Turkm dili-7 2017. indd

njy gönükme. Göçüriň. Ýöneliş doldurgyçlaryny, olaryň aýyklaýan sözlerini tapyň, aňladýan manylaryny düşündiriň. Nokatlar we sorag belgisi goýlan sözleri ýazuw ka- dasyna laýyklap göçüriň.

29 ýaşyna çenli ajaýyp set(?)rleri döredip, olary oky(?) jylara ýetirmegi başaran Annasoltan Kekilowa keselha- na düşenden soň hem galamyny taşlamandyr. Dört di- wara gabsalan, daşky gözellikden mahr..m edilen şahyra galamyň ýalňyz hemra bolandyg(?)ny aňlamak kyn däl. Ol öz..niň «Akja kebelege ýüzlenme», «Garagol oglanjyk»,
«Bagt guş..m» we ýene-de birnäçe goşg..lar(?)ny ömr..niň ahyrky günlerinde keselhanada döredipdir.
(M.Mämmetgurbanow).

113. 
     nji gönükme. Okaň. Ýöneliş doldurgyçlaryny tapyň we olaryň aýyklap gelýän sözlerini görkeziň.
     

Öwgüden depesi göge ýeten hem-de biraz utanan oglan kakasynyň ýanyndan turup gaçyp gitdi. Ol begenjine ylgap bir beýige çykdy-da, daglaryň üstünden ösýän agşam şe- malyna döşüni gerip durdy. «Onuň maňa diýäýen zadyny! Ol maňa «Sen Görogly bege mynasyp iş edipsiň» diýdi. Dogrudanam, men ýöne-möne iş etmedim. Bu maňa Gö- rogly begden bir hümmet ýetişdigidir. Ol indi maňa aýan görünjekdirem. Men tizden-tiz onuň namalaryny göçürip gutaraýyn …»
Ýeriň aňry ujundan bir ýerden dogup gelýän aýyň şöh- lesi äleme birhili syrly görnüş beripdi. Belent daglaryň gara sudury uly-uly pälwanlar ýaly bolşup, asmana baş gö- terdi …
(S.Amansähedow «Göroglynyň gözleginde»).

113. 
     nji gönükme. Göçüriň. Ýöneliş doldurgyçlaryny tapyň we olaryň aşagyny çyzyň. Ýöneliş doldurgyçlaryň nähili soraga jogap bolandygyny aýdyň.
     

Biriniň öýüne gireniňde gözüňe we diliňe ätiýaçly bol. Çagalaryňa ylym we edep öwret.
Adamlaryň ýagşylyklaryna garaşyp ýörme. Haýsy işi tutsaň-da şoňa biparh garama.
Sada adamlara ýaman görünme. Çykdajyňy girdejiňe garap çykar.
Ene-ataňa wepaly bol. (Lukman Hekim pähimleri).