U. ǴAfurov, Q. Sharipov

Ózbekstan «Isbilermen hayal» isbilermen hayallar associaciyası
Ózbekstan isbilermen hayallar associa-
ciyası 1991-jılı shólkemlestirilgen bolıp, 
hayallardıń ekonomikalıq hám jámiyetlik 
huqıqların keńeytiw hám qorǵaw menen shuǵıllanadı.
«Isbilermen hayal» associaciyasınıń wazıypası hayallardıń 
ekonomikalıq, sociallıq huqıqları hám imkaniyatların keńeytiw 
hám de qorǵaw, olardıń isbilermenlik hám jámáátlik baslamaların 
qollap-quwatlaw, finanslıq, bilimlendiriw xabar resurslarınan 
paydalanıwın támiyinlewge járdemlesiw bolıp esaplanadı.
Siz «Isbilermen hayal» associaciyası haqqındaǵı basqa kóplegen 
paydalı maǵlıwmatlar menen mákemeniń http://adju.uz elektron 
beti arqalı tanısıwıńızǵa boladı.
JEKE TÁRTIPTEGI ISBILERMENLIKTIŃ TIYKARǴÍ 
ÓZGESHELIKLERI
Jeke tártiptegi isbilermenler xızmet túri hám onı iske asırıw ornına 
qaray eń kem is haqıǵa kóbeytilgen muǵdarlarda qatań belgilengen 
salıq tólemlerin ámelge asıradı. 
Eń kem is haqı — mámleket tárepinen belgili bir waqıt (máselen, 
saat, kún, hápte, ay yaki jıl) ushın miynetke haqı tólewdiń 
belgilengen eń kem muǵdarı.
Máselen, nızam hújjetlerine tiykarlanıp Tashkent qalasınan dizim-
nen ótken, azıq-awqat hám azıq-awqatlıq emes tovarlardı usaqlap 
satıw xızmeti menen shuǵıllanıwshı jeke tártiptegi isbilermen eń kem 
is haqınıń 7 esesi muǵdarında qatań belgilengen salıq hám eń kem 
is haqınıń 1 esesi muǵdarında qamsızlandırıw tólemin tólewi tiyis. 
2018-jılı 1-yanvar jaǵdayına qaray, eń kem is haqı 172 240 sumdı 
quraydı. Bul waqıt ushın jeke tártiptegi isbilermen tólewi zárúr bolǵan 
qatań belgilengen salıq summası 1 205 680 sum (172 240 × 7)dı, 
qamsızlandırıw tólemi bolsa 172 240 sum (172 240 × 1)dı quraydı.
Jeke tártiptegi isbilermen Ózbekstan Respublikası Ministrler 
Kabineti tárepinen belgilengen tártipte xızmetkerlerdi jallawǵa haqılı. 
Ózbekstan Respublikası Ministrler Kabinetiniń 2015-jılı 31-iyuldaǵı 

---

19
219-sanlı qararı menen tastıyıqlanǵan «Jeke isbilermenler tárepinen 
xızmetkerlerdi jallaǵan jaǵdayda isbilermenlik xızmetin ámelge asırıw 
tártibi haqqında»ǵı Ustavı buǵan tiykar bolıp xızmet etedi. 
Xızmetkerler jallanǵan jaǵdayda hárbir xızmetker ushın jeke 
tártiptegi isbilermen tárepinen ámelge asırılatuǵın xızmet boyınsha 
názerde tutılǵan stavkanıń 30% muǵdarında qatań belgilengen salıq 
tólew minnetlemesi júkletiledi.
Ónermentshilik xızmetin ámelge asırıp atırǵan jeke tártiptegi 
isbilermenler tovarlar tayarlaw (jumıslar islew, xızmetler kórsetiw) 
ushın kóbi menen bes shákirtti olarǵa tiyisli haqı tólegen jaǵdayda 
qatnastırıwǵa haqılı.