Туризм салоҳиятини баҳолаш усуллари ва уларнинг туризмни ривожлантиришдаги аҳамияти

ТУРИЗМ САЛОҲИЯТИНИ БАҲОЛАШ УСУЛЛАРИ ВА УЛАРНИНГ ТУРИЗМНИ РИВОЖЛАНТИРИШДАГИ АҲАМИЯТИ

Табиий, тарихий, маданий ва ижтимоий-иқтисодий туристик ресурсларнинг мавжудлиги сифатли туристик маҳсулотни шакллантириш учун асос бўлиб, балки сайёҳлик минтақасини халқаро туризм хизматлари бозорида тарғиб қилиш стратегиясини белгилайди. Шу сабабли, туризмни ривожлантиришни режалаштиришда минтақанинг туристик ва рекреацион салоҳиятини тавсифлаш, иқлим шароити, туризм инфратузилмаси, минтақадаги тегишли тармоқларнинг ривожланиш даражаси, шунингдек экологик вазият ва бошқа баъзи омилларни ҳисобга олган ҳолда ҳар томонлама баҳолашни амалга ошириш муҳимдир.

Туристик ресурсшуносликда туристик ресурсларнинг айрим гуруҳлари учун алоҳида баҳолаш усуллари қўлланилади. Масалан, технологик баҳолаш усули ҳудуднинг ривожланиш нуқтаи-назаридан табиий туристик ресурсларга нисбатан қўлланилиши мумкин. Табиий ресурсларни эстетик баҳолаш туристик ресурсларнинг инсонга ҳиссий таъсири даражасини аниқлашга асосланган бўлиб, туристик ресурснинг кўриниши ва ўзига хослиги мавжудлиги билан белгиланади. Агар технологик баҳолаш натижаси ҳудуднинг туристик ривожланишга тайёрлиги ва ундан туристик маҳсулотни яратиш учун фойдаланишга тайёрлиги бўлса, унда эстетик баҳолаш туристик кўргазма объектларининг жозибадорлик даражасини белгилайди.
Шу сабабли, бир қатор интеграл кўрсаткичларни ўз ичига олган туристик ресурсларни баҳолашнинг комплекс методологиясини ишлаб чиқиш нафақат мақсадга мувофиқ, балки муҳим илмий ва амалий аҳамиятга эга.
1-жадвалда минтақанинг туристик ва рекреацион салоҳиятини аниқлаш учун фойдаланиладиган туристик ресурсларни баҳолаш усулларининг таснифи келтирилган.
1-жадвал. Туристик ресурсларни баҳолаш усулларининг таснифи

Усулнинг номи

Хусусиятлари