Тошкент молия институти

Солиқ ҳисоботларини 
тақдим этиш ва солиқни 
бюджетга тўлаш 
муддатлари

---

76 
15-кунида йилнинг чораги бўйича фойда солиғи суммасининг учдан бир 
қисми миқдорида тўлайди.
Юридик шахслар аванс тўловлар суммасини ҳисоблаб чиқариш учун 
йилнинг жорий чораги биринчи ойининг 5-кунигача солиқ рўйхатдан ўтган 
жойдаги солиқ органига йилнинг тегишли чорагида тахмин қилинаётган 
фойда ҳамда белгиланган фойда солиғи ставкаси асосида маълумотнома (2-
илова) тақдим этадилар.
Жорий тўловлар белгиланган муддатларгача бюджетга тўланмаса уларга 
нисбатан солиқ қонунчилигида кўзда тутилган ҳар бир кечиктирилган кун 
учун ҳисобланган солиқ суммасига нисбатан 0,05 фоиз миқдорида пеня 
(молиявий жарима) қўлланилади. 
Тахмин қилинаётган солиқ солинадиган фойдадан келиб чиққан ҳолда 
ҳисоблаб чиқарилган юридик шахслардан олинадиган фойда солиғи суммаси 
ҳисобот даври учун бюджетга тўланиши лозим бўлган фойда солиғи 
суммасига нисбатан 10 фоиздан кўпроқ камайтирилган таҳдирда, давлат 
солиқ хизмати органи жорий тўловларни фойда солиғининг хақиқий 
суммасидан келиб чиқиб пеня (0.05 фоиз) ҳисоблаган ҳолда қайта ҳисоблаб 
чиқади. 
Ҳисобот даврида товарлар (ишлар, хизматлар)ни сотишдан олган фойда 
200 каррали минимал иш ҳақидан кам бўлган корхоналар чоракда бир марта 
солиқ тўлайдилар. Улар аванс (жорий) тўловларни тўламайдилар. Аввалги 
чоракларда тўлаган солиқлари эса ҳисобга олиб борилади. 
Солиқ тўловчилар биринчи чорак, ярим йил ва йил ўтиши билан йил 
бошидан ҳисобланган якун билан солиқни ҳақиқий олинган фойдадан келиб 
чиқиб фойдага солиқни мустақил ўзлари ҳисоблаб чиқадилар. Йил 
мобайнида тўлаган солиқлари ҳисобот йилида ҳисобланган солиқ
суммасидан ҳисобга олинади.
Ҳақиқий олинган фойдага қараб ҳисобланган солиқ суммаси (фарқи) 
бюджетга чораклик ва йиллик молия ҳисоботи топшириш мўлжалланган 
кунгача тўланади. 
Ортиқча тўланган солиқ суммаси келгуси тўловларга ўтказилади ёки 
солиқ тўловчига бошқа солиқлар ва бошқа мажбурий тўловлардан қарзи 
бўлмаса ундан ёзма ариза олган кундан бошлаб 30 кун ичида корхонага 
қайтарилади. 
Фойдадан солиқни ҳисоблаш ва бюджетга ўтказиш жавобгарлиги 
фойдаларидан солиқ тўлашни амалга оширувчи юридик шахслар зиммасига 
тушади.
Дивиденд ва фоизлар тўловчи юридик шахслар қўйидаги шаклда (3.1.2-
жадвал) солиқ ҳисобини топширадилар ва тўлов амалга оширилган ойдан 
кейинги ойнинг 5 куни ичида солиқ суммасини бюджетга ўтказади. 

---

77