Tárbiya isleri metodıkası pán sıpatında. Tárbiya social tariyxiy process

Test, anketalar metodı.
Pedagogikalıq ilimiy izretlew usılları ishinde jetekshi usıl anketa hám test sorawlarınan . Anketa ( fransuzsha sóz bolıp tekseriw degen mánisti bildiredi ) metodın paydalanģanda oqıwshılardıń jeke yamasa topar pikirlerin, kóz qarasların, qanday kásipke qızıģıwın keleshektegi arzıw niyetleri hám tiyisli juwmaqlar shıģarıw maqsetinde ótkeriledi.
Respublikamizda Oraylıq Aziyada birinshi bolıp test metodın mektep, joqarı hám arnawlı tálim sistemasına kirgiziwden maqset az waqıt ishinde oqıwshılardıń bilimin tekserip bahalaw bolıp tabıladı.
Mektep hújjetlerin analizlew metodı.
Respublikamızdıń basqarıw táliminıń xalıq táliminde qabıl etken nızamlar tıykarında mektepte islenip atırģan tálim tárbiya islerine júrgizilip atırģan hújjetler arqalı anıqlaw usılı úlken áhimeyetke iye.
Mektep hújjetlerin tekseriw arqalı muģallimler hám oqıwshılar jámiyeti olardıń pedagogikalıq xizmeti haqqında anıq maģlıwmatlar alınadı. Mektep hújjetleri degende, muģallım hám oqıwshılardıń sanı, oqıwshılardıń jeke hújjetlerı, klass jurnalları, kúndelik dápterleri, buyriq dápterleri, pedagogikalıq keńes qararları dápteri, mekteptiń rejedegi pul esabı hám onıń sarıplanıwına tiyisli hújjetler hám basqalar túsiniledi.
Mektep hújjetlerin talıqlalaģanda oqıwshılardıń ulıwma sanı yamasa onıń kemeyiw sebepleri, oqıwshılardıń pánler boyınsha ózlestiriw dárejeleri, xoshámetlew hám jazalawģa itibar beriledi. Bul ilajlardi kózden keshiriw durıs yamasa nadurıs ekenligin anıqlaw, oqıwshılardıń belsendiligin salıstırıp, aldınģı pedagogikalıq tájriybelerdi ulıwmalastırıp , muģallım tárbiyashılardıń ilimiy pedagogikalıq xizmetlerin tekseriwge tiyisli sharalardı qollanıw maqsetinde kiritiledi.
Eksperiment ilimiy tájriybe sınaw metodı.
“Eksperiment” sózi sınaw tájriybe mánisin ańlatadı. Eksperimental tájriybe isleri tiykarınan, tálim tárbiya processine qatnası ilimiy gipoteza yamasa ámeliy isler processin tekseriw anıqlaw maqsetinde ótkeriledi. Bunda tiykarınan ilimiy gipotezalardıń didaktikalıq yamasa ámeliy áhimeyetine itibar beriledi. Tájriybe isleri tálim hám tárbiya ortasındaģı qatnaslardı analizlep, nátiyjelerdi esapqa alıw tıykarında jańa metodlardı payda etiwge, tálim tárbiya nátiyjeligin asırıwģa qaratıladı. Sonday-aq, tálim tárbiya xizmet barısın , processlerin , dúzilisin aldın ala biliw imkaniyatın beredi.
Eksperiment ótkeriw sharayatına qarap tómendegi tártipte boladı.
- tábiyiy eksperiment.
- labaratoriyalıq eksperiment.
- ámeliy tájriybe eksperiment.
Pedagogikalıq eksperiment mazmunına qaray didaktikalıq tárbiya máseleleri boyınsha ótkeriledi hám ol tómendegi talaplarģa juwap beredi:
- Istiń anıq ilimiy tiykarģa iye gipotezasın anıqlaw hám nátiyjesi tıykarında belgili joba dúziw.
- Ilimiy is yamasa pedagogikalıq xizmet ushın anıq obiekt belgilep ámelge asırıw barısında qosımsha usıllardı anıqlaw.
- Tájriybe ótkeriw waqtın hám múddetin belgilew.
- Tájriybe ushın kerekli bolģan ásbaplardıń tayar turıwı.
- Eksperiment nátiyjeleri tez waqıt ishinde úyreniliwi hám juwmaqlar shıģarılıwı kerek.