Тилига кириш услубий қўлланма

Мантиқий қўшиш оператори

Мантиқий қўшиш оператори ҳам иккита ифода орқали ҳисобланади. Агарда улардан бирортаси рост бўлса мантиқий қўшиш оператори true қиймат қайтаради. Агарда сизда пул ЁКИ кредит карточкаси бўлса, сиз счётни тўлай оласиз. Бу ҳолда иккита шартнинг бирданига бажарилиши: пулга ҳам ва кредит карточкасига ҳам эга бўлишингиз шарт эмас. Сизга улардан бирини бажарилиши етарли. Бу операторга оид яна бир мисолни қараймиз. Масалан,
if(x==5)||(y==5)
ифодаси ёки х ўзгарувчи қиймати, ёки у ўзгарувчи қиймати, ёки иккала ўзгарувчининг қиймати ҳам 5 га тенг бўлса рост қиймат қайтаради.

Мантиқий инкор оператори

Мантиқий инкор оператори текширилаётган ифода ёлғон бўлса true қиймат қайтаради. Агарда текширилаётган ифода рост бўлса инкор оператори false қиймат қайтаради. Масалан,
(if!(x==5))

ифодасининг қиймати, агарда х ўзгарувчиси 5 га тенг бўлмаса true қиймат қайтаради. Бу ифодани бошқача ҳам ёзиш мумкин:

if(x!=5)
САВОЛЛАР

1. 
   Ифода нима?
   
2. 
   x=5+7 ёзуви ифода бўла оладими? Унинг қиймати нечага тенг?
   
3. 
   201/4 ифоданинг қиймати нечага тенг?
   
4. 
   201%4 ифода қиймати нечага тенг?
   
5. 
   Агарда MyAge, а ва в ўзгарувчиларининг типлари int бўлса уларнинг қийматлари қуйидаги ифодалар бажарилгандан сўнг нечага тенг бўлади.
   

MyAge = 39;
a=MyAge++
b=++MyAge

6. 
   If(х = 3) ва if(x = =3) ифодаларнинг фарқи нимадан иборат?
   

ТАЯНЧ ИБОРАЛАР

Ифода, операция, операнд, оператор, инкремент, декремент, префикс, постфикс, операторлар приоритети, if оператори, мантиқий операторлар

АДАБИЁТЛАР

1. Жесс Либерти, “Освой самостоятельно С++ за 21 день”, Санкт Петербург 2000, 815 с.

Функциялар.

Объектларга мўлжалланган дастурлашда асосий эътибор функцияга эмас, балки объектга қаратилган бўлсада дастурларда функция марказий компонентлигича қолди. Биз ушбу мавзуда қуйидагилар билан танишамиз:

• 
  Функция нима ва у қандай қисмлардан иборат?
  
• 
  Функция қандай эълон қилинади ва аниқланади?
  
• 
  Функцияга қандай қилиб параметрлар узатилади?
  
• 
  Функция қандай қиймат қайтаради?