Toshkent davlat iqtisodiyot universiteti magistratura bulimi

TADQIQOT METODOLOGIYASI
Tadqiqot jarayonida abstrakt-mantiqiy fikrlash, guruhlash, ekspert baholash,
induktsiya va deduktsiya, taqqoslash, tizimli tahlil usullaridan foydalanilgan.
TAHLIL VA NATIJALAR
Bugungi kunda tijorat banklari faoliyatida qo‘llanilib kelayotgan depozit
siyosatining tarkibiy tuzilmasi strategik maqsadlarni amalga oshirish uchun
mo‘ljallangan hujjat sifatida emas, balki O‘zbekiston Respublikasi Markaziy
bankining tijorat banklarida depozit operatsiyalarini amalga oshirish bo‘yicha tegishli
yo‘riqnomasining minimal o‘zgartirishlar kiritilgan nusxasi tarzida tasniflanishi
mumkin (1–jadvalga qaralsin). Bu esa depozit siyosati va strategik maqsadlar
o‘rtasidagi aloqadorlikni ta’minlashga salbiy ta’sir o‘tkazmoqda. Shu bilan bir
qatorda siyosatni amalga oshiruvchilarda (ayniqsa bank filiallari va xizmat ko‘rsatish
markazlari xodimlarida) strategik vazifalarni tushunmaslik holatini yuzaga
keltirmoqda. Ushbu vaziyat depozit siyosatini amalga oshirishda ko‘plab xatoliklar,
anglashilmovchilikni yuzaga keltirishi mumkin.