshmoqda.