Toshkent tibbiyot akademiyasi urganch filiali

Касбий таълимнинг тамойиллари

Таълим усулларини танлаш боғлиқ: дарсда кўзда тутилган ўқув мақсадларига, қўрганиладиган фаннинг мазмуни ва дарснинг конкрет материалига, талабаларнинг илгариги тайёргарлик даражасига ва шахсий тажрибасига боғлиқ. Агар янги материал талабаларга бутунлай нотаниш бўлса, ўқитувчи буни кўрсатмали қуроллар ва тажрибаларни кўрсатиш билан қўшиб ўзи баён қилади. Маълум бир ўқитиш усулини танлаш асбоб-ускуналар, кўрсатмали қуроллар ва ўқув жараёнининг нормал ўтишини таъминлайдиган бошқа шарт-шароитларнинг борлигига, шунингдек, ўқитувчининг тажрибаси, иш услуби ва шахсий сифатларига боғлиқ. Ўқитувчининг вазифаси-бу шарт-шароитларни яхшилаш ҳамда ўзининг педагогик маҳоратини доимо такомиллаштириб боришдан иборат

Касб таълими усуллари
Ўқитишда талабанинг ҳаракатлари характеристикасига кўра фаолва суст усуллардан иборат. Ўқув ишининг турларига қараб: билимларни ўзлаштиришнинг дастлабки усули; билимларни такомиллаштириш усули; билимларни текшириб кўриш ва баҳолаш усули; Билим манбаларига қараб: оғзаки усуллар;кўргазмали усуллар; амалий усуллар.
Фаол ўқитиш усуллари
Ўқитишда энг самарали усулларидан бири муаммоли ўқитишдир. Муаммоли ўқитиш деганда машғулотларда педагог томонидан яратиладиган вазиятлар ва талабаларнинг уларни ечишга қаратилган фаол, мустақил фаолияти тушунилади. Модулли ўқитишда, ўқув дастурларини тўла, қисқартирилган ва чуқурлаштирилган табақалаш орқали ўқитиш имконияти яратилади. Яъни, ўқитишни индивидуаллаштириш мумкин бўлади у талабаларнинг билим олиш имкониятларини ва ижодий қобилиятларини ривожлантириш тизимига мослашгандир. Дастурлаштирилган ўқитиш - бу дастурлаштирилган ўқув материалининг ўқитувчи (компьютерлар, электрон дарслик , кинотринажер ва бошқалар) ёрдамида бошқарадиган ўзлаштиришдир. Дастурлаштирилган ўқитишнинг асосий афзалликларида бири доимо ўз-ўзини назорат қилиш ва талабаларнинг материал устида ишлаш жараёнида уларнинг билим, кўникма ва малакаларни ўзлаштиришлари устидан назорат қилишдир. Талабалар ўз-ўзларини назорат қилишлари бажарилган жараён натижаларини намуна билан солиштириб кўриш орқали амалга оширилади; намуна эса дастурнинг ҳар бир қадамдаги ички тескари алоқа материалларида келтирилади. Мотивация усулида дарс қизиқарли, ҳаттоки, дарсга тааллуқли бўлмаган мавзулар тўғрисидаги сухбат бўлади.