Тут ипак қуртининг янги сермаҳсул тизимларининг ҳаётчанлик хусусиятлари

Янги тизимларнинг тухум жонланиши ва қуртлар ҳаётчанлиги
(2023й)

Тизимлар	Тухумлар жонланиши,%	Қуртлар ҳаётчанлиги, %	Касаллик, %
Линия 70	93,0 ± 4,04	97,0 ± 0,99	0,69 ± 0,34
Линия 71	88,3 ± 1,7	85,0 ± 3,5	5,0 ± 0,55
Линия 100	96,3 ± 2,02	91,0 ± 4,5	1,44 ± 0,31
Линия 102	82,0 ± 9,5	90,7 ± 4,79	0,77 ± 0,38
Линия 201	97,0 ± 1,15	90,0 ± 2,65	0,76 ± 0,37
Линия 203	92,3 ±1,8	95,0 ± 3,3	0,34 ± 0,34

Жадвалдан ўрин олган рақамлар таҳлили шуни кўрсатмоқдаки, янги тизимлар ҳаётчанлик кўрсаткичлари ўрта даражада бўлиб, натижаларда кескин ўзгаришлар йўқ. Тизимларни тухум жонланишини таҳлил қилсак, тизимлар ичида Линия 201 тизими 97,0 %, Линия 100 тизими 96,3%, Линия 203 тизими 92,3 %, Линия 70 тизими 93,0 % кўрсаткич билан энг юқори натижани намоён этди. Линия 71 ва Линия 102 тизимларининг жонланиш даражаси нисбатан паст, яъни 88,3 % ва 82,0 % ни ташкил этди.

Қуртлар ҳаётчанлигини муҳокамасига келадиган бўлсак, барча тизимлар ичида Линия 70 тизими 97,0%, Линия 203 тизими 95,0 % кўрсатгич билан энг юқори натижаларни намоён этдилар. Қолган тизимларда ҳам ҳаётчанлик кўрсаткичи ёмон эмас Линия 100 тизими 91,0 %, Линия 102 тизими 90,7 %, Линия 201тизими 90,0 % натижани кўрсатдилар. Фақатгина Линия 71тизимида бу кўрсаткич 85,0% ни ташкил этди ва уни ҳам салбий деб бўлмайди.
Кар пиллалар ўлиши ёки касалланиш фоизи бўйича ҳам тизимлар бир биридан сезиларли фарқга эга эмаслигини таъкидлаш мумкин. Аммо Линия 71 тизимида 5,0 % касалланиш фоизи аниқланди. Бошқа тизимларда эса каслланиш даражаси 1,44 - 0,76 % оралиғида, яъни ўта паст даражада экани аниқланди.
Хулоса. Янги тизимларни ҳаётчанлик хусусиятларини тахлил қилиб, шундай хулосага келиш мумкин: уларни ҳаётчанлик кўрсаткичлари ижобий натижага эга эканлиги, келажакда ингичка ипак берадиган сермаҳсул зотлар яратишга бошланғич селекцион материал бўлишига асос бўлади.