Toshkent viloyati ekologiya va atrof muhitni muhofaza qilish boshqarmasi

O’ZBEKISTON RESPUBLIKASI NOMIDAN HAL QILUV 
QARORI 
 
 
01.05.2023-yil 1-1201-1132/312 Toshkent viloyati 
 
Toshkent viloyati Nurafshon tumanlararo ma’muriy sudining ochiq sud majlisi o’z 
binosida bo’lib, raislik qiluvchi sudya D.Choriyev, sudya yordamchisi 
N.O’razovning kotibligida taraflardan javobgar Toshkent viloyati ekologiya va 
atrof muhitni muhofaza qilish boshqarmasi, arizachi “LIFE” MCHJ va ularning 
vakillari ishtirokida. 
Arizachi “LIFE” MCHJ javobgar Toshkent viloyati ekologiya va atrof muhitni 
muhofaza qilish boshqarmasining 2021-yil 13-mart sanasidagi 541-sonli qarorini 
haqiqiy emas deb topish haqidagi shikoyat yuzasidan to’plangan 1-1201-1132/312 
sonli ma’muriy ishni ko’rib, quyidagilar
ANIQLANDI: 
Arizachi “LIFE” MCHJ javobgar Toshkent viloyati ekologiya va atrof muhitni 
muhofaza qilish boshqarmasining 2021-yil 13-mart sanasidagi 541-sonli qarorini 
haqiqiy emas deb topishni so’ragan. 
Javobgar Toshkent viloyati ekologiya va atrof muhitni muhofaza qilish 
boshqarmasi qabul qilgan 541-sonli qarori yuzasidan tushuntirish berdi. Unga 
ko’ra Ohangaron tumanida shu kungacha har turdagi mebel mahsulotlarini ishlab 
chiqarish bilan shug’ullanib kelayotgan, ishda arizachi bo’lib ishtirok 
etayotgan“LIFE” MCHJning faoliyatini 15 kunga to’xtatib turish haqidagi 2021-yil 
13-martdagi 541-sonli qarorini qabul qilgan. Javobgar Toshkent viloyati ekologiya 
va atrof muhitni muhofaza qilish boshqarmasi mazkur ishini izohlashda so’ngi 
paytlarda ishlab chiqarish hajmi keskin darajada oshganligi tufayli arizachi “LIFE” 
MCHJ tomonidan kanalga chiqaradigan(tashlanadigan) turli xildagi 
chiqindilarining hajmi ham keskin ravishda o’sganligini asos sifatida keltirgan. 
Bunday turdagi chiqindilar atrof muhitga jiddiy zarar yetkazayotganligi, 
nochuchuk bo’lgan kanal suvi ifloslanayotganligi, uning oqibatida hayvonlar 
orasida kasallanish soni ortayotganligini vaj qilib keltirdi. Undan tashqari oxirgi 
paytda hududda kuzatilayotgan kuchli yog’ingarchilik sababli suv sathi 
ko’tarilganligi va ifloslangan kanal suvi toshib, atrofga tarqalishi oqibatida yuzaga 
keladigan atrof muhitning chiqindilar bilan ifloslanishini oldini olish maqsadida 
ma’lum muddat(yog’ingarchilik kamaygunigacha) “LIFE” MCHJ faoliyatini 15 
kunga to’xtatish to’g’risidagi 541-sonli qarorini qabul qilinganligi ma’lum bo’ldi.