U. ǴAfurov, Q. Sharipov

Ózbekstan Respublikası Prezidenti Sh. Mirziyoev
ISBILERMENLIK, ONÍŃ TÚRLERI
HÁM FORMALARÍ
1-TEMA
 
I BAP
JEDELLESTIRIWSHI SORAW HÁM TAPSÍRMALAR
1. 1—3-súwretlerde kórsetilgen adamlardıń turmıs jaǵdayı neler menen 
ajıralıp turadı?
2. 4—6-súwretlerdegi bayraqları kórsetilgen qaysı mámlekette isbilermenlik 
xızmeti kóbirek rawajlanǵan dep oylaysız? Ne ushın? Pikirińizdi tiykarlań.
3. Qorshaǵan ortalıq hám shárt-sharayatlardıń isbilermenlik xızmetiniń 
rawajlanıw dárejesi menen qanday baylanısı bar?
AQSH
Madagaskar
Malayziya
1
2
3
4
5
6

---

4
ISBILERMENLIK DEGENIMIZ NE?
Siz isbilermenlik túsinigi menen 9-klasta ótilgen «Ekonomikalıq 
bilim tiykarları» páni arqalı jaqsı tanıssız. Onda isbilermenlik 
degende adamlardıń payda kóriw maqsetinde táwekelshilik tiykarında 
óz qarjıları, múlki, bilimi hám imkaniyatların iske qosıp, ónim islep 
shıǵarıw hám xızmet kórsetiw iskerligi túsiniledi, delingen. Bunnan 
belgili boladı, isbilermenlik bazar ekonomikasınıń tiykarın qurap, 
onıń qatnasıwshıların háreketke keltiriwshi xızmet bolıp tabıladı.
Isbilermenlik xızmeti (isbilermenlik) isbilermenlik xızmeti
subyektleri tárepinen nızam hújjetlerine muwapıq ámelge asırıla-
tuǵın, ózi táwekel etip hám óziniń múlklik juwapkershiligi 
tiykarında dáramat (payda) alıwǵa qaratılǵan baslama kórsetiwshi 
háreketi bolıp esaplanadı.
Ózbekstan Respublikasınıń 2012-jıl 2-maydaǵı ÓRQ – 328-sanlı 
jańa redakciyadaǵı «Isbilermenlik xızmeti erkinliginiń kepillikleri 
haqqında»ǵı nızamı, 3-statya.
Isbilermen óndiristiń basqa tiykarǵı faktorları — jer (tábiyiy resurslar), 
kapital (óndiris quralları) hám miynet resursların óz ara biriktirip, olar-
dıń bir-birine muwapıq háreket etiwin támiyinlep, jańa ónimlerdi islep 
shıǵarıw yaki xızmet kórsetiwdi ámelge asıradı.
Isbilermen — isbilermenlik uqıplılıǵına, yaǵnıy qanday da 
bir túrdegi tovar islep shıǵarıw yaki xızmet kórsetiw procesin 
shólkemlestiriwde bilim, kónlikpe hám tájiriybege iye shaxs.